ଅର୍ଗସ ବ୍ୟୁରୋ : ରାଜ୍ୟରେ ଆଉ ନୂଆ ୬ଟି ଇଏସଆଇ ହସ୍ପିଟାଲ ଖୋଲିବ। ଏ ନେଇ ଆପ୍ରୁଭାଲ ମିଳିସାରିଥିବା ବେଳେ କାର୍ଯ୍ୟ ଚାଲିଛି। ଭୁବନେଶ୍ୱର, ପାରାଦ୍ୱୀପ, ଝାରସୁଗୁଡା, ଡୁବୁରି, ବ୍ରହ୍ମପୁର ଓ ବାଲେଶ୍ୱରରେ ହେବ ଇଏସଆଇ ହସ୍ପିଟାଲ। ଭୁବନେଶ୍ୱର ଅନ୍ଧାରୁଆରେ ହେବ ହସ୍ପିଟାଲ। ସବୁ ହସ୍ପିଟାଲ ଶହେ ବେଡ଼ ବିଶିଷ୍ଟ ହେବ। ସମସ୍ତ ଇଏସଆଇ ହସ୍ପିଟାଲରେ ନିଯୁକ୍ତ ହେବେ ଆବଶ୍ୟକୀୟ ଡାକ୍ତର ଓ ସ୍ଵାସ୍ଥ୍ୟ କର୍ମଚାରୀ। ଇଏସଆଇର ୮୫ ତମ ଆଞ୍ଚଳିକ ବୈଠକ ପରେ ଏହି ସୂଚନା ଦେଲେ ଓଡିଶା ରାଜ୍ୟ କର୍ମଚାରୀ ବୀମା ନିଗମ ଆଞ୍ଚଳିକ ନିର୍ଦେଶକ ସୁକାନ୍ତ ଚନ୍ଦ୍ର ଦାସ। ଇଏସଆଇ ଯୋଜନାକୁ ଅଧିକରୁ ଅଧିକ ପ୍ରଚାର ପ୍ରସାର ପାଇଁ ଆଲୋଚନା।
ଅଧିକ ପଢନ୍ତୁ ଓଡିଶା ଖବର
ଅଧିକରୁ ଅଧିକ ଲୋକ କିଭଳି ଯୋଜନାରେ ଯୋଡି ହେବେ ଓ ଯୋଜନାର ଲାଭ ନେବେ ସେ ନେଇ ହେଲା ଆଲୋଚନା। ରାଜ୍ୟରେ ଇଏସଆଇର ୬ ଟି ହସ୍ପିଟାଲ ଓ ୫୩ ଟି ଡିସପେନସାରୀ ରହିଛି। ଡାକ୍ତର, ପାରା ମେଡ଼ିକାଲ ଓ ନର୍ସିଂ ଷ୍ଟାଫ ନିଯୁକ୍ତି ପ୍ରକ୍ରିୟା ଚାଲିଛି। ଆବଶ୍ୟକ କର୍ମଚାରୀ ପୂରଣ ପାଇଁ କାର୍ଯ୍ୟ ଚାଲିଛି। ବର୍ତ୍ତମାନ ୨୧ ହଜାର ପର୍ଯ୍ୟନ୍ତ ଦରମା ପାଉଥିବା କର୍ମଚାରୀ ଇଏସଆଇ ସୁବିଧା ପାଉଛନ୍ତି। ଆହୁରି ଅଧିକ ଦରମା ପାଉଥିବା କର୍ମଚାରୀ ମାନେ କିଭଳି ଏହି ସ୍କିମରେ ସାମିଲ ହେବେ ସେ ନେଇ ନିଷ୍ପତ୍ତି ନିଆଯାଉଛି।
ଅର୍ଗସ ବ୍ୟୁରୋ : ମୁମ୍ବାଇରେ ଅନୁଷ୍ଠିତ ଇଣ୍ଡିଆ କେମ୍-2024ରେ ଯୋଗ ଦେଲେ ମୁଖ୍ୟମନ୍ତ୍ରୀ ଓ ଶିଳ୍ପ ମନ୍ତ୍ରୀ । ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ସମସ୍ତ ନିବେଶକଙ୍କୁ ଓଡ଼ିଶାରେ ନିବେଶ ପାଇଁ ଅନୁରୋଧ କରିଛନ୍ତି। ମୋହନ ମାଝୀ କହିଛନ୍ତି ଓଡ଼ିଶାରେ ନିବେଶକମାନଙ୍କୁ ଦିଆଯିବ ହାଇଟେକ୍ ସୁବିଧା । ଓଡ଼ିଶାରେ ପୁଞ୍ଜି ନିବେଶ କରୁଥିବା ଲୋକଙ୍କୁ ସରକାର ସମସ୍ତ ସୁବିଧା ଯୋଗାଇ ଦେବେ। ପୂର୍ବ ସରକାର ଉଦ୍ୟୋଗ ଗୁଡ଼ିକୁ ଫେରାଇ ଦେବାର ରାସ୍ତା ଦେଖାଇ ଦେଉଥିଲେ, କିନ୍ତୁ ଆମ ସରକାର ସମସ୍ତଙ୍କୁ ସର୍ବୋତ୍ତମ ସୁବିଧା ପ୍ରଦାନ କରିବେ।
ଅଧିକ ପଢନ୍ତୁ ଓଡିଶା ଖବର
ଓଡ଼ିଶାରେ ରସାୟନ ଶିଳ୍ପ ଆସିବା ଦ୍ୱାରା ନିଯୁକ୍ତି ସହିତ ବିକାଶ ମଧ୍ୟ ହେବ। ଏହି ଅବସରରେ ମୁଖ୍ୟମନ୍ତ୍ରୀଙ୍କୁ ବ୍ୟକ୍ତିଗତ ଭାବେ ସାକ୍ଷାତ କରିଛନ୍ତି ବେଦାନ୍ତର ଅଧ୍ୟକ୍ଷ ଅନୀଲ୍ ଅଗ୍ରୱାଲ୍ ଓ JSWର ଚେୟାରମ୍ୟାନ୍ ସଜ୍ଜନ ଜିନ୍ଦଲ। ଆସନ୍ତାକାଲି ଆନନ୍ଦ ମହିନ୍ଦ୍ରା, କୁମାର ମଙ୍ଗଳମ ବିର୍ଲାଙ୍କ ଭଳି ଶିଳ୍ପପତି ମଧ୍ୟ ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିବାର କାର୍ଯ୍ୟକ୍ରମ ରହିଛି ।
