ଅର୍ଗସ ବ୍ୟୁରୋ: କଟକର ଅଧିଷ୍ଠାତ୍ରୀ ଦେବୀ ମା କଟକ ଚଣ୍ଡୀଙ୍କ ମନ୍ଦିର ଉନ୍ନତି କାର୍ଯ୍ୟ ବିଳମ୍ବ କୁ ନେଇ ଦେଖା ଦେଇଛି ଅସନ୍ତୋଷ। ମା ଚଣ୍ଡୀ ଙ୍କ ମନ୍ଦିର ର କାର୍ଯ୍ୟ ଗତ ବର୍ଷ ଅକ୍ଟୋବରରେ ଶେଷ ହେବ ବୋଲି ପ୍ରଶାସନିକ ନିଷ୍ପତ୍ତି ହୋଇଥିଲା ହେଲେ କାମ ସରିବା ତ ଦୂରର କଥା ଅଧା କାର୍ଯ୍ୟ ହୋଇ ମନ୍ଥର ଗତି ରେ ଚାଲିଛି। ଦଶହରା ଆଉ କିଛି ଦିନ ଥିବାବେଳେ ମା ଙ୍କ ମନ୍ଦିର ଅଧାଭଙ୍ଗା ଅବସ୍ଥାରେ ପଡିରହିଛି। ସମଲେ ରୀ ତାରା ତାରିଣୀ ମନ୍ଦିର କାମ ଶେଷ ହୋଇଥିବା ବେଳେ କଣ ପାଇଁ ପୂର୍ବ ସରକାର ଚଣ୍ଡୀ ମନ୍ଦିର କୁ ଅଣଦେଖା କରିଛନ୍ତି ଯାହାକୁ ନେଇ ଅସନ୍ତୋଷ ଜାହିର କରିଛି କଟକ ଚଣ୍ଡୀ ମନ୍ଦିର ସୁରକ୍ଷା କମିଟି। ତେବେ 70 କୋଟି ଟଙ୍କା ବ୍ୟୟରେ ନିର୍ମାଣ ହେବା କୁ ଥିବା ଏହି ପ୍ରକଳ୍ପ କାର୍ଯ୍ୟ ରେ କି କାର୍ଯ୍ୟ ହେଉଛି ମନ୍ଦିର କେଉଁ ଢାଞ୍ଚା ରେ ନିର୍ମାଣ ହେବ ତାହା ମଧ୍ୟ ସର୍ବସାଧରଣ ଜାଣିବାର ଆବଶ୍ୟକତା ଅଛି ବୋଲି ସାମ୍ବାଦିକ ସମ୍ମିଳନୀ ରେ ଦାବି କରିଛି ଚଣ୍ଡୀ ମନ୍ଦିର ସୁରକ୍ଷା କମିଟି ।
ମନ୍ଦିର ସମ୍ପ୍ରସାରଣ ପାଇଁ ଯେଉଁ ଜମି କିଣା ଯାଇଥିଲା ତାହା ଅନାବଶ୍ୟକ ଭାବେ କର୍ମଚାରୀଙ୍କ ପାଇଁ ଗୃହ ନିର୍ମାଣ କରାଯାଇଛି। ଭକ୍ତ ଙ୍କ ଦାନରୁ 40 ଭାଗ ପୂଜକମାନେ କାହିଁକି ନେଉଛନ୍ତି ଏବଂ ମନ୍ଦିର ଟ୍ରଷ୍ଟ ବୋର୍ଡ ନିର୍ମାଣ କରିବା ପାଇଁ ଦାବି କରିଛି କମିଟି । ତେବେ ଏ ବାବଦରେ ମନ୍ଦିର ପରିଚାଳନା କମିଟି କିମ୍ବା ମନ୍ଦିର ପ୍ରଶାସନିକ ଅଧିକାରୀଙ୍କ ପ୍ରତିକ୍ରିୟା ମିଳିପାରି ନାହିଁ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ପୋଲିସ ଡିଜି ଓ୍ବାଇବି ଖୁରାନିଆଙ୍କ କାର୍ଯ୍ୟକାଳ ବଢ଼ିଲା। ୧୬ ଅଗଷ୍ଟ ୨୦୨୬ ପର୍ଯ୍ୟନ୍ତ କାର୍ଯ୍ୟକାଳ ବଢ଼ାଇଲେ ରାଜ୍ୟ ସରକାର।
ସୂଚନାଯୋଗ୍ୟ ଗତ ମାସରେ ପୁଲିସ ମହାନିର୍ଦ୍ଦେଶକ ଭାବେ ୧୯୯୦ ବ୍ୟାଚର ଭାରତୀୟ ପୁଲିସ ସେବା ଅଧିକାରୀ ଯୋଗେଶ ବାହାଦୂର ଖୁରାନିଆ ଦାୟିତ୍ବ ଗ୍ରହଣ କରିଛନ୍ତି । ରାଜ୍ୟ ପୁଲିସ ମୁଖ୍ୟାଳୟରେ ସେ କାର୍ଯ୍ୟକାରୀ ପୋଲିସ ମହାନିର୍ଦ୍ଦେଶକ ଅରୁଣ ଷଡଙ୍ଗୀଙ୍କଠାରୁ ଦାୟିତ୍ବ ଗ୍ରହଣ କରିଥିଲେ।
ଅଧିକ ପଢ଼ନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ଏକ ଦଶନ୍ଧି ପରେ ଜମ୍ମୁ-କଶ୍ମୀରରେ ପ୍ରଥମ ପର୍ଯ୍ୟାୟ ବିଧାନସଭା ନିର୍ବାଚନ ଶେଷ ହୋଇଛି । ନିର୍ବାଚନ ଆୟୋଗଙ୍କ ସୂଚନା ଅନୁଯାୟୀ, ପ୍ରଥମ ପର୍ଯ୍ୟାୟରେ ୫୮ ପ୍ରତିଶତରୁ ଅଧିକ ମତଦାନ ହୋଇଛି । ଗତ ୩୫ ବର୍ଷ ମଧ୍ୟରେ ଜମ୍ମୁ-କଶ୍ମୀରରେ ଏହି ପ୍ରତିଶତ ମତଦାନ ସର୍ବାଧିକ ରହିଛି ।
ଜମ୍ମୁ-କଶ୍ମୀରର ୭ଟି ଜିଲ୍ଲା ଅନନ୍ତନାଗ, ପୁଲୱାମା, ସୋପିୟଂ, କିଶ୍ତୱାଡ଼, ରାମବନ, କୁଲଗାମ୍ ଓ ଡୋଡାରେ ମତଦାନ ହୋଇଛି । ୩୨୭୬ଟି ମତଦାନ କେନ୍ଦ୍ରରେ ମତଦାନ ହୋଇଥିଲା । ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟରେ ୨୧୯ ଜଣ ପ୍ରାର୍ଥୀ ମଇଦାନକୁ ଓହ୍ଲାଇଥିବା ବେଳେ ସେମାନଙ୍କ ମଧ୍ୟରୁ ୯ ଜଣ ମହିଳା ପ୍ରାର୍ଥୀ ଥିଲେ ।
ଅନନ୍ତନାଗରେ ୫୪.୧୭ ପ୍ରତିଶତ ମତଦାନ ହୋଇଥିବାବେଳେ ଡୋଡାରେ ୬୯.୩୩ ପ୍ରତିଶତ ମତଦାନ ହୋଇଛି। ସେହିପରି କିଶ୍ତୱାଡ଼ରେ ୭୭.୨୩ ପ୍ରତିଶତ। କୁଲଗାମରେ ୬୧.୫୭ ପ୍ରତିଶତ । ପୁଲୱାମାରେ ୪୬.୦୩ ପ୍ରତିଶତ। ରାମବନରେ ୬୭.୭୧ ପ୍ରତିଶତ ଏବଂ ସୋପିୟଂରେ ୫୩.୬୪ ପ୍ରତିଶତ ମତଦାନ ହୋଇଛି।
ଅଧିକ ପଢ଼ନ୍ତୁ ଭାରତ ଖବର
ଅର୍ଗସ ବ୍ୟୁରୋ: ରାଜଧାନୀରେ ପୁଣି ବୋମାମାଡ଼ ହୋଇଛି। କ୍ୟାପିଟାଲ ଥାନା ଅଞ୍ଚଳର ଦୁଇଟି ସ୍ଥାନରେ ବୋମାମାଡ ହୋଇଛି। ୨ଜଣ ଯୁବକ ବାଇକରେ ଆସି ଦୁଇଟି ସ୍ଥାନରେ ୩ଟି ବୋମା ପକାଇ ଫେରାର୍ ହୋଇଯାଇଛନ୍ତି। ଏଥିରେ ଜଣେ ୧୫ବର୍ଷର ନାବାଳକ ଗୁରୁତର ଆହତ ହୋଇଛନ୍ତି । ଆହତ ନାବାଳକଙ୍କ ନାମ ରାହୁଲ ନାୟକ । ତାଙ୍କୁ ଉଦ୍ଧାର କରି କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି ।
ରାହୁଲର ଗୋଡ, ପିଠି ସହ ଏକାଧିକ ସ୍ଥାନରେ ଆଘାତ ଲାଗିଛି ବୋମାମାଡ ହୋଇଥିବା ସ୍ଥାନଗୁଡିକରେ ସିସିଟିଭି ଲାଗିଥିବାରୁ ସେଇ ଆଧାରରେ ଦୁର୍ବୃତ୍ତଙ୍କୁ ଚିହ୍ନଟ କରାଯାଉଛି । ସେମାନେ ହେଲମେଟ ସହ ମୁଖା ପିନ୍ଧିଥିବା ପ୍ରତ୍ୟକ୍ଷଦର୍ଶୀମାନେ କହିଛନ୍ତି । ପୂର୍ବଶତ୍ରୁତା କିମ୍ବା ବଟି ଆଦାୟକୁ କେନ୍ଦ୍ରକରି ବୋମାମାଡ ହୋଇଥିବା ପ୍ରାଥମିକ ଅନୁସନ୍ଧାନରୁ ଜଣାପଡ଼ିଛି।
ଅଧିକ ପଢ଼ନ୍ତୁ ଓଡ଼ିଶା ଖବର
