Latest news

ତାଜା ଖବର ସଂକ୍ଷେପରେ

by Ritu Das

ଅର୍ଗସ ବ୍ୟୁରୋ: ଜନ୍ମଦିନରେ ରାଜ୍ୟର ମହିଳାଙ୍କୁ ମୋଦିଙ୍କ ସୁଭଦ୍ରା ଉପହାର .... ମହିଳାଙ୍କ ବ୍ୟାଙ୍କ୍ ଆକାଉଣ୍ଟକୁ ଗଲା ଯୋଜନାର ପ୍ରଥମ କିସ୍ତି ଟଙ୍କା ... ଭୁବନେଶ୍ବରରେ ବଟନ୍ ଚିପି ସୁଭଦ୍ରା ଯୋଜନାର ଶୁଭାରମ୍ଭ କଲେ ପିଏମ ମୋଦି .... ପ୍ରଥମ ପର୍ଯ୍ୟାୟରେ ୨୫ ଲକ୍ଷ ୧୧ ଜଣଙ୍କୁ ଗଲା ୧୨୫୦ କୋଟି ୫୫ ହଜାର ଟଙ୍କାର ସୁଭଦ୍ରା ସହାୟତା
୨-ସୁଭଦ୍ରାକୁ ନେଇ ସାରା ରାଜ୍ୟରେ ଉତ୍ସାହ....ଉପକୂଳରୁ ଉପାନ୍ତ ଏବଂ ସହରରୁ ଗାଁ ସବୁଠି ଉତ୍ସାହର ମାହୋଲ.....ମହିଳା ହିତାଧିକାରୀଙ୍କୁ ଟଙ୍କା ମିଳିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ମୋହନ ମାଝୀ ଙ୍କୁ ଦେଲେ ଧନ୍ୟବାଦ
୩-ଓଡ଼ିଶାରେ କଣ ନାହିଁ ବୋଲି ପଚାରିଲେ ପ୍ରଧାନମନ୍ତ୍ରୀ। ଓଡ଼ିଶାରେ ସବୁ ପ୍ରକାର ସଂପଦ ଭରପୁର ହୋଇରହିଛି.....ବିଗତ ୧୦ ବର୍ଷରେ ଓଡ଼ିଶାକୁ ସର୍ବାଧିକ ଅନୁଦାନ ଦିଆଯାଇଛି ।୧୦ ବର୍ଷରେ ଯାହା ମିଳୁଥିଲା, ଏବେ ତା ଠାରୁ ଅଧିକ ମିଳିବ। ଓଡ଼ିଶାବାସୀ ଏବେ ଆୟୁଷ୍ମାନ ଭାରତ ସୁବିଧା ବି ପାଇବେ। ୭୦ ବର୍ଷରୁ ଅଧିକ ସମସ୍ତ ବୟସ୍କଙ୍କୁ ଆୟୁଷ୍ମାନ ଭାରତ ସୁବିଧା ମିଳିବ। ମୋଦି ତାଙ୍କ ଗ୍ୟାରେଣ୍ଟି ପୁରା କରି ଦେଖାଉଛନ୍ତି ବୋଲି ନିଜେ କହିଲେ ପ୍ରଧାନମନ୍ତ୍ରୀ।
୪-ଭୁବନେଶ୍ବର ଗାଡ଼କଣରେ ପ୍ରଧାନମନ୍ତ୍ରୀ ଆବାସ ହିତାଧୀକାରୀଙ୍କ ଘର ବୁଲି ଦେଖିଲେ ପ୍ରଧାନମନ୍ତ୍ରୀ .... ପରିବାର ସହ କଲେ ଆଲୋଚନା....୧୦ ଲକ୍ଷ ପିଏମ୍ ଆବାସ ଗ୍ରାମୀଣ ହିତାଧିକାରୀଙ୍କୁ ମିଳିଲା ଯୋଜନାର ପ୍ରଥମ କିସ୍ତି
୫-ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ତୃତୀୟ କାର୍ଯ୍ୟକାଳର ୧୦୦ ଦିନ ପୂର୍ତ୍ତି। ଏଅବସରରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି ଆଜିର ଦିନ ଆମ ପାଇଁ ବହୁତ ଶୁଭ କାରଣ ଆଜି ପ୍ରଧାନମନ୍ତ୍ରୀଙ୍କ ଜନ୍ମଦିନ। ଏଥି ସହ ଶାହ, ମୋଦି ସରକାରଙ୍କ ୧୦୦ ଦିନର କାର୍ଯ୍ୟକୁ ନେଇ ଏକ ବୁକଲେଟ୍ ଜାରି କରିଥିଲେ.....ମୋଦି ସରକାର ଗରିବ କଲ୍ୟାଣ ଲାଗି ତତ୍ପର ଏବଂ ସୁରକ୍ଷିତ ଭାରତ ନିର୍ମାଣ ଲାଗି ବଡ଼ ପଦକ୍ଷେପ ନିଆଯାଇଛି।
୬- ବୁଲଡୋଜର କାର୍ଯ୍ୟାନୁଷ୍ଠାନ ଉପରେ ରୋକ୍ ଲଗାଇଲେ ସୁପ୍ରିମକୋର୍ଟ....ଏହି ରୋକ ଅକ୍ଟୋବର ପର୍ଯ୍ୟନ୍ତ ଲାଗୁ ହେବ....ତେବେ ସାର୍ବଜନୀନ ସ୍ଥାନ ଜବରଦଖଲ ହଟାଇବା ଲାଗି ବୁଲଡୋଜର କାର୍ଯ୍ୟାନୁଷ୍ଠାନ ହୋଇପାରିବ।
୭-ଦିଲ୍ଲୀ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ଅରବିନ୍ଦ କେଜରିଓ୍ବାଲ। ଉପରାଜ୍ୟପାଳଙ୍କୁ ଭେଟି ନିଜର ଇସ୍ତଫା ପ୍ରଦାନ କଲେ କେଜରିଓ୍ବାଲ.....ଆତିଶୀ ମାର୍ଲେନା ହେବେ ଦିଲ୍ଲୀର ପରବର୍ତ୍ତୀ ମୁଖ୍ୟମନ୍ତ୍ରୀ ବୋଲି ଆପର ସମ୍ମତି କ୍ରମେ ଘୋଷଣା ହେଲା
୮- ଜନ୍ମ ହାର ହ୍ରାସ ପାଉଛି, ତେଣୁ ପୁଟିନଙ୍କ ସରକାର ଯୁବକମାନଙ୍କୁ ପୁରସ୍କାର ଦେବାର ଏକ ବ୍ୟବସ୍ଥା କରିଛନ୍ତି......ସନ୍ତାନ ଜନ୍ମ କଲେ ୯ ଲକ୍ଷ ପୁରସ୍କାର ଦିଆଯିବ ବୋଲି ପୁଟିନ ସରକାର ଘୋଷଣା କରିଛନ୍ତି
୯- ମା’ ହେବା ପରେ ପ୍ରଥମ କରି ଝିଅ ସହ ନଜର ଆସିଲେ ଦୀପିକା ପାଦୁକୋନ ଏବଂ ରଣବୀର ସିଂ
୧୦- ୨୩ରେ ପୁଣି ଲଘୁଚାପ.....ଏବେ ପାଗ ଶୁଖିଲା ଥିବାବେଳେ ୨୨ରୁ ପ୍ରବଳ ବର୍ଷା ହେବ ବୋଲି ପାଣିପାଗ ବିଭାଗ ସ୍ପଷ୍ଟ କରିଛି

ଅଧିକ ପଢ଼ନ୍ତୁ ଓଡ଼ିଶା ଖବର

ଦୁର୍ଗମରେ ପାଳିତ ଦୂର୍ଗା ପୂଜା

by Banajyotshna Ray

ଅର୍ଗସ ବ୍ୟୁରୋ: ଜୟ ଦୁର୍ଗତି ନାଶିନି ମହିସା ମର୍ଦିନି ମା ଦୁର୍ଗାଙ୍କ ଆଜି ମାଙ୍କ ମହା ନବମୀ ପୂଜା ହେଉଛି, ପୁରପଲ୍ଲୀ ଚଳଚଞ୍ଚଳ ମୟୂରଭଞ୍ଜ ଜିଲ୍ଲା ମୋରଡ଼ା ବ୍ଲକ ସାତଭାୟା ଠାରେ ମହା ଆଡମ୍ବର ସହକାରେ ମହା ନବମୀ ପୂଜା ହେଉଛି।୧୧ ବର୍ଷ ଧରି ମା ପୁଜା ପାଈ ଆସୁଛନ୍ତି। ସାତଭାୟାରେ ଚୋରି ଡକାୟତି ଲୁଟପାଟ ଏବଂ ମାଓବାଦୀଙ୍କ ଉପଦ୍ରବ ଥିଲା, ମାଙ୍କ ପୂଜାର୍ଚ୍ଚନା ପରେ ଲୋକେ ନିର୍ଭୟରେ ବସବାସ କରୁଛନ୍ତି।

ଅଧିକ ପଢ଼ନ୍ତୁ ଓଡିଶା ଖବର:

ଡଲାର ତୁଳନାରେ କମୁଛି ଟଙ୍କାର ଦାମ୍

by Smruti Parija

rupees-price-decreased-comparision-to-dollar

ଅର୍ଗସ ବ୍ୟୁରୋ: ଡଲାର ତୁଳନାରେ କମୁଛି ଟଙ୍କାର ଦାମ୍ । ଗୋଟିଏ ଡଲାରର ମୂଲ୍ୟ 84 ଟଙ୍କାକୁ ହ୍ରାସ ପାଇଛି । ଯାହା ଇତିହାସରେ ପ୍ରଥମ । ଦେଶର ଇକ୍ୱିଟି ବଜାରରୁ ବୈଦେଶିକ ପୋର୍ଟଫୋଲିଓ ନିବେଶକମାନେ ପାଣ୍ଠି ପ୍ରତ୍ୟାହର କରୁଥିବାରୁ ଡଲାର ଚାହିଦା ବୃଦ୍ଧି ପାଇଛି । ସେମାନେ ଭାରତୀୟ ବଜାରରେ ଡଲାର ନିବେଶ କରୁଥିବାରୁ ତାହାର ମୂଲ୍ୟ ସେହି ସ୍ତରରେ ରହିଥିଲା । କିନ୍ତୁ ସେମାନେ ପାଣ୍ଠି ପ୍ରତ୍ୟାହର କରିବା ପରେ ଡଲାର ଉପରେ ଚାପ ସୃଷ୍ଟି ହୋଇଥିଲା ।

ଦେଶକୁ ଅଧିକ ଡଲାର ଆସିଲେ ଟଙ୍କା ମୂଲ୍ୟ ଉନ୍ନତ ସ୍ଥିତିରେ ରହିଥାଏ । ହେଲେ ଡଲାର ଅଭାବ ଦେଖାଦେଲେ ତାହା ଟଙ୍କାକୁ ଆହୁରି ଦୁର୍ବଳ କରିପକାଏ । ଗତ 9 ଦିନ ମଧ୍ୟରେ ବୈଦେଶିକ ପୋର୍ଟଫୋଲିଓ ନିବେଶକମାନେ ଭାରତୀୟ ଷ୍ଟକ ବଜାରରୁ 55 ହଜାର କୋଟି ଟଙ୍କା ପ୍ରତ୍ୟାହାର କରିଛନ୍ତି । ଦୈନିକ ସେମାନେ 100 କୋଟି ଡଲାର ଲେଖାଏଁ ପ୍ରତ୍ୟାହର କରିଛନ୍ତି । ଫଳରେ ଦେଶରୁ ଡଲାର କମ ହେବାରେ ଲାଗିଛି । ଏବଂ ଟଙ୍କା ଉପରେ ଚାପ ସୃଷ୍ଟି କରୁଛି ।

ଆଖି ତରାଟି ଦେଲା ଟ୍ଵିନସିଟି ପୂଜା : ବଜେଟ୍‌ ୬୦୦ ପାର୍‌

by Sarbeswar Mohapatra

ଅର୍ଗସ ବ୍ୟୁରୋ: ଦୁର୍ଗାପୂଜାରୁ ନେଇ ଚର୍ଚ୍ଚାରେ ଟ୍ଵିନସିଟି । କାରଣ ପୂଜା ମଣ୍ଡପ ସଂଖ୍ୟା ବଢିବା ସହିତ ବଜେଟ୍‌ ବି ବଢିଛି । ଖାସ କରି ଏସନ ପୂଜାରେ ବଜେଟ୍‌ ବେଶ ଚର୍ଚ୍ଚାରେ । କାରଣ ଲକ୍ଷେ କି ଦୁଇ ଲକ୍ଷ କି କୋଟି ନୁହେଁ ବରଂ ପୂଜାର ବଜେଟ୍‌ କରିଛି ଅଲୋଡା ରେକର୍ଡ । ଖାସ କରି ସିଲଭର ସିଟି କଟକରେ ଏଥର ୩୪ ପୂଜା ମଣ୍ଡପରେ ଚାନ୍ଦିମେଢ ହୋଇଥିବା ବେଳେ ଚୌଧୁରୀ ବଜାରର ସୁନା ସମସ୍ତଙ୍କ ମନ କିଣୁଛି ।

୧୯୫୬ ମସିହାରେ କଟକର ଚୌଧୁରୀ ବଜାର ପୂଜା କମିଟି ପ୍ରଥମତଃ ପ୍ରାୟ ୪ କ୍ଵିଣ୍ଟାଲ୍ ଚାନ୍ଦିରେ ପ୍ରଥମ ଚାନ୍ଦିମେଢ଼ କରାଯାଇଥିଲା । ସମୟକ୍ରମେ ମା’ଙ୍କୁ ଲାଗି କରାଯାଇଥିଲା ସୁନା ଅଳଙ୍କାର। ଆଉ ଏବେ ପ୍ରାୟ ୪୦ କେଜି ଅଳଙ୍କାରରେ ସଜେଇ ହୋଇଛି ମାଆଙ୍କ ମୁଣ୍ମୟୀ ପ୍ରତିମା ଓ ମେଢ । କମିଟି କହିଛି ଆଗାମୀ ଦିନରେ ମେଢ ସଂପୂର୍ଣ୍ଣ ଭାବରେ ସୁନାରେ ତିଆରି ହେବ ।

ମିଳିଥିବା ସୂଚନା ଅନୁସାରେ, କଟକରେ ଗତବର୍ଷ ଅପେକ୍ଷା ଏ ବର୍ଷ ପ୍ରାୟ ୩୦ ପ୍ରତିଶତ ବଢ଼ିଛି ପୂଜା ବଜେଟ୍ । ଗତଥର ସହରରେ ୩୨ଟି ସୁନା ଓ ଚାନ୍ଦିମେଢ଼ ଥିଲା । ଏଥର ଏହା ୩୪ରେ ପହଞ୍ଚିଛି । ଏ ବର୍ଷ ତୁଳସୀପୁର ଏବଂ ରାମଗଡ଼ କନିକା ଛକ କମିଟି ସାମିଲ ହୋଇଥିବାରୁ ସହରରେ ମୋଟ୍ ୧୭୬ଟି ମେଢ଼ କରାଯାଇଛି । ଗତବର୍ଷ ପ୍ରାୟ ୨୫୦ କୋଟି ଟଙ୍କା ଖର୍ଚ୍ଚ ହୋଇଥିବା ବେଳେ ଏଥର ପହଞ୍ଚିଛି ପ୍ରାୟ ୩୨୫ କୋଟିରେ । ପାଖାପାଖି ୭୫ କୋଟି ଟଙ୍କାର ଅଧିକ ବଜେଜ୍‌ ହୋଇଛି ଏସନ ।

କଟକରେ ମେଢ଼କୁ ଗୁରୁତ୍ଵ ଦିଆଯାଉଥିବା ବେଳେ ଭୁବନେଶ୍ଵରରେ ତୋରଣକୁ ପ୍ରାଧାନ୍ୟ । ଅର୍ଥାତ୍‌ ରାଜଧାନୀରେ ମେଢ଼ ଅପେକ୍ଷା ତୋରଣ ଉପରେ ପ୍ରତିବର୍ଷ ଭଳି ଏଥର ବି ଫୋକସ୍ କରାଯାଇଛି । ନୟାପଲ୍ଲୀ, ପଳାଶୁଣୀ, ରସୁଲଗଡ଼, ସହୀଦନଗର, ଷ୍ଟେସନ ବଜାର, ବଡ଼ବଡ଼, ଝାରପଡ଼ା , ବମିଖାଲ ଓ ବରମୁଣ୍ଡା । ଯୁଆଡ଼େ ଦେଖିବେ ସିଆଡେ ଆକାଶ ଛୁଆଁ ତୋରଣ । କେବଳ ସହିଦନଗର ପୂଜା କମିଟି ଏଥର କୋଟିଏ ଟଙ୍କା ଅଟକଳ କରିଥିବାବେଳେ ତୋରଣରେ ହିଁ ୪୦ରୁ ୪୫ ଲକ୍ଷ ଟଙ୍କା ଖର୍ଚ୍ଚ କରିସାରିଛି । ସେହିପରି ପୁରୁଣା ଷ୍ଟେସନ ବଜାର ପୂଜା କମିଟିର ବଜେଟ୍ ରହିଛି ୮୦ ଲକ୍ଷ । ଏଭଳି ଭାବେ ଭୁବନେଶ୍ବରରେ ମୋଟ୍ ୧୮୭ଟି ମେଢ଼ କରାଯାଇଥିବାବେଳେ ତାହାରି ଭିତରେ ରହିଛି ୬ଟି ସୁନା ଚାନ୍ଦି ମେଢ଼ । ପୂର୍ବବର୍ଷ ଅପେକ୍ଷା ଏଥର ରାଜଧାନୀରେ ପୂଜା ବଜେଟ୍ ୨୫ ପ୍ରତିଶତ ବଢ଼ି ପ୍ରାୟ ସାଢ଼େ ୩ ଶହ କୋଟିରେ ପହଞ୍ଚିଛି ।

ମୋଟ୍‌ ଉପରେ, ପୂଜାକୁ ନେଇ ଏବେ କଟକ-ଭୁବନେଶ୍ଵରର ସତେ ଯେମିତି ପ୍ରତିଯୋଗିତା ଲାଗିଛି । ସଂଧ୍ୟା ନଇଁଲେ ଭକ୍ତଙ୍କର ବି ପ୍ରବଳ ଭିଡ଼ ଦେଖିବାକୁ ମିଳୁଛି । ଏ ବର୍ଷ ଅପେକ୍ଷା ପରବର୍ଷ ପୂଜା ବଜେଟ୍‌ କେତେ ଅଧିକ ରହୁଛି ତାହା ସମୟ କହିବ ।

Download Argus News App

Latest news

Download Mobile App