ଅର୍ଗସ ବ୍ୟୁରୋ:ବାଂଲାଦେଶ ବିପକ୍ଷ ଟେଷ୍ଟ ସିରିଜ ପାଇଁ ଭାରତୀୟ ଦଳ ଘୋଷଣା କରିଛି ବିସିସିଆଇ । ବାଂଲାଦେଶ ବିପକ୍ଷରେ ରୋହିତ ଶର୍ମାଙ୍କ ନେତୃତ୍ବରେ୨ଟି ଟେଷ୍ଟ ସିରିଜ ଖେଳିବ ଭାରତ। ପ୍ରଥମ ଟେଷ୍ଟ ପାଇଁ ଦଳ ଘୋଷଣା କରିଛି ବିସିସିଆଇ । ଟିମକୁ ଫେରିଛନ୍ତି ଷ୍ଟାର ୱିକେଟ କିପର ଋଷଭ ପନ୍ତ,ପ୍ରାୟ ୨ ବର୍ଷ ପରେ ଟେଷ୍ଟକୁ ଫେରିଛନ୍ତି ଋଷଭ। ଶେଷଥର ପାଇଁ ୨୦୨୨ ଡିସେମ୍ବରରେ ସେ ଟେଷ୍ଟ ମ୍ୟାଚ୍ ଖେଳିଥିଲେ। ।
କେଏଲ ରାହୁଲ ଟିମ୍କୁ ପ୍ରତ୍ୟାବର୍ତ୍ତନ କରିଛନ୍ତି। ଦଳରେ ସ୍ଥାନ ପାଇଛନ୍ତି ସର୍ଫରାଜ ଖାନ। ଇଂଲଣ୍ଡ ବିପକ୍ଷ ଡେବ୍ୟୁ ସିରିଜ୍ରେ ଭଲ ପ୍ରଦର୍ଶନ କରିଥିବା ସର୍ଫରାଜ ତାଙ୍କ ସ୍ଥାନ ବଜାୟ ରଖିବାରେ ସଫଳ ହୋଇଛନ୍ତି। ଧ୍ରୁବ ଜୁରେଲ ଓ ଆକାଶ ଦୀପ ମଧ୍ୟ ସ୍ଥାନ ବଜାୟ ରଖିଛନ୍ତି। ଅନ୍ୟପକ୍ଷରେ ପ୍ରଥମ ଥର ପାଇଁ ଦଳରେ ସାମିଲ ହୋଇଛନ୍ତି ୟଶ ଦୟାଲ। ଭାରତ-ବାଂଲାଦେଶ ମଧ୍ୟସ୍ଥ ପ୍ରଥମ ଟେଷ୍ଟ ସେପ୍ଟେମ୍ବର ୧୯ରେ ଚେନ୍ନାଇରେ ଦ୍ୱିତୀୟ ଟେଷ୍ଟ ମ୍ୟାଚ୍ ସେପ୍ଟେମ୍ବର ୨୭ରେ କାନପୁରରେ ଖେଳାଯିବ
ଅର୍ଗସ ବ୍ୟୁରୋ: ରାସ୍ତା ନଥିବାରୁ ଦୀର୍ଘ ୫ କିଲୋମିଟର ବୃଦ୍ଧାଙ୍କୁ ଭାରରେ ବୋହିଲେ ପରିବାର ଲୋକେ । ଗାଁକୁ ଆସି ପାରିଲା ନାହିଁ ଆମ୍ବୁଲାନ୍ସ । ଏଭଳି ଦୃଶ୍ୟ ଦେଖିବାକୁ ମିଳିଛି ରାଜଧାନୀ ଉପକଣ୍ଠ ବାଲିପାଟଣା ବ୍ଲକ ଦେଉଳିଧରପୁର ଗ୍ରାମପଞ୍ଚାୟତ ଅଧୀନରେ ଥିବା ଆମ୍ବଡିହ ଗ୍ରାମରେ। ଆମ୍ବଡିହ ଗ୍ରାମର ଜଣେ ବୃଦ୍ଧା ଙ୍କର ଦେହ ଅସୁସ୍ଥ ହୋଇପଡିଲା । ପରିବାର ଲୋକେ ସ୍ୱାସ୍ଥ୍ୟ କେନ୍ଦ୍ରକୁ ନେବାକୁ ଆମ୍ବୁଲାନ୍ସ କୁ ଫୋନ କରିଥିଲେ । ଗାଁ କୁ ରାସ୍ତା ନଥିବାରୁ ଆମ୍ବୁଲାସ ଗାଁକୁ ଆସି ପାରିଲା ନାହିଁ । କୌଣସି ଉପାୟ ନପାଇ ଶେଷରେ ଭାରରେ କାଉଡ଼ି କରି ଦୀର୍ଘ ୫ କିଲୋମିଟର ବହି ନେଇଥିଲେ।ବିଜେଡି ଦୀର୍ଘ ୨୫ ବର୍ଷ ସରକାରରେ ଥିଲେ ମଧ୍ୟ ଉପକଣ୍ଠ ରେ ଏପରି ଅବସ୍ଥା।ଏପରି ଅବସ୍ଥା ପାଇଁ ପୂର୍ବ ସରକାରକୁ ଦାୟୀ କରିଛନ୍ତି ଗ୍ରମବାସୀ ।
ଅଧିକ ପଢ଼ନ୍ତୁ ଓଡ଼ିଶା ଖବର:
ଅର୍ଗସ ବ୍ୟୁରୋ: ମାଓବାଦୀଙ୍କ ବଡ଼ ଯୋଜନା କୁ ପଣ୍ଡ କଲେ ମିଳିତ ସୁରକ୍ଷା ବାହିନୀ । ଗୋଟିଏ ଦିନରେ ତିନୋଟି IED କୁ ଉଧାର କରି ନଷ୍ଟ କଲେ ସୁରକ୍ଷା ବାହିନୀ । ଛତିଶଗଡ ଶୁକମା ରେ ଯବାନ ଙ୍କୁ ବଡ଼ ସଫଳତା । ସୁକମା ର କିଷ୍ଟାରାମ ଥାନା ଅନ୍ତର୍ଗତ ଜଙ୍ଗଲରେ CRPF O COBRA ଯବାନ ଙ୍କ ମିଳିତ କୁମ୍ବିଂ ଅପରେସନ ସମୟରେ ଗୋଟିଏ 5 ଓ ଗୋଟିଏ 3 କେଜି ଓଜନର ଟିଫିନ୍ IED କୁ ଉଦ୍ଧାର କରି ନଷ୍ଟ କରିଛନ୍ତି ମିଳିତ ବାହିନୀ । ସେଇଭଳି ସୂକମା ର ଚିନ୍ତାଗୁମ୍ଫା ଥାନା ଅନ୍ତର୍ଗତ ଦାବାକୋନ୍ତା ଓ ପେଣ୍ଟାପଦ ଅଞ୍ଚଳରେ CRPF ଓ DRG ଯବାନ ଙ୍କ ମିଳିତ କୁମ୍ବିଂ ଅପରେସନ ସମୟରେ 8 ରୁ 10 କେଜି ଓଜନର ଗୋଟିଏ ଟିଫିନ୍ IED ଉଧାର କରି ନଷ୍ଟ କରିଛନ୍ତି ସୁରକ୍ଷା ବାହିନୀ । ତିନୋଟି IED ମାଓ ସଂଗଠନ ସୁରକ୍ଷା ବାହିନୀ ଙ୍କ କୁମ୍ବିଂ ଅପରେସନ ସମୟରେ ଯବାନ ଙ୍କୁ କ୍ଷତି ଘଟାଇବାକୁ ମାଟି ତଳେ ପୋତି ଥିଲେ ବୋଲି ଜଣାପଡିଛି ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବେ ଆପ୍ର ସୁପ୍ରିମୋ ଅରବିନ୍ଦ କେଜ୍ରିୱାଲ । କେଜ୍ରିୱାଲ ଆଜି ଅପରାହ୍ନରେ ଉପ ରାଜ୍ୟପାଳ ସକ୍ସେନାଙ୍କୁ ଭେଟିବେ। ଏହି ସମୟରେ ସେ ସାଂପ୍ରତିକ ସ୍ଥିତି ସମ୍ପର୍କରେ ତାଙ୍କୁ ଅବଗତ କରାଇବେ ଓ ଇସ୍ତଫାପତ୍ର ପ୍ରଦାନ କରିବେ। ସେହିପରି କେଜ୍ରିୱାଲ ଖୁବଶୀଘ୍ର ନିଜର ବାସଭବନ ମଧ୍ୟ ଖାଲି କରିବେ । ସେପଟେ କିଏ ହେବ ଦିଲ୍ଲୀର ପରବର୍ତ୍ତୀ ମୁଖ୍ୟମନ୍ତ୍ରୀ । ଅରବିନ୍ଦ କେଜ୍ରିୱାଲ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଘୋଷଣା ପରେ ଆରମ୍ଭ ହୋଇଛି କଳ୍ପନା ଜଳ୍ପନା । ମୁଖ୍ୟମନ୍ତ୍ରୀ ରେସ୍ରେ ଅଛନ୍ତି ଅତିସୀ ମାର୍ଲେନା, ଗୋପାଳ ରାୟ, ସୌରଭ ଭରଦ୍ବାଡ ଓ କୈଳାସ ଗେହେନଟ୍ ଓ ଇମ୍ରାନ ହୁସେନଙ୍କ ଭଳି ତୁଙ୍ଗ ନେତା । ଶୁକ୍ରବାର ଜେଲରୁ ମୁକୁଳିଥିବା କେଜ୍ରିୱାଲ ରବିବାର ଦଳୀୟ ମୁଖ୍ୟାଳୟରେ ଆପ୍ କର୍ମୀମାନଙ୍କୁ ସମ୍ବୋଧନ କରିଥିଲେ। ଏହି ସମୟରେ ସେ ସମସ୍ତଙ୍କୁ ଚକିତ କରି ୪୮ ଘଣ୍ଟା ମଧ୍ୟରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବେ ବୋଲି ଘୋଷଣା କରିଥିଲେ ।
ଅଧିକ ପଢ଼ନ୍ତୁ ଦେଶ ଖବର:
