subarnapur-handloom-pura-uansa-saree-in-news

ଚର୍ଚ୍ଚାରେ ପୁରା ଉଁଆସ ଶାଢ଼ୀ

by Smruti Parija

subarnapur-handloom-pura-uansa-saree-in-news

ସୁବର୍ଣ୍ଣପୁର: ଶାଢୀ କହୁଛି ପରମ୍ପରାର କଥା । ଛୋଟ ଛୁଆଙ୍କ ଦ୍ବାରା ଖେଳାଯାଉଥିବା କୁଣ୍ଢି କାଞ୍ଚିରୁ ଆରମ୍ଭ କରି ପ୍ରସିଦ୍ଧ ଲଙ୍କା ପୋଡ଼ିର ଝଲକ ଦେଖିବାକୁ ମିଳିଛି ଏହି ଶାଢୀରେ । ଆମ ସଂସ୍କୃତି, ପରମ୍ପରା, ଐତିହ୍ୟ କେତେ ସୁନ୍ଦର ଆଉ କେତେ ଉଚ୍ଚ ତାହାର ପରିଚୟ ଦେଉଛି ବାନ୍ଧ ଶାଢୀ । ହାତ ବୁଣା ଏହି ପାଟ ଶାଢୀର ଡିଜାଇନ ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି ।

ବିଭିନ୍ନ ସମୟରେ ଚର୍ଚ୍ଚାରେ ରହିଥାନ୍ତି ସୁବର୍ଣ୍ଣପୁର ଜିଲ୍ଲାର ବୁଣାକାର ଓ ବାନ୍ଧଶିଳ୍ପୀ । କେତେବେଳେ ଏଠାକାର ହାତବୁଣା ଶାଢୀ ବଲିଉଡ ସେଲିବ୍ରେଟିଙ୍କ ପ୍ରଥମ ପସନ୍ଦ ପାଳଟିଥିବାବେଳେ ରାଜନେତାମାନେ ମଧ୍ୟ ପରିଧାନ କରିଥାନ୍ତି । ତେବେ ସୁବର୍ଣ୍ଣପୁରର ବାନ୍ଧଶିଳ୍ପୀଙ୍କ ହାତରେ ରହିଛି ଯାଦୁ । ନିଆରା ଡିଜାଇନ୍ କରି ବିଶ୍ୱ ଦରବାରରେ ସୃଷ୍ଟି କରିଛନ୍ତି ସ୍ୱତନ୍ତ୍ର ପରିଚୟ । ଏବେ ଏଭଳି ଏକ ନିଆରା ପ୍ରୟାସ କରିଛନ୍ତି ଜଣେ ବାନ୍ଧଶିଳ୍ପି ।
ପଶ୍ଚିମ ଓଡ଼ିଶାରେ ଭାଦ୍ରବ ମାସ ଅମାବାସ୍ୟାରେ ପାଳିତ ହେଉଥିବା ସପ୍ତପୂରି ଅମାବାସ୍ୟାକୁ ପୁରା ଉଁଆସ ଭାବେ ପାଳନ କରାଯାଏ । ଯେଉଁ ପରମ୍ପରାର ଝଲକ ଦେଖିବାକୁ ମିଳିଛି ଏହି ହାତ ବୁଣା ପାଟ ଶାଢ଼ୀରେ । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ହନୁମାନପାଲି ଗାଁ ର ଟିକାୟତ ମେହେରଙ୍କ ଦ୍ୱାରା ପ୍ରସ୍ତୁତ କରାଯାଇଥିବା ଏହି ଡିଜାଇନକୁ ବାନ୍ଧଶିଳ୍ପୀ ପ୍ରଫୁଲ୍ଲ ମେହେର ପ୍ରସ୍ତୁତ କରିଛନ୍ତି । ଟିକାୟତ ଆଗରୁ ମଧ୍ୟ ପ୍ରଣାମ ଶାଢ଼ୀ ପ୍ରସ୍ତୁତ କରି ରାଜ୍ୟ ସ୍ତରରେ ପୁରସ୍କୃତ ହୋଇଛନ୍ତି । ଏବେ ପୁରା ଉଁଆସ ଶାଢ଼ୀ ପ୍ରସ୍ତୁତ କରି ପୁଣି ଚର୍ଚ୍ଚାରେ ଅଛନ୍ତି ଟିକାୟତ ।

ଏହି ଶାଢ଼ୀଟା ପ୍ରସ୍ତୁତ କରିବାକୁ ପ୍ରାୟ ମାସେ ସମୟ ଲାଗିଥିବାବେଳେ ଏହା ୩୦ ହଜାର ଟଙ୍କାରେ ବିକ୍ରି ହେବ ବୋଲି କହିଛନ୍ତି ବନ୍ଧଶିଳ୍ପି । ସୁବର୍ଣ୍ଣପୁର ଜିଲ୍ଲାର ହସ୍ତତନ୍ତ କାରିଗରଙ୍କ ହାତବୁଣା ଲୁଗା ଏବେ ସାରା ବିଶ୍ୱରେ ସ୍ୱତନ୍ତ୍ର ସ୍ଥାନ ସୃଷ୍ଟି କରିଥିବାବେଳେ ପୁଣି ଚର୍ଚ୍ଚାରେ ବୁଣାକାର । ନିଜ ପରମ୍ପରାକୁ ଶାଢୀରେ ସ୍ଥାନ ଦେଇ ବିଭିନ୍ନ ମହଲରୁ ପ୍ରଶଂସା ସାଉଁଟିଛନ୍ତି କାରିଗର ।

ଇ -କେୱାସି ପରେ ଧରା ପଡିଲା ଚାଉଳ ଲୁଟର ସତ

by Sangram Tripathy

ଅର୍ଗସ ବ୍ୟୁରୋ:ବିଜେଡି ଲୁଚାଇଥିଲା ବିଜେପି ଖୋଲିଦେଲା, ଇ -କେୱାସି ପରେ ଧରା ପଡିଛି ଚାଉଳ ଲୁଟର ସତ। ମାଗଣା ଚାଉଳ ନେଉଥିବା ଅଯୋଗ୍ୟ ହିତାଧିକାରୀଙ୍କୁ ଚିହ୍ନଟ ପାଇଁ ଇ -କେୱାସି ହୋଇଛି ବଡ ମାଧ୍ୟମ। ବିଜେପି ସରକାରକୁ ଆସିବା ପରେ ରାଜ୍ୟ ତମାମ ରାସନ କାର୍ଡ ଥିବା ହିତାଧିକାରୀଙ୍କ ଚାଲିଛି ଇ -କେୱାସି। ଏବେ ସୁଦ୍ଦା ୨୦ ଲକ୍ଷରୁ ଅଧିକ ଅଯୋଗ୍ୟ ହିତାଧିକାରୀ ଚିହ୍ନଟ ହୋଇଥିବା ସୂଚନା ଦେଇଛନ୍ତି ଖାଦ୍ୟ ଯୋଗାଣ ମନ୍ତ୍ରୀ। ଏମାନଙ୍କୁ ତାଲିକାରୁ ବାଦ ଦେଇ ଯୋଗ୍ୟଙ୍କୁ ଯୋଡିବା ପାଇଁ ବଡ କସରତ କରୁଛନ୍ତି ରାଜ୍ୟ ସରକାର। ପ୍ରାୟ ୧୦ ଲକ୍ଷ ଲୋକ ରାସନ କାର୍ଡ ପାଇଁ ଆବେଦନ କରିଛନ୍ତି ବୋଲି କହିଛନ୍ତି ମନ୍ତ୍ରୀ। ଇ- କେୱାସି ପ୍ରକିୟା ସରିବା ପରେ ନଭେମ୍ବର ଭିତରେ ନୂଆ ରାସନ କାର୍ଡ ଦିଆଯିବ ବୋଲି କହିଛନ୍ତି ଯୋଗାଣ ମନ୍ତ୍ରୀ। ଅଯୋଗ୍ୟଙ୍କୁ ବାଦ କରିବା ପ୍ରକିୟା ଭିତରେ ରାସନ କାର୍ଡ ହାତେଇଥିବା ବାଂଲାଦେଶୀଙ୍କୁ ବି ବାଦ ଦିଆଯିବ ବୋଲି କହିଛନ୍ତି ଯୋଗାଣ ମନ୍ତ୍ରୀ। ଉପକୂଳ ଜିଲ୍ଲା କେନ୍ଦ୍ରାପଡାରୁ ନେଇ ବାଲେଶ୍ବର ପର୍ଯ୍ୟନ୍ତ ହଜାର ହଜାର ବାଂଲାଦେଶୀ ହାତେଇଛନ୍ତି ରାସନ କାର୍ଡ। ପୂର୍ବ ସରକାର ସମୟରେ ଭୋଟ ବ୍ୟାଙ୍କ ଲୋଭରେ ଏମାନଙ୍କ ଭୋଟର କାର୍ଡ ଓ ରାସନ କାର୍ଡ କରାଇ ଭୋଟ ହାତଉଥିଲେ ବିଜେଡି ସରକାର।ବିଜେଡି ନେତାଙ୍କ ମାଧ୍ୟମରେ ଧନୀ ଲୋକ ବି ରାସନ କାର୍ଡ ହାତେଇଥିବାର ସଂଙ୍ଗୀନ ଅଭିଯୋଗ ବିଧାନସଭାରେ ଆଣିଥିଲେଯୋଗାଣ ମନ୍ତ୍ରୀ।ଗୋଟିଏ ପଟେ ଟି ପର ଟ୍ରାନସପରେନିସର ନାରା ଦେଉଥିବା ପୂର୍ବ ସରକାର ଟି ଫର ଟିମ୍ ୱାର୍କରେ ଲୁଟ କରୁଥିବାର ଆସିଛି ପ୍ରମାଣ। ଯୋଗ୍ୟକୁ ରାସନ କାର୍ଡ ନ ଦେଇ ଅଯୋଗ୍ୟକୁ ମିଳୁଥିଲା କାର୍ଡ। ଏବେ ସରକାର ବଦଳିବା ପରେ ଯୋଗ୍ୟ ମନରେ ଜାଗିଛି ଆଶା

ରାଜ୍ୟରେ ଏବେ ପ୍ରାୟ ୩ କୋଟି ୨୬ ଲକ୍ଷ ହିତାଧିକାରୀ ରାସନ କାର୍ଡ ଜରିଆରେ ଚାଉଳ ପାଉଛନ୍ତି। ଏମାନଙ୍କ ମଧ୍ୟରେ ଅଛନ୍ତି ୨୦ ଲକ୍ଷରୁ ଅଧିକ ଅଯୋଗ୍ୟ ଓ ଭୂତ ହିତାଧିକାରୀ। ରାଜ୍ୟ ସରକାର ମଧ୍ୟ ନିଜସ୍ବ ଖାଦ୍ୟ ସୁରକ୍ଷା ଯୋଜନାରେ ୯ ଲକ୍ଷରୁ ଅଧିକ ଲୋକଙ୍କୁ ଚାଉଳ ଦେଉଛନ୍ତି। ଏବେ ଇ- କେୱାସିରେ ଅଯୋଗ୍ୟ ଧରାପଡିବା ପରେ ଖୋଲିଛି ବିଜେଡି ସରକାର ଅମଳରେ ଚାଉଳ ଲୁଟର ସତ,ଆଗକୁ ଆହୁରୀ ଖୋଲିବ ଗୁମର

ନବୀନ ନାଁକୁ ଥିଲେ ମୁଖିଆ,ଦଳଠୁ ସରକାର ସବୁଠି ଚାଲୁଥିଲା ପାଣ୍ଡିଆନଙ୍କ ହୁକୁମ୍

by Sangram Tripathy

Naveen was the head of the party, Pandian's rule was running everywhere

ଅର୍ଗସ ବ୍ୟୁରୋ:ଦଳରୁ ଇସ୍ତଫା ପରେ ପୂର୍ବତନ ବିଧାୟିକା ସୁନନ୍ଦା ଦାସ ଖୋଲିଦେଇଛନ୍ତି ବିଜେଡି ଗୁମର। ନବୀନ ନୁହନ୍ତି, କୁଟ୍ଟେ ଓ ଆଶିଷ ସିଂ ବୁଝୁଥିଲେ ବିଜେଡିର ଆଭ୍ୟନ୍ତରୀଣ ବ୍ୟାପାର। କେବଳ ସେତିକି ନୁହେଁ ପର୍ଯ୍ୟବେକ୍ଷକ ନୁହନ୍ତି, IIC ଓ SP ନବୀନ ନିବାସକୁ ଦେଉଥିଲେ ନେତାଙ୍କ ରିପୋର୍ଟ। ପ୍ରଶାସନିକ ଅଧିକାରୀ ବାଣ୍ଟୁଥିଲେ ବିଜେଡି ଟିକେଟ୍। ନବୀନ ନାଁକୁ ଥିଲେ ମୁଖିଆ,ଦଳଠୁ ସରକାର ସବୁଠି ଚାଲୁଥିଲା ପାଣ୍ଡିଆନଙ୍କ ହୁକୁମ୍ ବୋଲି ଏହିଭଳି ବିସ୍ପୋରଣ ବୟାନ ଦେଇଛନ୍ତି ପୂର୍ବତନ ବିଧାୟିକା ସୁନନ୍ଦା ଦାସ । ତେବେ ଏନେଇ ବିଜେଡି ନେତାଏ କୌଣସି ପ୍ରତିକ୍ରିୟା ରଖିନାହାନ୍ତି

ମହିଳା ନିର୍ଯ୍ୟାତନା କ୍ଷେତ୍ରରେ ବିଜେପି ସରକାରଙ୍କ ଶୂନ୍ୟ ସହନଶୀଳତା

by Smruti Parija

BJP government has zero tolerance for women harassment

ଅର୍ଗସ ବ୍ୟୁରୋ: କେନ୍ଦ୍ରାପଡା ଡେରାବିଶ ବ୍ଲକ ସମନ୍ଵିତ ମହିଳା ଶିଶୁ ବିକାଶ କାର୍ଯ୍ୟାଳୟର ମହିଳା କର୍ମଚାରିଙ୍କୁ ନିର୍ଯ୍ୟାତନା ଅଭିଯୋଗର ଆରମ୍ଭ ହୋଇଛି ତଦନ୍ତ। ଜିଲା ସମାଜ ମଙ୍ଗଳ ଅଧିକାରୀ ମନୋରମା ସ୍ଵାଇଁଙ୍କ ଅଧ୍ୟକ୍ଷତାରେ ଗଠିତ କମିଟି CDPOଙ୍କ କାର୍ଯ୍ୟାଳୟରେ ପହଞ୍ଚି ମାମଲାର ତଦନ୍ତ କରିଛନ୍ତି । ତଦନ୍ତ କମିଟିରେ ମେଡିକାଲ ଅଫିସର ଚିତ୍ତ ରଞ୍ଜନ ବେହେରା ଓ ଡେରାବିଶ ତହସିଲଦାର ପ୍ରଜ୍ଞା ପରମିତା ପୃଷ୍ଟି ମଧ୍ୟ ସାମିଲ ହୋଇଥିଲେ । ସିଡିପିଓଙ୍କ ସମେତ କାର୍ଯ୍ୟାଳୟର ଅନ୍ୟ କର୍ମଚାରୀଙ୍କୁ ମଧ୍ୟ ପଚରା ଉଚରା କରିଛି କମିଟି । ଏହାପରେ କମିଟି ସଦସ୍ୟମାନେ ପିଡ଼ୀତା ବର୍ଷା ପ୍ରିୟଦର୍ଶନୀଙ୍କ ଘରକୁ ଯାଇ ତଦନ୍ତ କରିଛନ୍ତି ।

ଗତକାଲି ଡେରାବିଶି CDPO କାର୍ଯ୍ୟାଳୟର କିିରାଣୀ ବର୍ଷା ପ୍ରିୟଦର୍ଶିନୀ ମହାପାତ୍ର CDPO ସ୍ନେହଲତା ସାହୁଙ୍କ ବିରୁଦ୍ଧରେ ସଙ୍ଗୀନ ଅଭିଯୋଗ ଆଣିଥିଲେ l CDPOଙ୍କ ନିର୍ଯ୍ୟାତନା ଯୋଗୁଁ ତାଙ୍କ ଗର୍ଭ ନଷ୍ଟ ହୋଇଥିବା ଅଭିଯୋଗ କରିଥିଲେ ବର୍ଷା । ଘଟଣା ସାମ୍ନାକୁ ଆସିବା ପରେ ଆକ୍ସନ ମୋଡରେ ଆସିଥିଲେ ରାଜ୍ୟ ସରକାର। ସିଡିପିଓଙ୍କୁ କାର୍ଯ୍ୟରୁ ଅପସାରଣ କରିବା ସହ ତଦନ୍ତ ନିର୍ଦ୍ଦେଶ ଦେଇଥିଲେ ଉପମୁଖ୍ୟମନ୍ତ୍ରୀ ପ୍ରଭାତି ପରିଡ଼ା।

ଇଏ ପ୍ରଥମ ଘଟଣା ନୁହେଁ ପ୍ରତ୍ୟେକ ମହିଳା ନିର୍ଯ୍ୟାତନା ମାମଲାରେ ଶୂନ୍ୟ ସହନଶୀଳତା ଦେଖାଇଆସିଛନ୍ତି ବିଜେପି ସରକାର। ଭରତପୁର ଥାନାରେ ମେଜରଙ୍କ ବାନ୍ଧବୀଙ୍କୁ ନିର୍ଯ୍ୟାତନା ଘଟଣାରେ ନିଜେ ଉପମୁଖ୍ୟମନ୍ତ୍ରୀ ପ୍ରଭାତି ପରିଡ଼ା ହସପିଟାଲରେ ପୀଡ଼ିତାଙ୍କୁ ଭେଟି ଦୋଷୀଙ୍କୁ ଦଣ୍ଡ ଦେବାକୁ ଆଶ୍ବାସନା ଦେଇଥିଲେ। ଢେଙ୍କାନାଳରେ ଦିବ୍ୟାଙ୍କ ଯୁବତୀଙ୍କୁ ଗଣଦୁଷ୍କର୍ମ ଘଟଣାରେ ବି ନିଜେ ଉପମୁଖ୍ୟମନ୍ତ୍ରୀ ପ୍ରଭାତି ପରିଡ଼ା ଏସପିଙ୍କ ସହ କଥା ହୋଇ ଦୋଷୀଙ୍କ ବିରୋଧରେ ଆକ୍ସନ ନେବାକୁ ନିର୍ଦ୍ଦେଶ ଦେଇଥିଲେ। ଏହା ପରେ ଅଭିଯୁକ୍ତିଙ୍କୁ ଗିରଫ କରିଥିଲା ପୋଲିସ।

ସେହପରି ନବରଙ୍ଗପୁର ନାବାଳିକା ଦୁଷ୍କର୍ମ ଓ ହତ୍ୟା ଘଟଣା ସାମ୍ନାକୁ ଆସିବା ପରେ ନିଜେ ଗଣଶିକ୍ଷାମନ୍ତ୍ରୀ ନିତ୍ୟାନନ୍ଦ ଗଣ୍ଡ ପୀଡ଼ିତାଙ୍କ ପରିବାର ଲୋକଙ୍କୁ ଭେଟିବା ସହ କଡ଼ା ଆକ୍ସନ ପାଇଁ ପୋଲିସକୁ ଦେଇଥିଲେ ନିର୍ଦ୍ଦେଶ। ସେହିପରି ବାଲେଶ୍ବର ଅଙ୍ଗନବାଡ଼ି କର୍ମୀଙ୍କୁ ବାନ୍ଧି ମାଡ଼ମାରିବା ଘଟଣାରେ ବି ଉପମୁଖ୍ୟମନ୍ତ୍ରୀ ପ୍ରଭାତି ପରିଡ଼ା ହସ୍ତକ୍ଷେପ କରି ଦୋଷୀଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ପାଇଁ ଦେଇଥିଲେ ନିର୍ଦ୍ଦେଶ। ପୂର୍ବ ବିଜେଡି ସରକାରରେ ଥାନାକୁ ଅଭିଯୋଗ ନେଇ ମହିଳା ଗଲେ ଉପେକ୍ଷାର ଶୀକାର ହେଉଥିଲେ। ପୋଲିସ ମଧ୍ୟ ଦୋଷୀଙ୍କ ବିରୋଧରେ ଆକ୍ସନ ନେବାରେ ଶୀଥିଳଥା ଦେଖାଉଥିଲା କିନ୍ତୁ ରାଜ୍ୟରେ ସରକାର ବଦଳିବା ସହ ମହିଳା ବିରୋଧୀ ଅପରାଧ କ୍ଷେତ୍ରରେ ସରକାରୀ ସ୍ତରରେ ଦେଖିବାକୁ ମିଳୁଛି ତତ୍ପରତା।

Download Argus News App

subarnapur-handloom-pura-uansa-saree-in-news

Download Mobile App