Bhubaneswar SDJM Court has given a date for filing a criminal case against-ex-cm-naveen-pattnaik-and-pandian

ଉଭୟଙ୍କ ନାଁରେ ଅପରାଧିକ ମାମଲା ରୁଜୁ ପାଇଁ ତାରିଖ ଦେଲେ କୋର୍ଟ

by Smruti Parija

Bhubaneswar SDJM Court has given a date for filing a criminal case against-ex-cm-naveen-pattnaik-and-pandian

ଅର୍ଗସ ବ୍ୟୁରୋ: ଅଡୁଆରେ ପଡ଼ିପାରନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ଓ ଭି. କେ ପଣ୍ଡିଆନ । ଉଭୟଙ୍କ ନାଁରେ ଅପରାଧିକ ମାମଲା ରୁଜୁ ପାଇଁ ତାରିଖ ଦେଲେ ଭୁବନେଶ୍ବର SDJM କୋର୍ଟ । ରାଜ୍ୟପାଳଙ୍କ ଅନୁମତି ମିଳିବା ପରେ ଉଭୟ ନବୀନ, ପଣ୍ଡିଆନଙ୍କ ନାଁରେ ରୁଜୁ ହେବ ଅପରାଧିକ ମାମଲା ।

ଶହ ଶହ କୋଟି ଟଙ୍କାର ଦୁର୍ନୀତି ମାମଲାକୁ ନେଇ କ୍ୟାପିଟାଲ ଥାନାରେ ଉଭୟଙ୍କ ନାଁରେ ଅପରାଧିକ ମାମଲା ରୁଜୁ କରିବା ପାଇଁ ଥାନାର ଦ୍ବାରସ୍ଥ ହୋଇଥିଲେ ବରିଷ୍ଠ ଆଇନଜୀବୀ ସୁଧିର ମହାନ୍ତି । ଚାଟାର୍ଡ ଓ ହେଲିକପ୍ଟରରେ ବୁଲି ବୁଲି ଶହ ଶହ କୋଟି ଟଙ୍କା ଖର୍ଚ୍ଚ କରିବା ପଛରେ କିଏ ଦେଇଥିଲା ଅନୁମତି ଓ କାହିଁକି ପଣ୍ଡିଆନ ଶହ ଶହ କୋଟି ଟଙ୍କା ଖର୍ଚ୍ଚ କରିଛନ୍ତି ।

ଏହା ବିରୋଧରେ ଥାନାରେ ମାମଲା ରୁଜୁ ନ ହେବା ଫଳରେ SDJM କୋର୍ଟଙ୍କ ଦ୍ବାରସ୍ଥ ହୋଇଥିଲେ ଆଇନଜୀବୀ ସୁଧିର ମହାନ୍ତି । ଏନେଇ ସେ ରାଜ୍ୟପାଳଙ୍କୁ ଘଟଣା ସମ୍ପର୍କରେ ଚିଠି ଲେଖି ଜଣାଇଛନ୍ତି । ସେପଟେ ଅପରାଧିକ ମାମଲା ରୁଜୁ କରି ସରକାର ତଦନ୍ତ ଆରମ୍ଭ କରନ୍ତୁ ବୋଲି କହିଛନ୍ତି ସୂଚନା ଅଧିକାର ଅଭିଯାନର ଆବାହକ ପ୍ରଦୀପ ପ୍ରଧାନ ।

ଅଡୁଆରେ ପଡ଼ିପାରନ୍ତି ନବୀନ ପଟ୍ଟନାୟକ ଓ ଭି. କେ ପଣ୍ଡିଆନ

by Banajyotshna Ray

Naveen Patnaik and VK Pandian will be problem

ଅର୍ଗସ ବ୍ୟୁରୋ: ଅଡୁଆରେ ପଡ଼ିପାରନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ଓ ଭି. କେ ପଣ୍ଡିଆନ । ଉଭୟଙ୍କ ନାଁରେ ଅପରାଧିକ ମାମଲା ରୁଜୁ ପାଇଁ ତାରିଖ ଦେଲେ ଭୁବନେଶ୍ବର SDJM କୋର୍ଟ । ରାଜ୍ୟପାଳଙ୍କ ଅନୁମତି ମିଳିବା ପରେ ଉଭୟ ନବୀନ, ପଣ୍ଡିଆନଙ୍କ ନାଁରେ ରୁଜୁ ହେବ ଅପରାଧିକ ମାମଲା । ଶହ ଶହ କୋଟି ଟଙ୍କାର ଦୁର୍ନୀତି ମାମଲାକୁ ନେଇ କ୍ୟାପିଟାଲ ଥାନାରେ ଉଭୟଙ୍କ ନାଁରେ ଅପରାଧିକ ମାମଲା ରୁଜୁ କରିବା ପାଇଁ ଥାନାର ଦ୍ବାରସ୍ଥ ହୋଇଥିଲେ ବରିଷ୍ଠ ଆଇନଜୀବୀ ସୁଧିର ମହାନ୍ତି ।

ଚାଟାର୍ଡ ଓ ହେଲିକପ୍ଟରରେ ବୁଲି ବୁଲି ଶହ ଶହ କୋଟି ଟଙ୍କା ଖର୍ଚ୍ଚ କରିବା ପଛରେ କିଏ ଦେଇଥିଲା ଅନୁମତି ଓ କାହିଁକି ପଣ୍ଡିଆନ ଶହ ଶହ କୋଟି ଟଙ୍କା ଖର୍ଚ୍ଚ କରିଛନ୍ତି । ଏହା ବିରୋଧରେ ଥାନାରେ ମାମଲା ରୁଜୁ ନ ହେବା ଫଳରେ SDJM କୋର୍ଟଙ୍କ ଦ୍ବାରସ୍ଥ ହୋଇଥିଲେ ଆଇନଜୀବୀ ସୁଧିର ମହାନ୍ତି । ଏନେଇ ସେ ରାଜ୍ୟପାଳଙ୍କୁ ଘଟଣା ସମ୍ପର୍କରେ ଚିଠି ଲେଖି ଜଣାଇଛନ୍ତି । ସେପଟେ ଅପରାଧିକ ମାମଲା ରୁଜୁ କରି ସରକାର ତଦନ୍ତ ଆରମ୍ଭ କରନ୍ତୁ ବୋଲି କହିଛନ୍ତି ସୂଚନା ଅଧିକାର ଅଭିଯାନର ଆବାହକ ପ୍ରଦୀପ ପ୍ରଧାନ ।

ଅଧିକ ପଢ଼ନ୍ତୁ ଓଡିଶା ଖବର:

ମାସୁମ ଖାନର ଜାଲିମ କରନାମାର ପର୍ଦ୍ଦାଫାସ କରିବାରୁ ନାଲିଆଖି

by Rashmita Mishra

ଅର୍ଗସ ବ୍ୟୁରୋ: ମାସୁମ ଖାନର ବେଆଇନ କାରନାମାର ପର୍ଦ୍ଦାଫାଶ କରିବାରୁ ଗଣମାଧ୍ୟମର କଣ୍ଠରୋଧ ପାଇଁ ହୀନ ପ୍ରୟାସ। ବୁଧବାର ବି ରାଜସ୍ବ ଓ ବନ ବିଭାଗ ପକ୍ଷରୁ ଇସଲାମନଗରରେ ବେଆଇନଜମିର ମାପଚୁପ କରାଯାଉଛି । ଏହାର ଖବର ସଂଗ୍ରହ ପାଇଁ ଯାଇଥିବା ବେଳେ ମୋଟୁ ତହସିଲ ଆଗରେ ଗଣମାଧ୍ୟମ ପ୍ରତିତିନିଧିଙ୍କୁ ଘେରିଯାଇଥିଲେ ମାସୁମର ଗୁଣ୍ଡାବାହିନୀ। ଯଦି ଠିକ୍ ସମୟରେ ପୋଲିସ ପହଞ୍ଚିନଥାନ୍ତା ତାହାଲେ ଆକ୍ରମଣ କରିବାକୁ ପଛାଇନଥାନ୍ତେ ମାସୁମର ସମର୍ଥକ। ମଙ୍ଗଳବାର ଇସମାଲନଗରରେ ଆଦିବାସୀ ଝିଅଙ୍କୁ ଲଭ ଜିହାଦ ଜରିଆରେ ଟାର୍ଗେଟ କରାଯାଉଛି ବୋଲି ଅଭିଯୋଗ କରିଥିଲେ ସ୍ଥାନୀୟ ବିଧାୟକ ଓ ବିଜେପି ନେତା। ଏ ଖବର ପ୍ରସାରଣକୁ ନେଇ ଅର୍ଗସ ପ୍ରତିନିଧିଙ୍କୁ ଧମକ ଦେଇଥିଲେ ମାସୁମର ସମର୍ଥକ। କିନ୍ତୁ ବେଆଇନ୍ ଜମି ଦଖଲ କଥା ପଚାରିବାରୁ କହିଥିଲେ ତାହା ପରକଥା।

ମାସୁମ ଖାନର ଜାଲିମ କାରନାମା ଉପରୁ ଧୀରେ ଧୀରେ ପରଦା ଉଠିବା ସହ ବେଆଇନ ଭାବେ ଗଢିଉଠିଥିବା ଇସଲାମ ନଗର ପଛରେ ପୂର୍ବ ବିଜେଡି ସରକାରର ପ୍ରଛନ୍ନ ଭୂମିକା ଥିବା ଧୀରେ ଧୀରେ ସ୍ପଷ୍ଟ ହେଉଛି। ପୂର୍ବତନ ସାଂସଦଙ୍କ ସହ ମାସୁମ ଖାନର ସମ୍ପର୍କ ସନ୍ଦେହ ଘେରରେ ଥିବା ବେଳେ ଏବେ ପ୍ରଶ୍ନ ଉଠିଛି ସରକାରୀ କାଗଜ କଲମରେ ମୋଟୁର ବାରିବାଞ୍ଚା ଗାଁ କେମିତି ହେଲା ଇସଲାମ ନଗର ? ବାରିବାଞ୍ଚାରୁ ମୋଟୁ କେନାଲ ପର୍ଯ୍ୟନ୍ତ ରାସ୍ତା କାମରେ 8 ଲକ୍ଷ 50 ହଜାର ଖର୍ଚ୍ଚ କାହା ଇସାରାରେ ହୋଇଥିଲା ? ବେଆଇନ ଜମିରେ ଗଢି ଉଠିଥିବା ଇସଲାମ ନଗରକୁ ବିଦ୍ୟୁତ ସଂଯୋଗ ମିଳିଲା କିପରି ? ବିନା ସରକାରୀ ସହଯୋଗରେ ଏହା ସମ୍ଭବ କି ? ମାଲକାନଗିରି ବିଧାୟକ ପ୍ରଶ୍ନ କରିଛନ୍ତି ଆଜିଯାଏ ବହୁ ଆଦିବାସୀ ଗାଁକୁ ରାସ୍ତା ଓ ବିଦ୍ୟୁତ ସଂଯୋଗ ନଥିବା ବେଳେ ବେଆଇନ ଜମିରେ ଗଢିଉଠିଥିବା ଇସଲାମନଗରକୁ କେମିତି ସବୁ ସୁବିଧା ମିଳିଥିଲା। ଏହା ଭିତରେ ସନ୍ଦେହ ଘେରକୁ ଆସିଛି ମୋଟୁ ତହସିଲଦାର ପ୍ରଭାସ ବୁଡାୟକଙ୍କ ଭୂମିକା। ମାପଚୁପ ହେଉଥିବା ବିବାଦୀୟ ସ୍ଥାନକୁ ଅର୍ଗସ ଟିମ୍ ଯାଉଥିବା କଥା ତହସିଦାରଙ୍କୁ ଖବର ଦିଆଯାଇଥିଲା। ଏକଥା ମାସୁମ ସମର୍ଥକଙ୍କୁ ଜଣାଇଲା କିଏ। ଇସଲାମନଗର ଜମି ଜବର ଦଖରଲକୁ ନେଇ ପୂର୍ବରୁ ତହସିଲଦାର ବନ ବିଭାଗକୁ ଦୋଷ ଠେଲୁଥିଲେ ଏବେ ମାନିଛନ୍ତି ଜବରଦଖଲରୁ ୭୦ ଏକର ଜାଗା ରାଜସ୍ବ ବିଭାଗର।

କେବେଳ ଇସଲାମ ନଗରରର ୧୦୦ ଏକର ଜବରଦଖଲରେ ସୀମିତ ନଥିଲା ମାସୁମର ଯୋଜନା। ପୂରା ମୋଟୁ ଅଞ୍ଚଳରେ ଲ୍ୟାଣ୍ଡ ଜିହାଦର ଜାଲ ବିଛାଇବାକୁ ବ୍ଲୁପ୍ରିଣ୍ଟ ପ୍ରସ୍ତୁତ କରିଥିଲା। ଇସଲାମ ନଗରକୁ ମୋଟୁର ସବୁ ଗାଁ କିପରି ସଂଯୋଗ ହୋଇପାରିବ ସେ ନେଇ ପ୍ଲାନ କରିଥିଲା ମାସୁମ ଖାନ। ଏପରିକି କିଛି ଗାଁ ବି ଇସଲାମ ନଗର ସହ ଯୋଡି ହୋଇ ସାରିଥିବା ଖୁଲାସା କରିଥିଲେ ସ୍ଥାନୀୟ ଜିଆରଏସ୍। ଇସଲାମ ନଗର ବେଆଇନ୍ ଜାଗା ଉପରେ ନିର୍ମିତ ହୋଇଥିବା ଜଙ୍ଗଲ ଓ ରାଜସ୍ବ ବିଭାଗର ମାପଚୁପରୁ ସ୍ବଷ୍ଟ ହୋଇସାରିଥିବା ବେଳେ କେବେ ପ୍ରଶାସନ ଏହି ବେଆଇନ୍ ନିର୍ମାଣ ଉପରେ ଚଲାଇବ ବୁଲଜୋଡର ତାକୁହିଁ ଅପେକ୍ଷା।

ଉଗ୍ର ହେଉଛି ବିଜେଡି କନ୍ଦଳ

by Rashmita Mishra

ଅର୍ଗସ ବ୍ୟୁରୋ: ଉଗ୍ରରୂପ ଧାରଣ କରୁଛି ବିଜେଡି ଗୋଷ୍ଠୀ କନ୍ଦଳ । ନବୀନଙ୍କ ସାମ୍ନାରେ କଥା କଟାକଟି ଓ ହାତା ହାତି ହେଉଛନ୍ତି ଦଳୀୟ ନେତା । ପରାଜୟ ପରେ ବିଜେଡି ସୁପ୍ରିମୋଙ୍କ ଜିଲ୍ଲା ସମୀକ୍ଷାରେ ପରସ୍ପର ବିରୁଦ୍ଧରେ ବିଷୋଦଗାର କରୁଛନ୍ତି ନେତା । ନୟାଗଡ, ଭଦ୍ରକ ପରେ ମଙ୍ଗଳବାର ଖୋର୍ଦ୍ଧା ଜିଲ୍ଲା ସମୀକ୍ଷା ବେଳେ ଶଙ୍ଖ ଭବନରେ ସୃଷ୍ଟି ହୋଇଥିଲା ବିଷ୍ଫୋରକ ସ୍ଥିତି । ବୈଠକ ବେଳେ କଥା କଟା କଟି ସହ ମୁହାଁ ମୁହିଁ ହୋଇଥିଲେ ଶ୍ରୀମୟୀ ମିଶ୍ର ଓ ବେଗୁନିଆ ବିଧାୟକ ପ୍ରଦୀପ ସାହୁ । ଏପରିକି ସ୍ଥିତି ହାତାହାତି ପର୍ଯ୍ୟନ୍ତ ଯାଇଥିଲା । ତେବେ ଆଜି ପ୍ରତିକ୍ରିୟା ରଖି ଦଳୀୟ ବୈଠକରେ ତାଙ୍କୁ ଅସମ୍ମାନ କରାଯାଇଥିବା ପରୋକ୍ଷରେ ଅଭିଯୋଗ ଆଣିଛନ୍ତି ଶ୍ରୀମୟୀ । ସେ କହିଛନ୍ତି ଯୁଗେ ଯୁଗେ ଲେଖା ଅଛି ଯେଉଁମାନେ ମହିଳା ମାନଙ୍କୁ ଅସମ୍ମାନ କରିଛନ୍ତି ତାର ଫଳ ସେ ନିଶ୍ଚିତ ପାଇଛନ୍ତି । କହିବା ଲୋକ କେବେ ବି ବଡ଼ ନୁହେଁ ମୁଁ ଭାବେ ସହିବା ଲୋକ ଟି ବଡ଼ । ତେଣୁ ସମୀକ୍ଷା ବୈଠକରେ ଯେଉଁମାନେ ନେତୃ ମଣ୍ଡଳୀ ମାନେ ଥିଲେ ସେମାନେ ତାର ତର୍ଜମା ବା ବିସ୍ଲେଶଣ କରିବା ଆବଶ୍ୟକ । ସେପଟେ ଶ୍ରୀମୟୀ କାଉଣ୍ଟର କରିଛନ୍ତି ମନ୍ମଥ ରାଉତରାୟ । ମନ୍ମଥ କହିଛନ୍ତି ଦଳରେ ଶୃଙ୍ଖଳା କମିଛି । ଖାଲି ମହିଳା ସମ୍ମାନ ଆଶା କଲେ ହେବ ନି ସେମାନେ ବି ସମ୍ମାନ ଦେବା ଶିଖନ୍ତୁ । ଅନ୍ୟପଟେ ଦଳୀୟ କନ୍ଦଳ କୁ ସ୍ବୀକାର କରିଛନ୍ତି ସମନ୍ବୟ କମିଟି ଅଧ୍ୟକ୍ଷ ଦେବୀ ମିଶ୍ର । ଦେବୀ କହିଛନ୍ତି ଖୋର୍ଦ୍ଧା ଜିଲ୍ଲା ବୈଠକରେ ସେଭଳି କିଛି ହୋଇନି । ଯେତେବେଳେ ଆମେ ସମୀକ୍ଷା କରୁଛୁ ବା ଆଲୋଚନା କରୁଛୁ ସଂଗଠନ କୁ ନେଇ ସେତେବେଳେ ଏମିତି ପ୍ରାୟ ଘଟଣା ସାମନା କୁ ଆସୁଛି । ଆଉ ସେହି ବୈଠକରେ ହିଁ ତାର ସମାଧାନ ବି କରାଯାଉଛି ।

ଏ ସବୁ ଭିତରେ ପଦଯାତ୍ରା ଆରମ୍ଭରୁ ଗ୍ରାଉଣ୍ଡରେ ବି ଫାଳ ଫାଳ ହୋଇଛି ବିଜେଡି ସଙ୍ଗଠନ, ସମାନ୍ତରଳ ସଭା କରି ଶକ୍ତି ପ୍ରଦର୍ଶନ କରିଛନ୍ତି ପରସ୍ପର ଗୋଷ୍ଠୀ । ନବୀନ ପଟ୍ଟନାୟକ ଭୁବନେଶ୍ବର ନେତାଜୀ ପଡିଆରୁ ପଦଯାତ୍ରାର ଶୁଭାରମ୍ଭ କରିଥିଲେ । ଉପସ୍ଥତି ଥିଲେ ଦଳର ବିଧାୟକ ମେୟର ଓ ସମସ୍ତ କର୍ପୋରେଟର କିନ୍ତୁ ଦଳର ଦୁଇ କର୍ପୋରେଟର ଅମରେଶ ଜେନା ଓ ବିରଞ୍ଚି ନାରାୟଣ ମହାସୁପକାର ଅନୁପସ୍ଥିତ ରହିଥିଲେ । ଯାହାକୁ ନେଇ ଅମରେଶ ନାଁ ନ ନେଇ ଅନନ୍ତ ଜେନା ଓ ଅଶୋକ ପଣ୍ଡାଙ୍କୁ ଦୋଷାରୋପ କରିଛନ୍ତି । ଏହି ଦୁଇ ନେତା ଭୁବନେଶ୍ବର ସଙ୍ଗଠନର ସର୍ବେସର୍ବା ଭାବୁଥିବାରୁ ସେମାନଙ୍କୁ ବୈଠକକୁ ଡାକି ନାହାନ୍ତି ବୋଲି କହିଛନ୍ତି ଅମରେଶ । ଯାହାର ଜବାବ ରଖିଛନ୍ତି ଅଶୋକ ପଣ୍ଡାଙ୍କ ସମର୍ଥିତ କରପୋରେଟର । ସେହପରି ବଡଚଣାରୁ ବି ଆସିଛି ସମାନ ଦୃଶ୍ୟ । ବିଧାୟିକା ପ୍ରାର୍ଥି ଥିବା ବର୍ଷା ପ୍ରିୟ ଦର୍ଶୀନି, ବରିଷ୍ଠ ନେତା ଅମର ଶତପଥୀ ଓ ଅନ୍ୟ ନେତା ମାନେ ସମାନ୍ତରଳ ଭାବେ ଭିନ୍ନ ଭିନ୍ନ ପଦଯାତ୍ରା କରିଥିବା ଦେଖିବାକୁ ମିଳିଛି ।

ଶାସନରେ ଥିବା ସମୟରେ ଦଳୀୟ ନେତାଙ୍କ ଅସନ୍ତୋଷ କି ପରାମର୍ଶ ବାହାରକୁ ଆସିବାକୁ ଦେଉନଥିଲେ ନବୀନ । ସୁପ୍ରିମୋଙ୍କ ପାଖରେ ପହଞ୍ଚି ନିଜ କଥା ରଖିବା ବି ବିଜେଡି ନେତାଙ୍କ ପାଇଁ ସମ୍ଭବ ନଥିଲା । ନବୀନଙ୍କ ନିକଟରେ ରହି ନିର୍ଦ୍ଧିଷ୍ଟ କୋଟେରୀ ଦ୍ବାରା ଦଳ ଚଳାଉଥିବା ଭି.କେ ପାଣ୍ଡିଆନ୍ । କଳ ବଳ କୌଶଳ ଲଗାଇ ନେତାଙ୍କ ସ୍ବରକୁ ଚାପି ଦେବାରେ ସକ୍ଷମ ହେଉଥିଲେ । କିନ୍ତୁ ବର୍ତ୍ତମାନ ନିର୍ବାଚନ ପରାଜୟ ପରେ ନବୀନଙ୍କ ସାମ୍ନାରେ ନେତାଙ୍କ ହାତାହାତି ପରିସ୍ଥିତି ବାୟନ କରୁଛି ଯେ ନବୀନଙ୍କ ହାତରୁ କମାଣ୍ଡ ଖସିବାରେ ଲାଗିଛି ।