The state government has taken the Cuttack rape case seriously: Law Minister

କଟକ ଗଣଦୁଷ୍କର୍ମ ମାମଲାକୁ ଗୁରୁତର ସହ ନେଇଛନ୍ତି ରାଜ୍ୟ ସରକାର:ଆଇନ ମନ୍ତ୍ରୀ

by Sangram Tripathy

The state government has taken the Cuttack rape case seriously: Law Minister

ଅର୍ଗସ ବ୍ୟୁରୋ:କଟକ ଗଣଦୁଷ୍କର୍ମ ମାମଲାକୁ ଗୁରୁତର ସହ ନେଇଛନ୍ତି ରାଜ୍ୟ ସରକାର । ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନଙ୍କ ପ୍ରତିକ୍ରିୟା । କଟକରେ ଦୁର୍ଭାଗ୍ୟପୂର୍ଣ୍ଣ ସ୍ଥିତିରେ ଯେଉଁ ଘଟଣା ଘଟିଛି, ସେହି ଘଟଣାରେ କଠୋର କାର୍ଯ୍ୟାନୁଷ୍ଠାନ ପାଇଁ କୁହାଯାଇଛି । କୌଣସି ଟାଳଟୁଳ ନୀତି ଆପଣାଇବେନି, ଦୋଷୀକୁ ଦଣ୍ଡିତ କରିବା ପାଇଁ ସବୁ ପଦକ୍ଷେପ ନିଆଯିବ । ଓଡ଼ିଶାରେ ମହିଳା ନିରୋଧୀ ଅପରାଧରେ ଦଣ୍ଡ ବିଧାନ ହାର ସଜାଡ଼ିବା ପାଇଁ ପଦକ୍ଷେପ ନିଆଯାଉଛି । ୨୦୩୬ସୁଦ୍ଧା ମହିଳା ନିରୋଧୀ ଅପରାଧ ମୁକ୍ତ ହେବ ଓଡିଶା । ମହିଳାଙ୍କ ଉପରେ ଆକ୍ରମଣ ହେଉ କି ନିର୍ଯାତନା କିମ୍ବା ଦୁଷ୍କର୍ମ, ସରକାର କଠୋର ଭାବେ ଦମନ କରିବେ ବୋଲି ନିଷ୍ପତ୍ତି ନେଇଛନ୍ତି । ମହିଳା ବିରୋଧୀ ଅପରାଧରେ ଶୂନ୍ୟ ସହନଶୀଳତା ନୀତି ଆପଣାଇବାକୁ ସରକାର କହିଛନ୍ତି

ବିଜାପୁରରେ ଏନକାଉଣ୍ଡରରେ 2 ନକ୍ସଲ ନିପାତ

by Smruti Parija

two-nauxal-killed-in-encounter-at-bijapur

ଅର୍ଗସ ବ୍ୟୁରୋ: ଭୁଶୁଡ଼ୁଛି ନକ୍ସଲଙ୍କ ଦୁର୍ଗ । ଛତିଶଗଡ଼ ବିଜାପୁରରେ ଏନକାଉଣ୍ଡରରେ 2 ନକ୍ସଲଙ୍କ ନିପାତ କରିଛି ବିଜାପୁର ପୋଲିସ । ବସ୍ତର ଆଇଡି ପି.ସୁନ୍ଦରରାଜଙ୍କ ସୂଚନା ଅନୁସାରେ ଅସୁର-ବାସାଗୁଡ଼ା-ପାମେଡ ସେକ୍ଟରରେ ନକ୍ସଲ ବିରୋଧୀ କମ୍ବିଂ ଅପରେସନ ଜାରି ରହିଛି । ଘଞ୍ଚ ଜଙ୍ଗଲ ମଧ୍ୟରେ ନକ୍ସଲଙ୍କ କ୍ୟାମ୍ପ ଚାଲିଥିବା ଗୁପ୍ତ ସୂଚନା ମିଳିବା ପରେ ବିଜାପୁର ପୋଲିସ ପକ୍ଷରୁ ଆରମ୍ଭ ହୋଇଥିଲା ସର୍ଚ୍ଚ ଅପରେସନ । ବର୍ତ୍ତମାନ ସୁଦ୍ଧା ପୋଲିସ ଓ ନକ୍ସଲଙ୍କ ମଧ୍ୟ ଗୁଳି ବିନିମୟ ଜାରିରହିଥିବା ବସ୍ତର ଆଇଡି ସୂଚନା ଦେଇଛନ୍ତି ।

ସିଙ୍ଗଡାକୁ ନେଇ ସରଗରମ ହିମାଚଳ ରାଜନୀତି

by Smruti Parija

Storm over 'no samosa for Himachal Chief Minister', CID says no probe amid row

ଅର୍ଗସ ବ୍ୟୁରୋ: ହିମାଚଳ ପ୍ରଦେଶ ମୁଖ୍ୟମନ୍ତ୍ରୀଙ୍କ ପ୍ଲେଟରୁ ସିଙ୍ଗଡ଼ା ଓ କେକ୍ ଗାଏବ ଘଟଣାକୁ ନେଇ ସାରା ଦେଶରେ ଚର୍ଚ୍ଚା । ମୁଖ୍ୟମନ୍ତ୍ରୀଙ୍କ ଜଳଖିଆ ପ୍ଲେଟରୁ ସିଙ୍ଗଡା ଓ କେକ୍ ଗାଏବ ଘଟଣାକୁ ନେଇ ସରଗରମ ହୋଇଛି ହିମାଚଳ ରାଜନୀତି । ସାମାନ୍ୟ ଘଟଣାରେ ସିଆଇଡି ତଦନ୍ତକୁ ନେଇ ସରକାରଙ୍କୁ ଟାର୍ଗେଟ୍ କରିଛି ବିଜେପି ।

ପ୍ରାଥମିକ ତଦନ୍ତରୁ ଏହା କର୍ମଚାରୀଙ୍କ ଅବହେଳା ବୋଲି ଜଣାପଡ଼ିଛି । ଅକ୍ଟୋବର ୨୧ ତାରିଖରେ ସିଆଇଡି ମୁଖ୍ୟାଳୟରେ ଏକ କାର୍ଯ୍ୟକ୍ରମରେ ଯୋଗ ଦେବାକୁ ଯାଇଥିଲେ ମୁଖ୍ୟମନ୍ତ୍ରୀ ସୁଖବିନ୍ଦର ସିଂ ସୁଖୁ । ସିଏମଙ୍କ ପାଇଁ ଲକ୍କର ବଜାରରୁ ତିନିଟି ବାକ୍ସରେ ସିଙ୍ଗଡା ଓ କେକ୍ ମଗାଯାଇଥିଲା। କିନ୍ତୁ ମୁଖ୍ୟମନ୍ତ୍ରୀଙ୍କ ଜାଗାରେ ତାଙ୍କ ସୁରକ୍ଷାକର୍ମୀଙ୍କୁ ସିଙ୍ଗଡା ଓ କେକ୍ ପରଷିଥିଲେ କର୍ମଚାରୀ ।

ଯାଞ୍ଚ ରିପୋର୍ଟ ଅନୁସାରେ ତଦନ୍ତରେ କେଉଁ ଅଧିକାରୀ ଓ କର୍ମଚାରୀଙ୍କ ଭୁଲ ପାଇଁ ମୁଖ୍ୟମନ୍ତ୍ରୀଙ୍କ ପ୍ଲେଟରୁ ସିଙ୍ଗଡା ଗାଏବ ହେଲା ତାହା ଜଣାପଡିଛି । ସେପଟେ ଘଟଣାକୁ ନେଇ ଅପପ୍ରଚାର ହେଉଥିବା ମୁଖ୍ୟମନ୍ତ୍ରୀଙ୍କ ମିଡିଆ ଉପଦେଷ୍ଟା ନରେଶ ଚୌହାନ କହିଛନ୍ତି ।

ଆରଟିଆଇ ରିପୋର୍ଟ ମାଗିବାରୁ ସୂଚନାଧିକାର କର୍ମୀଙ୍କ ପତ୍ନୀଙ୍କୁ ନିର୍ଧୁମ ମାଡ

by Smruti Parija

RTI officer's wife-beatten for asking RTI report

ଯାଜପୁର: ଦୁର୍ନୀତିକୁ ନେଇ ଆରଟିଆଇ ରିପୋର୍ଟ ମାଗିବାରୁ ସୂଚନାଧିକାର କର୍ମୀଙ୍କ ପତ୍ନୀଙ୍କୁ ନିର୍ଧୁମ ମାଡ । ଯାଜପୁର ଦଶରଥପୁର ବ୍ଲକ ରହସୋଈ ପଞ୍ଚାୟତରେ ଦେଖିବାକୁ ମିଳିଛି ଏଭଳି ଅମାନବୀୟ ଘଟଣା ।

ସୂଚନା ଅଧିକାର କର୍ମୀ ଅଶୋକ ପତି ପଞ୍ଚାୟତର ବିଭିନ୍ନ ଦୁର୍ନୀତିକୁ ବିରୋଧ କରିବା ସହ RTI ରିପୋର୍ଟ ମାଗିଥିଲେ । ଯାହାକୁ ନେଇ କିଛି ଯୁବକ ଅଶୋକ ପତିଙ୍କୁ ମାଡ଼ ମାରିବା ସହ ତାଙ୍କ ସ୍ତ୍ରୀ ଲଳିତା ପତିକୁ ଉଠାଇ ନେବା ସହ ରାସ୍ତା ଉପରେ ଘୋଷାଡି ଘୋଷାଡ଼ି ମାଡ଼ ମାରିଥିଲେ । ଘଟଣାସ୍ଥଳରେ ଦଶରଥପୁର ପୋଲିସ ପହଞ୍ଚି ଅଶୋକ ପତି ଏବଂ ତାଙ୍କ ସ୍ତ୍ରୀଙ୍କୁ ଉଦ୍ଧାର କରିବା ସହ ଦୁଇ ଅଭିଯୁକ୍ତଙ୍କୁ ଅଟକ ରଖିଥିବା ସୂଚନା ମିଳିଛି ।