ଅର୍ଗସ ବ୍ୟୁରୋ: ଆଜି ସ୍ବର ସାମ୍ରାଙ୍ଗୀ ଲତା ମଙ୍ଗେସକରଙ୍କ ଜନ୍ମ ବାର୍ଷିକ । 95ତମ ଜନ୍ମ ବାର୍ଷିକୀରେ ଲତା ଦିଦିଙ୍କୁ ମନେ ପକାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମହାନ ଗାୟିକାଙ୍କୁ ଝୁରୁଛି ସାରା ଭାରତ । ଭାରତର କୋକିଳ କଣ୍ଠି ତଥା ଭଏସ ଅଫ ଦ ମିଲେନିୟମ ଲତା ମଙ୍ଗେଶକରଙ୍କ ଜନ୍ମ ବାର୍ଷିକୀ । ୨୮ ସେପଟେମ୍ବର ୧୯୨୯ରେ ଇନ୍ଦୋରରେ ଜନ୍ମଗ୍ରହଣ କରିଥିଲେ ଲତା ମଙ୍ଗେସକର। ସେ ଆଉ ନାହାନ୍ତି ସତ ହେଲେ ଆଜି ବି ସମସ୍ତଙ୍କ ମନରେ ଅଛନ୍ତି । ୮ ଦଶନ୍ଧୀ ଧରି ପ୍ଲେ ବ୍ୟାକ୍ ସିଙ୍ଗର ଲତା ଦିଦିଙ୍କ ଲୋକପ୍ରିୟ ଗୀତରେ ଝୁମିଛନ୍ତି ଶ୍ରୋତା । ଆଜି ବି ତାଙ୍କ ପ୍ରତିଟି ଗୀତ ସମସ୍ତଙ୍କ ମୁହଁରେ ରହିଛି ।
ମାତ୍ର ୫ବର୍ଷ ବୟସରୁ ଲତା ତାଙ୍କ ବାପାଙ୍କ ପାଖରୁ ସଙ୍ଗୀତ ଶିକ୍ଷା କଲେ। ବାପାଙ୍କ ମୃତ୍ୟୁ ପରେ ଘର ଚଳାଇବାର ଦାୟିତ୍ବ ଲତାଙ୍କ ଉପରକୁ ଆସିଲା । ସଙ୍ଗୀତକୁ ପେସା କରି ସେ ଆଗକୁ ବଢ଼ିଲେ । କେବଳ ହିନ୍ଦୀ ନୁହେଁ, ୩୬ଟି ଭାଷାରେ ଲତା ଗୀତ ଗାଇଛନ୍ତି। ସଙ୍ଗୀତ ଜଗତକୁ ତାଙ୍କର ଅବଦାନ ପାଇଁ ୨୦୦୧ରେ ସେ ସର୍ବୋଚ୍ଚ ବେସାମରିକ ସମ୍ମାନ ‘ଭାରତରତ୍ନ’ରେ ସମ୍ମାନିତ ହୋଇଥିଲେ। ୨୦୨୨ ଫେବୃଆରୀ ୬ରେ ୯୨ ବର୍ଷ ବୟସରେ ଲତା ମଙ୍ଗେସକର ପ୍ରାଣ ହରାଇଥିଲେ । ସେ ଦୁନିଆରେ ଆମ ଗହଣରେ ନାହାନ୍ତି ସତ ..ହେଲେ ଆଜି ବି ତାଙ୍କ ସ୍ୱର ଅମର ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ଗାଡି ପଛେ ପଛେ କୁକୁର...ଆପଣ ଏହାକୁ ଦେଖିଲେ ଭାବୁଥିବେ ବୋଧ ହୁଏ ଏହି କୁକୁରଟି ଗାଡିକୁ ଗୋଡାଉଛି । ସାଧାରଣତଃ କୁକୁରମାନଙ୍କର ଗାଡି ପଛେ ପଛେ ଗୋଡାଇବାର ଗୋଟେ ଅଭ୍ୟାସ । ହେଲେ ୟାକୁ ଟିକେ ଦେଖନ୍ତୁ । ଟିକେ ଯାଉଛି ଟିକେ ରହୁଛି । ଏ ହେଉଛି ଏମାନଙ୍କ ଭଲପାଇବା । ମାଲିକ ଯୁଆଡେ ଏମାନେ ବି ସିଆଡେ...ଏ ସମ୍ପର୍କ ସ୍ନେହର, ପ୍ରେମର, ବିଶ୍ୱାସର । ମାଲିକ ଦାନା ଖାଇଛନ୍ତି ଯେହେତୁ ମାଲିକକୁ ସୁରକ୍ଷା ଦେବେ...ମାଲିକ ପଛେ ପଛେ ବୁଲିବେ । ନିଷ୍ପତ୍ତି ନେଇଛନ୍ତି ଏମାନେ ।
ମଣିଷ ହୁଅନ୍ତୁ କି ପଶୁପକ୍ଷୀ ସମସ୍ତେ ସେଥିରେ ବନ୍ଧା । ହେଲେ ଅନେକ ସମୟରେ ମଣିଷମାନେ ଭୁଲିଯାଆନ୍ତି ଉପକାର, ସ୍ନେହ ଆଦର । କିନ୍ତୁ ମୁହଁରେ ଭଲପାଏ ବୋଲି କହି ପାରୁ ନ ଥିବା ପଶୁପକ୍ଷୀ କିନ୍ତୁ ବେଶ୍ ବୁଝନ୍ତି ଭଲପାଇବାର ଭାଷା । ତାଙ୍କୁ ଟିକିଏ ଯିଏ ସ୍ନେହରେ ଆଉଁଶି ଦିଏ ସେମାନେ ପୂରା ତା’ର ହୋଇଯାଆନ୍ତି । ତାକୁ ପୋଷିଥିବା ମଣିଷ ଉପରକୁ କିଛି ବି ବିପଦ ଆସିଲେ ତାକୁ ନିଜ ଉପରକୁ ନେଇଯାଆନ୍ତି । ସୁଖ ଦୁଃଖରେ ସମଭାଗୀ ଏହି ନିରୀହ ଜୀବମାନେ ସମୟ ଆସିଲେ ନିଜ ଜୀବନ ଦେବାକୁ ବି ପଛାନ୍ତି ନାହିଁ ।
ଠିକ୍ ସେମିତି ଅନେକ ମଣିଷ ଅଛନ୍ତି, ଯାହାଙ୍କ ପାଇଁ ନିଜ ପୋଷା ପ୍ରାଣୀ ଜୀବନ ପାଲଟିଯାଇଛନ୍ତି । ଯାଜପୁର ଜିଲ୍ଲା ବଡ଼ଚଣା ଗ୍ରାମର ଗୋଲଖ ନାୟକଙ୍କ ଏମାନେ ହେଲେ ଜୀବନ । ଘରେ ରଖିଛନ୍ତି 6ଟି କୁକୁର । ସମସ୍ତେ ବୋଲ ମାନନ୍ତି । ଡାକିଦେଲେ ଓ କରନ୍ତି ଏମାନେ । ଯାହା ସେ ଖାଆନ୍ତି ସେମାନେ ମଧ୍ୟ ସେଇଆ ଖାଆନ୍ତି । ଦିନକୁ ପ୍ରତି କୁକୁର ପିଛା 50 ଟଙ୍କା ଖର୍ଚ୍ଚ ହୁଏ ।
ଗୋଲଖଙ୍କ ନୀତି ଦିନିଆ ବ୍ୟବସାୟ କହିଲେ କ୍ଷୀର ବିକ୍ରୀ କରିବା । ଯେତେବେଳେ ସେ କ୍ଷୀର ବିକ୍ରି କରିବାକୁ ବାହାରି ପଡନ୍ତି ଏମାନେ ମଧ୍ୟ ତାଙ୍କ ସହ ବାହାରିଯାଆନ୍ତି । ତାଙ୍କୁ ସୁରକ୍ଷା ଦିଅନ୍ତି । କେଉଁଠି ରହିଗଲେ ମାଲିକ ଡାକ ଦେଲେ ସେମାନେ ଧାଇଁ ଆସନ୍ତି ।
ଆଜିର ମଣିଷ ଠାରୁ ଢେର୍ ଆଗରେ ଏହି ଦୁଇ କୁକୁର । ମଣିଷ ପରି ଏମାନେ ସ୍ୱାର୍ଥପର ନୁହଁନ୍ତି । ଏମାନେ ବିବେକି । ମାଲିକର କେବଳ ବୋଲ ମାନନ୍ତି ନାହିଁ । ମାଲିକ ପଛେ ପଛେ ସେ ମାଲିକକୁ ଦେଇଥାନ୍ତି ସୁରକ୍ଷା । ସତରେ ଏମାନେ ଆଜିକାଲିର ସ୍ୱାର୍ଥପର ଦୁନିଆର ମଣିଷମାନଙ୍କ ପାଇଁ ଉଦାହରଣ ।
ଆହୁରି ପଢନ୍ତୁ ଓଡିଶା ଖବର...
ଭଦ୍ରକ: ଭଦ୍ରକ ହିଂସା ନେଇ ସୁରକ୍ଷା ବ୍ୟବସ୍ଥା ଆହୁରି କଡ଼ାକଡ଼ି କଲା ପୋଲିସ । ଭଦ୍ରକ ସହରରେ 2 RAF ସହ 12 ପ୍ଲାଟୁନ୍ ଫୋର୍ସ ମୁତୟନ ହୋଇଛନ୍ତି । ଧାମନଗରରେ 6 ପ୍ଲାଟୁନ୍ ଫୋର୍ସ ମୁତୟନ ହୋଇଥିବାବେଳେ ପୋଲିସର ଫ୍ଲାଗ୍ମାର୍ଚ୍ଚ ଜାରି ରହିଛି । କୌଣସି ଅପ୍ରୀତିକର ସ୍ଥିତି ନ ଉପୁଜିବା ପାଇଁ ପୋଲିସ ସଜାଗ ରହିଛି ।
ସୋସିଆଲ ମିଡିଆ ପୋଷ୍ଟକୁ ନେଇ ଭଦ୍ରକରେ ଉତ୍ତେଜନା । ସ୍ଥିତି ଅଶାନ୍ତ ଥିବାରୁ ପୁରୁଣା ବଜାରରେ ଅନିର୍ଦ୍ଧିଷ୍ଟ କାଳ ଯାଏଁ 163 ଧାରା ଜାରି ରହିବ। ଘଟଣାରେ ଅଟକ 9 ଜଣ ଅଭିଯୁକ୍ତଙ୍କୁ ମେଡିକାଲ ଟେଷ୍ଟ ପାଇଁ ଆଣିଛି ପୁରୁଣା ବଜାର ପୋଲିସ । ଭଦ୍ରକ ଜିଲ୍ଲାରେ 48 ଘଣ୍ଟା ଇଣ୍ଟରନେଟ୍ ସେବା ବନ୍ଦ କରାଯାଇଛି । ରାତିରେ ଫ୍ଲାଗ୍ ମାର୍ଚ୍ଚ କରିଛି ପୋଲିସ୍ । ଭଦ୍ରକ ସହରରେ ଶାନ୍ତି ଫେରାଇ ଆଣିବା ପାଇଁ ପ୍ରଶାସନ ପକ୍ଷରୁ ଆଜି ବସିପାରେ ଶାନ୍ତି କମିଟି ବୈଠକ ।
ପୋଲିସ ଉପରେ ଆକ୍ରମଣ ପରେ ପୁରୁଣା ବଜାର ଥାନାରେ ହୋଇଥିଲା ଗୁରୁତ୍ବପୂର୍ଣ୍ଣ ବୈଠକ । ପୋଲିସ ଉପରେ ଆକ୍ରମଣ କରିଥିବା ଅଭିଯୁକ୍ତଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଭଦ୍ରକ ବିଧାୟକ ସୀତାଂଶୁ ଶେଖର ମହାପାତ୍ର । ସୋସିଆଲ୍ ମିଡିଆରେ ବିବାଦୀୟ ପୋଷ୍ଟ ନ କରିବାକୁ ନିବେଦନ କରିଛନ୍ତି ଡିଆଇଜି ।
ଆହୁରି ପଢନ୍ତୁ ଓଡିଶା ଖବର...
