ଅର୍ଗସ ବ୍ୟୁରୋ: ଯାଜପୁର ନଗଡାକୁ ନେଇ ମୁହାଁମୁହିଁ ସୁକିନ୍ଦା ବିଧାୟକ ଓ ପୂର୍ବ ବିଧାୟକ। ମୁଖ୍ୟମନ୍ତ୍ରୀ ଓ ଯାଜପୁର ସାଂସଦଙ୍କ ପରେ ସାମ୍ନାକୁ ଆସିଲେ ସୁକିନ୍ଦା ବିଧାୟକ ତଥା ମନ୍ତ୍ରୀ ପ୍ରଦୀପ ବଳ ସାମନ୍ତ। ଖୋଲାଖୋଲି ଚ୍ୟାଲେଞ୍ଜ କଲେ ସୁକିନ୍ଦାର 5 ଥରର ବିଧାୟକ ତଥା ପୂର୍ବତନ ମନ୍ତ୍ରୀ ପ୍ରଫୁଲ୍ଲ ଘଡେଇଙ୍କୁ। କହିଲେ ଆସନ୍ତୁ ନଗଡା ଯିବା ମୁଁ ଆପଣଙ୍କୁ ଦେଖାଇବି ସେଠାକାର ଚିତ୍ର ।
ଗତକାଲି ଅର୍ଗସର ରୋକଠୋକ୍ କାର୍ଯ୍ୟକ୍ରମରେ ଇଣ୍ଟରଭ୍ୟୁ ଦେଇ ସମବାୟ, ହସ୍ତତନ୍ତ ଓ ବୟନଶିଳ୍ପ ମନ୍ତ୍ରୀ ପ୍ରଦୀପ ବଳ ସାମନ୍ତ କହିଛନ୍ତି ଯାଜପୁରକୁ ଲୁଟିଛନ୍ତି 3 ପରିବାର । ସବୁଠାରୁ ବେଶୀ ଦୁର୍ନିତୀ କରିଛନ୍ତି ପ୍ରଫୁଲ୍ଲ ଘଡେଇ ଓ ପ୍ରିତି ରଂଜନ ଘଡେଇ । ସୁକିନ୍ଦାର ବିକାଶ ହୋଇଥିବା ନେଇ ପ୍ରଫୁଲ୍ଲ ଘଡେଇ ଦେଇଥିବା ବୟାନ ଉପରେ ସ୍ଥାନୀୟ ବିଧାୟକ କହିଛନ୍ତି ମିଛ କହୁଛନ୍ତି ପ୍ରଫୁଲ୍ଲ।
ଆହୁରି ପଢନ୍ତୁ ଓଡିଶା ଖବର...
ବଲାଙ୍ଗୀର: ଟିଟିଲାଗଡ଼ ଥାନା ଅନ୍ତର୍ଗତ ପୁତୁଲି ଗ୍ରାମରେ ପୋଲିସ ହାବୁଡରେ ନକଲି ଡାକ୍ତର । ଟିଟିଲାଗଡ଼ ପୁଲିସ ନକଲି ଡାକ୍ତରଙ୍କୁ ଗିରଫ ସହ କୋର୍ଟ ଚାଲାଣ କରିଥିବା ସୂଚନା ମିଳିଛି । ଏନେଇ ଟିଟିଲାଗଡ଼ ପୋଲିସ ସୂଚନା ଦେଇଛି ଯେ, ଗ୍ରାମରେ ଜଣେ ଅବସର ପ୍ରାପ୍ତ ସ୍ୱାସ୍ଥ୍ୟ କର୍ମଚାରୀ ରାଜେନ୍ଦ୍ର ହରପାଲ ବିନା ଲାଇସେନ୍ସରେ କ୍ଲିନିକ ଖୋଲି ରୋଗୀଙ୍କ ଚିକିତ୍ସା କରୁଥିବା ନେଇ ଅଭିଯୋଗ ଆସିଥିଲା ।
ସେ ମନଇଚ୍ଛା କ୍ଲିନିକ୍ ଖୋଲି ରୋଗୀଙ୍କୁ ସାଲାଇନ ଲଗାଉଥିବା, ଔଷଧ ଦେଉଥିବା ଟିଟିଲାଗଡ଼ ଥାନାରେ ଲିଖିତ ଅଭିଯୋଗ କରିଥିଲେ । ଏନେଇ ଗତ ରାତ୍ରୀରେ ଟିଟିଲାଗଡ଼ ଉପଖଣ୍ଡ ସ୍ୱାସ୍ଥ୍ୟ ଅଧିକାରୀ. ଡା. ପ୍ରଦୀପ ନାୟକ, ଏସଡ଼ିପିଓ, ଥାନା ଆଇଆଇସି ବିଶ୍ୱଜିତ ମନବୋଧ ଏବଂ ଡ୍ରଗ୍ସ ଇମ୍ସପେକ୍ଟର ମିଳିତ ଚଢ଼ାଉ ସହ ଅନେକ ପ୍ରକାର ଔଷଧ ସମେତ ବିଭିନ୍ନ ସାମଗ୍ରୀ ଜବତ କରିଥିଲେ l ଔଷଧର କୌଣସି ବିଲ୍ ମଧ୍ୟ ନଥିଲା । ଏନେଇ ପୁଲିସ ପକ୍ଷରୁ ଅଧିକ ତଦନ୍ତ ଜାରି ରହି ଥିବା ଜଣାପଡିଛି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ପାକିସ୍ତାନ କ୍ରିକେଟରେ ହଲଚଲ। ପାକିସ୍ତାନ କ୍ରିକେଟ ଦଳର ତାରକା ବ୍ୟାଟ୍ସମ୍ୟାନ ବାବର ଆଜମ ଦ୍ୱିତୀୟଥର ପାଇଁ ଅଧିନାୟକ ପଦରୁ ଇସ୍ତଫା ଦେଇଛନ୍ତି। ଇସ୍ତଫା ଦେବାପରେ ପାକିସ୍ତାନ ଦଳକୁ ଝଟକା ଲାଗିଛି। ବାବର ପାକିସ୍ତାନର ଦିନିକିଆ ଏବଂ ଟି-୨୦ର ଅଧିନାୟକ ଥିଲେ। ଏହା ପୂର୍ବରୁ ମଧ୍ୟ ସେ ଥରେ ଇସ୍ତଫା ଦେଇଥିଲେ, କିନ୍ତୁ ତାଙ୍କୁ ପୁଣି ଅଧିନାୟକ କରାଯାଇଥିଲା। ଏଥର ବାବର ‘କାର୍ଯ୍ୟଭାର’ ଦର୍ଶାଇ ପାକିସ୍ତାନର ଅଧିନାୟକତ୍ୱ ଛାଡିଛନ୍ତି। ଏବେ ସେ ତାଙ୍କ ବ୍ୟାଟିଂରେ ଅଧିକ ଧ୍ୟାନ ଦେବାକୁ ଚାହୁଁଛନ୍ତି ବୋଲି କହିଛନ୍ତି।
ବୁଧବାର ବାବର ଫ୍ୟାନ୍ସଙ୍କ ସହ ଅଧିନାୟକ ପଦରୁ ଇସ୍ତଫା ଦେଇଥିବା ଖବର ଶେୟାର କରିଛନ୍ତି। ବାବର ସୋସିଆଲ ମିଡିଆରେ ଲେଖିଛନ୍ତି, ପ୍ରିୟ ପ୍ରଶଂସକଗଣ, ମୁଁ ଆଜି ଆପଣଙ୍କ ସହ କିଛି ଖବର ବାଣ୍ଟୁଛି। ମୁଁ ପାକିସ୍ତାନ ପୁରୁଷ କ୍ରିକେଟ ଦଳର ଅଧିନାୟକ ପଦରୁ ଇସ୍ତଫା ଦେବାକୁ ନିଷ୍ପତ୍ତି ନେଇଛି। ଏହି ଦଳର ଅଧିନାୟକ ହେବା ଏକ ଗୌରବର ବିଷୟ, କିନ୍ତୁ ବର୍ତ୍ତମାନ ସମୟ ଆସିଛି ଯେ ଏହି ପଦରୁ ଇସ୍ତଫା ଦେବା ଏବଂ ମୋର ଖେଳକୁ ଧ୍ୟାନ ଦେବା ପାଇଁ ସମୟ ଆସିଛି। ମୋର ପ୍ରଦର୍ଶନକୁ ପ୍ରାଥମିକତା ଦେବା ଏବେ ମୋର କାମ। ମୋର ବ୍ୟାଟିଂକୁ ଉପଭୋଗ କରିବାକୁ ଏବଂ ମୋ ପରିବାର ସହିତ ସମୟ ବିତାଇବାକୁ ଚାହୁଁଛି, ଯାହା ମୋତେ ଖୁସି ଦିଏ।
ବର୍ଷେ ମଧ୍ୟରେ ଅଧିନାୟକତ୍ୱରୁ ଏହା ବାବର ଆଜମଙ୍କର ଦ୍ୱିତୀୟ ଇସ୍ତଫା। ଏହାପୂର୍ବରୁ ସେ ଦିନିକିଆ ବିଶ୍ୱକପ ୨୦୨୩ ପରେ ଅଧିନାୟକ ପଦରୁ ଇସ୍ତଫା ଦେବାକୁ ନିଷ୍ପତ୍ତି ନେଇଥିଲେ। ଦିନିକିଆ ବିଶ୍ୱକପ ପରେ ବାବର ନଭେମ୍ବର ୧୫, ୨୦୨୩ରେ ଅଧିନାୟକ ପଦରୁ ଇସ୍ତଫା ଦେବାକୁ ନିଷ୍ପତ୍ତି ନେଇଥିଲେ। ସେହି ସମୟରେ ବାବର ପାକିସ୍ତାନ ପାଇଁ ତିନୋଟି ଫର୍ମାଟର ଅଧିନାୟକ ଥିଲେ। ଏହା ପାକିସ୍ତାନ ଦଳ ପାଇଁ ନିଶ୍ଚିତ ଭାବେ ଚିନ୍ତାର ବିଷୟ। ଏବେ କିଏ ହେବ କ୍ୟାପଟେନ ନା' ପୁଣି ଥରେ ବାବର କ୍ୟାପଟେନ୍ସି ଦାୟିତ୍ବ ନେବାକୁ ମାନିଯିବେ। ତାହା ଖୁବଶୀଘ୍ର ଜଣାପଡ଼ିବ।
ଅଧିକ ପଢ଼ନ୍ତୁ କ୍ରୀଡ଼ା ଖବର
