Vikas Foundation Chairperson Mridula Thakur Pradhan was involved in the 'Akshat Banton Yatra'

‘ଅକ୍ଷତ ବଣ୍ଟନ ଯାତ୍ରା’ରେ ସାମିଲ ହେଲେ ବିକାଶ ଫାଉଣ୍ଡେସନ ଅଧ୍ୟକ୍ଷା ମୃଦୁଳା ଠାକୁର ପ୍ରଧାନ

by Banajyotshna Ray

Vikas Foundation Chairperson Mridula Thakur Pradhan was involved in the 'Akshat Banton Yatra'

ଅର୍ଗସ ବ୍ୟୁରୋ: ପବିତ୍ର ଅଯୋଧ୍ୟା ଧାମରେ ଶ୍ରୀରାମ ମନ୍ଦିର ପ୍ରାଣ ପ୍ରତିଷ୍ଠା ଉପଲକ୍ଷେ ଅନୁଗୋଳ ପୌରପାଳିକାରେ ଅକ୍ଷତ ବଣ୍ଟନ ଆରମ୍ଭ । ପୌରପାଳିକାର ୧୫ ନଂ ୱାର୍ଡରେ ଆୟୋଜିତ ‘ଅକ୍ଷତ ବଣ୍ଟନ ଯାତ୍ରା’ରେ ବିକାଶ ଫାଉଣ୍ଡେସନ ଅଧ୍ୟକ୍ଷା ମୃଦୁଳା ଠାକୁର ପ୍ରଧାନ ସାମିଲ ହୋଇ ପ୍ରଭୁ ଶ୍ରୀରାମଙ୍କ ଆଗମନ ସବୁଠି ରାମମୟ ପରିବେଶ ତିଆରି କରିଛି ବୋଲି କହିଛନ୍ତି । ଶ୍ରୀରାମ ମନ୍ଦିର ସମସ୍ତ ହିନ୍ଦୁ ଏବଂ ସନାତନୀଙ୍କ ଆସ୍ଥାର କେନ୍ଦ୍ର ।

ଆସନ୍ତା ଜାନୁଆରୀ ୨୨ ତାରିଖରେ ଭବ୍ୟ ରାମ ମନ୍ଦିର ପ୍ରତିଷ୍ଠା ପାଇଁ ସବୁଠି ରାମମୟ ପରିବେଶ ତିଆରି ହୋଇଛି । ପ୍ରଭୁ ଶ୍ରୀରାମଙ୍କ ଆଗମନରେ ରାମନାମର ପଦଧ୍ବନୀ ଓଡ଼ିଶା ସମେତ ସମଗ୍ର ଭାରତ ବର୍ଷରେ ଭକ୍ତିମୟ ଓ ଆଧ୍ୟାତ୍ମିକ ପରିବେଶ ତିଆରି କରିଛି ।

ଅଧିକ ପଢ଼ନ୍ତୁ ଓଡିଶା ଖବର:

ପ୍ରୟାଶ୍ରାଦ୍ଧ ଲାଗି ପୁରୀରେ ଭିଡ଼, ପିତୃପୁରୁଷଙ୍କ ଉଦ୍ଦେଶ୍ୟରେ ଏକାଠି ହେଲେ ଭକ୍ତ

by Sarbeswar Mohapatra

ଅର୍ଗସ ବ୍ୟୁରୋ: ଆଜି ପବିତ୍ର ଦୀପାବଳୀ ଅମାବାସ୍ୟାରେ ଶ୍ରୀକ୍ଷେତ୍ରରେ ପୟାଶ୍ରାଦ୍ଧ,ବଡ଼ବଡୁଆ ଡାକ ପାଇଁ ଜମିଛି ଶ୍ରଦ୍ଧାଳୁଙ୍କ ଭିଡ଼ । ଜଗାଦର୍ଶନ ସହ ପିତୃପୁରୁଷଙ୍କ ଉଦ୍ଦେଶ୍ୟରେ ଶ୍ରୀମନ୍ଦିର ନିକଟରେ କାଉଁରିଆ କାଠି ଜାଳିଲେ ଦର୍ଶନାର୍ଥୀ । ପ୍ରଶାସନିକ ବ୍ୟବସ୍ଥା ମଧ୍ୟରେ ବଡବଡିଆ ଡାକରେ ପ୍ରକମ୍ପିତ ହୋଇଛି ବଡଦାଣ୍ଡ । ଆଶ୍ୱିନ କୃଷ୍ଣ ପ୍ରତିପଦାଠାରୁ ପିତୃପକ୍ଷରେ ମର୍ତ୍ତ୍ୟଲୋକ ଆସିଥିବା ପିତୃପୁରୁଷଙ୍କୁ ଆଜି ଦୀପାବଳିରେ ଆଲୋକର ମାର୍ଗ ଦେଖାଇ ମେଲାଣି ଦେବାର ଦୀପଦାନ ବା ପୟାଶ୍ରାଦ୍ଧର ବିଧି ରହିଛି ।

ବିଧି ମୁତାବକ ଫଳ,ଫୁଲ,ଚନ୍ଦନରେ ଆମ ଓ ହେମ ଦ୍ରବ୍ୟରେ ପିତୃପୁରୁଷଙ୍କ ଉଦେଶ୍ୟରେ ଶ୍ରଦ୍ଧାଳୁ ମାନେ ଏକୋଦିଷ୍ଟ ଶ୍ରାଦ୍ଧ ଦାନ କରିଛନ୍ତି । ଉଦ୍ଦିଷ୍ଟ ସ୍ଥାନରେ ପୋଲିସ ଓ ଫାୟାର ବ୍ରିଗେଡ଼ର କଡା ସୁରକ୍ଷା ଏବଂ ବ୍ୟାରିକେଡ ମଧ୍ୟରେ କାଉଁରିଆ ଜାଳି ପିତୃପୁରୁଷଙ୍କ ଉଦ୍ଦେଶ୍ୟରେ ଅର୍ପଣ କରିଛନ୍ତି ଶ୍ରଦ୍ଧାଳୁ । ସେପଟେ ପଞ୍ଜିକାରେ ତ୍ରୁଟି ଯୋଗୁଁ ଗତକାଲି ଭକ୍ତମାନେ ପୟାଶ୍ରାଦ୍ଧ ଦେଇଥିବା ବେଳେ ଆଜି ଶ୍ରୀମନ୍ଦିର ପ୍ରଶାସନ ତରଫରୁ ସ୍ଥିରିକୃତ ପଞ୍ଜିକା ଅନୁଯାୟୀ ଦୀପାବଳି ଓ ପୟାଶ୍ରାଦ୍ଧ ପାଳିବେ ଶ୍ରଦ୍ଧାଳୁ।

ପୁଞ୍ଜିବଜାରରେ ଉତ୍ସାହ : ଷ୍ଟକ ମାର୍କେଟ୍‌ରେ ସନ୍ଧ୍ୟା ୬ରୁ ୭ଟା ପର୍ଯ୍ୟନ୍ତ ମହୁରତ ଟ୍ରେଡିଂ

by Sarbeswar Mohapatra

ଅର୍ଗସ ବ୍ୟୁରୋ: ପୁଞ୍ଜିବଜାରରେ ଉତ୍ସାହ । ଷ୍ଟକ ମାର୍କେଟ୍‌ରେ ଆଜି ସନ୍ଧ୍ୟା ୬ରୁ ୭ଟା ପର୍ଯ୍ୟନ୍ତ ହେବ ମହୁରତ ଟ୍ରେଡିଂ । ବମ୍ବେ ଷ୍ଟକ ଏକ୍ସଚେଞ୍ଜ ଓ ନ୍ୟାସନାଲ ଷ୍ଟକ ଏକ୍ସଚେଞ୍ଜରେ ଏକ ଘଣ୍ଟା ପାଇଁ ଏକ ସ୍ବତନ୍ତ୍ର ଟ୍ରେଡିଂ ଅଧିବେଶନର ଆୟୋଜନ କରାଯିବ । ବିଶ୍ବାସ ରହିଛି ଏହି ଶୁଭ ମୁହୂର୍ତ୍ତରେ ବ୍ୟବସାୟ କରିବା ଦ୍ବାରା ନିବେଶକଙ୍କ ପାଇଁ ସମୃଦ୍ଧି ଏବଂ ଆର୍ଥିକ ଅଭିବୃଦ୍ଧି ହୋଇଥାଏ । ଦୀପାବଳିରେ ନିୟମିତ ବଜାର ବନ୍ଦ ରହିବ, କିନ୍ତୁ ସନ୍ଧ୍ୟାରେ ଏକ ଘଣ୍ଟା ପାଇଁ ସ୍ବତନ୍ତ୍ର ଟ୍ରେଡିଂ ୱିଣ୍ଡୋ ଖୋଲା ରହିବ ।

ଏ ବର୍ଷ ଦୀପାବଳିକୁ ନେଇ ଦ୍ବନ୍ଦ୍ବ ଜାରି ରହିଥିବାବେଳେ ଦେଶର କେତେକ ଅଂଚଳରେ ଅକ୍ଟୋବର ୩୧ ରେ ଦୀପାବଳି ପାଳନ କରିଛନ୍ତି । ତେବେ କେତେକ ଆଜି ଦୀପାବଳୀ ପାଳନ କରୁଥିବା ବେଳେ ଷ୍ଟକ ବଜାରରେ ଆଜି ଦୀପାବଳି ଓ ସ୍ବତନ୍ତ୍ର ମହୁରତ ଟ୍ରେଡିଂ ସେସନ ଆୟୋଜନ କରାଯିବ । ବଜାର ଖୋଲିବା ପୂର୍ବରୁ ପ୍ରି-ଓପନିଂ ଅଧିବେଶନ ସନ୍ଧ୍ୟା ୫ଟା ୪୫ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ରହିବ ବୋଲି ସେୟାର ମାର୍କେଟ ଘୋଷଣା କରିଛି ।

କାଳୀପୂଜାରେ ଅଘଟଣ : ୧ନଂ ମାର୍କେଟ୍‌ରେ ଲାଗିଲା ନିଆଁ

by Sarbeswar Mohapatra

ଅର୍ଗସ ବ୍ୟୁରୋ : ଭୁବନେଶ୍ଵରରେ ବଡ଼ ଅଘଟଣ । ଏକ ନମ୍ବର ହାଟରେ ଲାଗିଲା ନିଆଁ । ନିଆଁ ଆୟତ୍ତ କରିବାକୁ ୧୦ଟି ଦମକଳ ବାହିନୀ ନିୟୋଜିତ । ଅଣ୍ଡର ଗ୍ରାଉଣ୍ଡ ମାର୍କେଟରେ ଲାଗିଛି ନିଆଁ । ଚାରିଆଡ ଧୂଆଁମୟ ପରିବେଶ ଦେଖିବାକୁ ମିଳିଛି । ଗତକାଲି ବିଳମ୍ବିତ ରାତିରେ ଭୁବନେଶ୍ୱର ୧ ନମ୍ବର ହାଟ ଭୂତଳ ମାର୍କେଟରେ ଭୁବନେଶ୍ୱରରେ ଭୟାବହ ଅଗ୍ନିକାଣ୍ଡ ଘଟି କେତେକ ଦୋକାନର ସାମଗ୍ରୀ ଜଳିପୋଡ଼ି ପାଉଁଶ ହୋଇଯାଇଛି ।

ମାର୍କେଟ ବିଲ୍ଡିଂରୁ ଏକ ନମ୍ବର ହାଟକୁ ସଂଯୋଗ କରୁଥିବା ଅଣ୍ଡର ଗ୍ରାଉଣ୍ଡରେ ନିଆଁ ଲାଗିଥିଲା । ଅଣ୍ଡର ଗ୍ରାଉଣ୍ଡ ମାର୍କେଟରେ ଥିବା କପଡା ଦୋକାନରେ ନିଆଁ ଲାଗିବା ଯୋଗୁଁ ଆଖପାଖ ଅଞ୍ଚଳ ଧୂଆଁମୟ ହୋଇଯାଇଥିଲା । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଅଣ୍ଡର ଗ୍ରାଉଣ୍ଡରେ ଲାଗିଥିବା ନିଆଁକୁ ଆୟତ୍ତ କରିଛନ୍ତି ।

ଅଣ୍ଡର ଗ୍ରାଉଣ୍ଡ ମାର୍କେଟରେଥିବା କପଡା ଦୋକାନରେ ନିଆଁ ଲାଗିବା ଯୋଗୁଁ ଆଖପାଖ ଅଞ୍ଚଳ ଧୂଆଁମୟ ହୋଇଯାଇଥିଲା। ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଅଣ୍ଡର ଗ୍ରାଉଣ୍ଡରେ ଲାଗିଥିବା ନିଆଁକୁ ଆୟତ୍ତ କରିଛନ୍ତି ।