କାଶତଣ୍ଡିର ସିନାବାସ ନାହିଁ,କିନ୍ତୁ ତାର ରୂପରେ ସେ ସମସ୍ତଙ୍କ ମନମୋହିନିଏ,ଗଜାନନ ଙ୍କ ପୂଜା ପରେ କାଶତଣ୍ଡିର ସୁନ୍ଦର ପସରାର ଆରମ୍ଭ ହୁଏ ଓ ମାଁ ଦୁର୍ଗାଙ୍କ ଆଗମନରେ ପ୍ରକୃତିର ଶୋଭା ମଣ୍ଡନ କରୁଥିବା କାଶତଣ୍ଡି ମାଁଙ୍କ ମେଲାଣି ପରେ ସୂତପ୍ରବୃତ ଭାବେ ମଉଳି ଯାଏ ବୋଲି ପୌରାଣିକ ମତ ରହିଛି। ଚାନ୍ଦି ପରି ଚିକ୍ ଚିକ୍ କରି ଝଟକି ଥାଏ ଏହି ଧରାପୃଷ୍ଠରେ। ବୁଦା ବୁଦା ଫୁଲ ଶରତେ ଖେଳି ବୁଲୁଥାଏ । ସ୍ଥାୟିତ୍ଵ ନଥିବାରୁ ସବୁ ଦୁଃଖକୁ ଜାବୁଡି ଧରି ପଡି ରହିଥାଏ ।
ସ୍ଵଳ୍ପ ସମୟ ପାଇଁ ହେଲେ ମଧ୍ୟ ମନ ଖୋଲା ହସ ମଧ୍ୟରେ ହଜେଇ ଦେଇଥାଏ ନିଜକୁ । ଖେଳି ବୁଲୁଥାଏ ଏହି ଧରଣୀ ବକ୍ଷରେ ।କାଶତଣ୍ଡି । ଯାହାର ମହକ ନଥିଲେବି ପ୍ରାକୃତିକ ସୌନ୍ଦର୍ଯ୍ୟକୁ ଦ୍ଵିଗୁଣିତ କରିଥାଏ । ଶାରଦୀୟ ସମ୍ଭାର ନେଇ ଆସିଥାଏ କାଶତଣ୍ଡି । ପବନର ଛୁଆଁ ସହିତ ଦେବୀ ଦୂର୍ଗାଙ୍କ ନିକଟରେ ନିଜକୁ ସମର୍ପିବା ଲାଗି କରିଥାଏ ଅପେକ୍ଷା । କାଶତଣ୍ଡି ମନ ମୁଗ୍ଧ କରିଥାଏ କବି,ଭାବୁକ ଓ ବାଟଚଲା ପଥିକଙ୍କୁ । ସେଇଥି ପାଇଁ ତ ଏହାକୁ ଦେଖି କବି ଭାବୁକ ମାନେ କଲମ କାଗଜ ଧରି ବସିଯାଆନ୍ତି କିଛି ସମୟ ପାଇଁ ଏହାକୁ ବର୍ଣ୍ଣନା କରିବାକୁ,ଆଶ୍ଵୀନ ମାସର ଶରତ ଋତୁରେ କାଶତଣ୍ଡିର ପସରା ଦେଖିବାକୁ ମିଳିଥାଏ । ବହୁ କମ୍ ସମୟ ଅନ୍ୟକୁ ସୌନ୍ଦର୍ଯ୍ୟ ବାଣ୍ଟି ନିଜର ସତା ହରାଇ ବସେ । କିନ୍ତୁ ସଭିଙ୍କୁ ବାଣ୍ଟି ଦେଇଯାଏ ଶାନ୍ତିର ବାର୍ତ୍ତା ।
Mother Durga is coming, Kashtandi is waiting for welcome
- Follow us |
|
|
|
ଅର୍ଗସ ବ୍ୟୁରୋ:ସଭିଙ୍କ ଅପେକ୍ଷା ତାଙ୍କ ପାଇଁ, ମାଙ୍କ ଆଗମନକୁ ସ୍ବାଗତ କରିବା ପାଇଁ କାଶତଣ୍ଡିର ଅପୂର୍ବ ସମ୍ଭାର ସହ ଚାରିଆଡେ ପସରା ମେଲାଇଛି,ପ୍ରକୃତି ମା ସବୁଜ ଶାଢି ପିନ୍ଧିଥିବାବେଳେ,ଧଳାରଙ୍ଗ ଧଡି ହିସାବରେ କାଶତଣ୍ଡି ତାର ଅପୂର୍ବ ସାଜସଜ୍ଜାରେ ସମସଙ୍କୁ ବିଭୋର କରିଦେଉଛି। ଆଉ ଘଡିଏ ଅଟକିଯାଉଛି ବାଟୋଇ। କାରଣ ଏମିତି ଲାଗୁଛି ଧଳାରଙ୍ଗର ଚାଦର ଘୋଡାଇ ହୋଇ ନବ ବଧୂ ବେଶରେ ସଜେଇ ହୋଇ ଅପେକ୍ଷା କରିଛି ମା’ଙ୍କୁ। ଶରତ ଆଗମନର ବର୍ତ୍ତାବହ ସାଜିଛି କାଶତଣ୍ଡି। ରାସ୍ତା କଡ଼, ପୋଖରିହୁଡ଼ା, ନଦୀ ପଠା ସବୁଠି କାଶତଣ୍ଡିର ପସରା l ଆଉ ସବୁଠି ଖିଲି ଖିଲି ହୋଇ ହସୁଛି କାଶତଣ୍ଡି ଫୁଲ l ଶୁଭ୍ର କାଶତଣ୍ଡି ମରୁତର ଡାଳେ ନାଚୁଅଛି ମନଖୋଲି ସ୍ବାଗତ କରୁଛି ଋତୁରାଣୀ ସେଜେ ବ୍ୟଥା ବେଦନାକୁ ଭୁଲି
ଅର୍ଗସ ବ୍ୟୁରୋ : ଶେଷ ହୋଇଛି ହରିୟାଣା ନିର୍ବାଚନ । ନିର୍ବାଚନ କମିଶନ ତଥ୍ୟ ଅନୁସାରେ ସଂଧ୍ୟା 6ଟା ସୁଦ୍ଧା ହୋଇଛି 65 ପ୍ରତିଶତ ମତଦାନ । ଗତ 1 ତାରିଖରେ ଜମ୍ମୁ କାଶ୍ମୀର ନିର୍ବାଚନ ଶେଷ ହେବା ପରେ ଆଜି ଗୋଟିଏ ପର୍ଯ୍ୟାୟରେ ହୋଇଥିଲା ହରିୟାଣାର 90 ଆସନରେ ମତଦାନ । ଆସନ୍ତା ୮ ତାରିଖରେ ହେବ ଭୋଟ ଗଣତି । ଚଳିତବର୍ଷ ନିର୍ବାଚନରେ ବିଜେପି ଓ କଂଗ୍ରେସ ମଧ୍ୟରେ ହୋଇଛି କଡ୍ଡା ଟକ୍କର । ବିଜେପି ହ୍ୟାଟ୍ରିକ ଲକ୍ଷ୍ୟରେ ଥିବାବେଳେ କଂଗ୍ରେସ 10 ବର୍ଷ ପରେ ପୁଣିଥରେ ଶାସନକୁ ଫେରିବାକୁ ଲକ୍ଷ୍ୟ ରଖିଛି । ମୁଖ୍ୟମନ୍ତ୍ରୀ ନାୟବ ସିଂହ ସୈନି, ପୂର୍ବତନ ମୁଖ୍ୟମନ୍ତ୍ରୀ ଭୂପିନ୍ଦର ସିଂହ ହୁଦା, ରେସଲରରୁ ନେତା ହୋଇଥିବା ଭିନେଶ ଫୋଗଟ, ଜେଜେପି ନେତା ଦୁଷ୍ୟନ୍ତ ଚୌତାଲାଙ୍କ ସମେତ ୧ ହଜାର ୩୧ ପ୍ରାର୍ଥୀଙ୍କ ପ୍ରାର୍ଥୀଙ୍କ ଭାଗ୍ୟ ଇଭିଏମରେ ସିଲ ହୋଇଛି ।
ଅଧିକ ପଢନ୍ତୁ : ୯୦ ବିଧାନସଭା ଆସନ ପାଇଁ ଆସନ୍ତାକାଲି ହେବ ମତଦାନ
ହରିୟାଣାରେ ଗତ ୧୦ ବର୍ଷ ଧରି କ୍ଷମତାରେ ରହିଛି ବିଜେପି । ୨୦୧୪ରେ କଂଗ୍ରେସକୁ କ୍ଷମତାଚ୍ୟୁତ କରି ରାଜ୍ୟରେ ପ୍ରଥମ ଥର ପାଇଁ ସରକାର ଗଢିଥିଲା ବିଜେପି । ୯୦ରୁ ୪୭ ଆସନ ଜିତିଥିଲା ଦଳ । ୨୦୧୯ରେ କ୍ଷମତା ବଜାୟ ରଖିଥିଲା ବିଜେପି । ବିଜେପି ୪୦, କଂଗ୍ରେସ ୩୧ ଓ ଜନନାୟକ ଜନତା ପାର୍ଟି ୧୦ ଆସନରେ ବିଜୟୀ ହୋଇଥିଲା । ଜେଜେପି ସମର୍ଥନରେ ଲଗାତର ଦ୍ୱିତୀୟ ଥର ପାଇଁ ବିଜେପି କ୍ଷମତାକୁ ଆସିଥିଲା ।
ଅର୍ଗସ ବ୍ୟୁରୋ : ଯେଉଁଠି ଦିନେ ଦବଦବା ଜାହିର କରୁଥିଲେ ଲାଲ୍ ବାହିନୀ, ଏବେ ସେଠି ଥରହର ସ୍ଥିତି । ଜଙ୍ଗଲରେ ସୁରକ୍ଷାକର୍ମୀଙ୍କ ଘନ ଘନ କମ୍ବିଂ । ଏନକାଉଣ୍ଟର ବେଳେ କେତେବେଳେ ୨୦, ତ ଆଉ କେତେବେଳେ ୩୦ ମାଓବାଦୀ ନିହତ ହେଉଛନ୍ତି । ଶୁକ୍ରବାର ନାରାୟଣପୁର ଜିଲ୍ଲା ଅବୁଝମାଡ଼ ଜଙ୍ଗଲରେ ଗୁଳି ବିନିମୟ ହୋଇଥିଲା । ହାର୍ଡକୋର୍ ମାଓବାଦୀଙ୍କ ମେଳି ଖବର ପାଇ ୪ ଦିନ ପୂର୍ବରୁ ଆଟାକ୍ କରିବାକୁ ପ୍ଲାନ୍ କରିଥିଲେ ସୁରକ୍ଷାକର୍ମୀ । ଯେଉଁଥିରେ ୩୬ ହାର୍ଡକୋର ମାଓବାଦୀ ନିହତ ହୋଇଥିଲେ । ଏବେ ସୁଦ୍ଧା 31 ଜଣ ମାଓବାଦୀଙ୍କ ମୃତଦେହ ମିଳିଛି । ଘଟଣାସ୍ଥଳରୁ AK-47, ଏଲଏମଜି ରାଇଫଲ, ଏସଏଲଆର୍ ରାଇଫଲ, ଇନସାସ୍ ରାଇଫଲ ସହ ବହୁ ମାରଣାସ୍ତ୍ର ଜବତ ହୋଇଛି ।
ଅଧିକ ପଢନ୍ତୁ : ଏନ୍କାଉଣ୍ଟରରେ ଟଳିଲେ 30 ହାର୍ଡକୋର ମାଓବାଦୀ
ନାରାୟଣପୁର ଓ ଦନ୍ତେୱାଡ଼ା ଜିଲ୍ଲା ସୀମାରେ ସର୍ଚ୍ଚ ଅପରେସନ୍ ଜାରି ରଖିଛନ୍ତି ସୁରକ୍ଷା କର୍ମୀ । ସେପଟେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ସହ କଥା ହୋଇଛନ୍ତି ଛତିଶଗଡ଼ ମୁଖ୍ୟମନ୍ତ୍ରୀ ବିଷ୍ଣୁଦେବ ସାଏ । କିଛିଦିନ ତଳେ ରାୟପୁରରେ ମାଓ ଦମନ ନେଇ ବୈଠକ କରିଥିଲେ ଶାହ । ମାଓବାଦୀଙ୍କୁ ମୂଳପୋଛ କରିବାକୁ ଶାହ ଦେଇଥିଲେ ଟାର୍ଗେଟ୍ ।
କେବଳ ଛତିଶଗଡ଼ ନୁହଁ, ଦିନ ଥିଲା ଓଡ଼ିଶାର ଅନେକ ମାଓ ପ୍ରବଣ ଜିଲ୍ଲାରେ ନିଜର ସ୍ଥିତି ଜାହିର କରୁଥିଲେ ଲାଲ୍ ବାହିନୀ । 2008 ଫେବ୍ରଆରୀରେ ନୟାଗଡରେ ମାଓ ହମଲା। ଯେଉଁଥିରେ 15ରୁ ଅଧିକ ପୋଲିସ ସହିଦ ହୋଇଥିଲେ। ସେହିବର୍ଷ ମାଲକାନଗିରି ବାଲିମେଳାରେ ମାଓବାଦୀଙ୍କ ଗୁଳିରେ 35ରୁ ଅଧିକ ସୁରକ୍ଷାକର୍ମୀଙ୍କ ଜୀବନ ଯାଇଥିଲା। ତାର କିଛି ଦିନ ପରେ ସେହି ମାଲକାନଗିରିରେ ଲ୍ୟାଣ୍ଡମାଇନ୍ ବିସ୍ଫୋରଣରେ 21 ପୋଲିସ ସହିଦ ହୋଇଥିଲେ। ବିଭିନ୍ନ ସମୟରେ ଲାଲବାହିନୀ ତାର ଉପସ୍ଥିତି ଜାହିର କରିଥିଲା। ଏବେ ସମୟ ବଦଳିଛି, ଅଞ୍ଚଳ ହୋଇଛି ମାଓ ମୁକ୍ତ । ସୁରକ୍ଷାକର୍ମୀଙ୍କ ଅନବରତ ପ୍ରହାର ଲୋକଙ୍କୁ ଦେଉଛି ସୁରକ୍ଷା ।
ଅର୍ଗସ ବ୍ୟୁରୋ : ବଦଳିଛି ସରକାର, ବଦଳିଛି ଯୁଗ | ଏବେ ଚାଲିଛି ଡବଲ ଇଞ୍ଜିନ ସରକାରର ଶାସନ, ଅନ୍ତ ହୋଇଛି ଚାଷୀ ଶୋଷଣ | ଆଜି ପ୍ରଧାନମନ୍ତ୍ରୀ ମହାରାଷ୍ଟ୍ରର ୱାସୀମରୁ 9.4 କୋଟି ଚାଷୀଙ୍କ ଖାତାକୁ 20 ହଜାର କୋଟି ଟଙ୍କା ପ୍ରଦାନକରି ପାର୍ବଣର ଉପହାର ଦେଇଛନ୍ତି | ଚାଷୀଙ୍କୁ ମିଳିଛି ପିଏମ କିସାନ ସମ୍ମାନ ନିଧି ଯୋଜନାରେ 18ତମ କିସ୍ତି | ଓଡିଶାର 31 ଲକ୍ଷ 51 ହଜାର 700 ଚାଷୀଙ୍କ ଆକାଉଣ୍ଟକୁ ଯାଇଛି ଟଙ୍କା.. ଯାହା ଗତ କିସ୍ତିରେ ମିଳିଥିବା ଚାଷୀଙ୍କ ସଂଖ୍ୟାରୁ 1 ଲକ୍ଷ 77 ହଜାର ଅଧିକ.. ଆହୁରି ବହୁତ ଚାଷୀ ଯୋଗ୍ୟ ଥିବା ବେଳେ ସେମାନଙ୍କୁ ତାଲିକାର ସାମିଲ ପାଇଁ ନୂଆ ସରକାର ପ୍ରୟାସ କରୁଛନ୍ତି...
ଅଧିକ ପଢନ୍ତୁ : ଏକକାଳୀନ ୧୬ ହଜାର ଶିକ୍ଷକ ଶିକ୍ଷୟତ୍ରୀଙ୍କୁ ନିଯୁକ୍ତି ପତ୍ର ବାଣ୍ଟିଲେ ମୁଖ୍ୟମନ୍ତ୍ରୀ
ପୂର୍ବରୁ ନୂଆଖାଇରେ ସମ୍ବଲପୁରରେ ସିଏମ କିସାନ ଯୋଜନର ଶୁଭାରମ୍ଭ କରି ଓଡ଼ିଶାର 46 ଲକ୍ଷ କ୍ଷୁଦ୍ର, ନାମମାତ୍ର ଓ ଭୂମିହୀନ ଚାଷୀଙ୍କୁ ଡିବିଟି ମାଧ୍ୟମରେ 925 କୋଟି ପ୍ରଧାନ କରିଥିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ | ଅର୍ଥାତ ଡବଲ ଇଜିଂନ ସରକାର ହେବା ପରେ ଓଡ଼ିଶାର ଚାଷୀ 5ଟି କିସ୍ତିରେ ପାଇବେ ବର୍ଷକୁ 10 ହଜାର ଟଙ୍କା ..ଏଇଥିପାଇଁ ତ ଚାଷ ହସୁଛି ଆଉ ଚାଷୀ ମଧ୍ୟ |କେବଳ ପିଏମ କି ସିଏମ କିଷାନ ନୁହେଁ । ମହିଳାଙ୍କ ପାଇଁ ସବୁଠୁ ବଡ ଯୋଜନା ସୁଭଦ୍ରାରେ ରାଜ୍ୟ ସରକାର 25 ଲକ୍ଷ ମହିଳାଙ୍କୁ ପ୍ରଥମ ପର୍ଯ୍ୟାୟରେ 5 ହଜାର ଟଙ୍କା ଦେଇଥିବା ଅକ୍ଟୋବର 9 ତାରିଖରେ ପୁଣି 40 ଲକ୍ଷ ଲକ୍ଷ ମହିଳାଙ୍କୁ ମିଳିବ ପ୍ରଥମ କିସ୍ତିର ଟଙ୍କା..ନୂଆ ସରକାର ଏହା ଭିତରେ ବାର୍ଦ୍ଦକ୍ୟ ଭତ୍ତା ବଢାଇଥିବାରୁ ରାଜ୍ୟର ପ୍ରାୟ 4 ଲକ୍ଷ ବୟସ୍କଙ୍କୁ ମିଳିବ 3 ହଜାର ଟଙ୍କା..ମଧୁ ବାବୁ ଓ ଜାତୀୟ ବାର୍ଦ୍ଦକ୍ୟ ଭର୍ତ୍ତାରେ 60ରୁ 79 ବର୍ଷ ମଧ୍ୟରେ ପ୍ରାୟ 50 ଲକ୍ଷ ହିତାଧିକାରୀଙ୍କୁ ମିଳୁଛି 1 ହଜାର ଟଙ୍କା... ପୂଜା ବଜାରରେ ଏମାନଙ୍କ ହାତରେ ଟଙ୍କା ଆସିବା ପରେ ସମସ୍ତେ ଖୁସ୍
ପିଏମ କିଷାନରେ ଦୁଇଟି କିସ୍ତିରେ ରାଜ୍ୟ ଚାଷୀଙ୍କୁ ମିଳିଛି 6 ହଜାର ଟଙ୍କା... ସେହିପରି ସିଏମ କିଷାନର ଗୋଟିଏ କିସ୍ତି ନୂଆଖାଇରେ ମିଳିଥିବା ବେଳେ ଦୀତୀୟ କିସ୍ତିର ଟଙ୍କା ଚାଷ ଅନୁକୁଳ ପୂର୍ବରୁ ଅକ୍ଷୟ ତୃତୀୟରେ ମିଳିବ.
