ଅର୍ଗସ ବ୍ୟୁରୋ: ପ୍ରଥମ ପର୍ଯ୍ୟାୟ ନିର୍ବାଚନରେ ଅନୁକୂଳ ରହିବ ପାଗ। ନିର୍ବାଚନ ଥିବା ସହରରେ ତାପମାତ୍ରା ୪୦ ଡିଗ୍ରୀ ଭିତରେ ରହିବ । କିଛି ସ୍ଥାନରେ ବିକ୍ଷିପ୍ତ ବର୍ଷା ହୋଇପାରେ ବୋଲି ଆକଳନ କରିଛି ପାଣିପାଗ ବିଜ୍ଞାନ କେନ୍ଦ୍ର। ଦକ୍ଷିଣ ଓଡ଼ିଶାରେ ଆଜି ହାଲୁକାରୁ ମଧ୍ୟମ ଧରଣର ବର୍ଷା ହୋଇପାରେ ।ଏବଂ କିଛି କିଛି ସ୍ଥାନରେ ପ୍ରବଳ ବର୍ଷା ମଧ୍ୟ ହୋଇପାରେ। ଦିନ ତାପମାତ୍ରା କମ ରହିବ , ଲଗାଣ କିମ୍ବା ଭାରି ବର୍ଷା ନଥିବା କାରଣରୁ ଲୋକେ ସେ ଅଞ୍ଚଳରେ ଭୋଟ ଦେବା ପାଇଁ ଅନୁକୂଳ ପାଗ ରହିବ । ଏହା ସହ ରାଜ୍ୟରେ ଆଗାମୀ ୩ ଦିନ ପର୍ଯ୍ୟନ୍ତ ବିକ୍ଷିପ୍ତ ବର୍ଷା ହୋଇପାରେ।
ତେଣୁ ୩ରୁ ୪ ଦିନ ପର୍ଯ୍ୟନ୍ତ ଦିନ ତାପମାତ୍ରାରେ ବିଶେଷ ପରିବର୍ତ୍ତନ ହେବ ନାହିଁ। ଗତ ୨୪ ଘଣ୍ଟାରେ କଟକ ବାଙ୍କିରେ ସର୍ବାଧିକ ବର୍ଷା ରେକର୍ଡ଼ କରାଯାଇଛି ୧୦.୮ ସେମି। ଏହା ସହ ୧୪ ସହରରେ ପ୍ରବଳ ବର୍ଷା ରେକର୍ଡ କରାଯାଇଛି। ଉତ୍ତର ଉପକୂଳ ଓ ଦକ୍ଷିଣ ଓଡ଼ିଶାର କିଛି ସ୍ଥାନରେ ଆସନ୍ତା ୨୪ ଘଣ୍ଟାରେ ଭାରି ବର୍ଷା ନେଇ ଆକଳନ କରାଯାଇଛି। ଆଗାମୀ ୩ ଦିନ ବିଜୁଳି ଘଡଘଡି ସହ ପବନର ବେଗ ୩୦ ରୁ ୪୦ ଡିଗ୍ରୀ ସହ ବର୍ଷା ହେବା ନେଇ ଆକଳନ କରିଛି ପାଣିପାଗ ବିଜ୍ଞାନ କେନ୍ଦ୍ର।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ହାଇଦ୍ରାବାଦରୁ ଜମ୍ମୁ, ମୁମ୍ବାଇରୁ ପ୍ରୟାଗରାଜ ପୁଣି ଭୋପାଳ । ରାହୁଲ ଗାନ୍ଧିଙ୍କର ‘ହିନ୍ଦୁ ହିଂସ୍ର’ ମନ୍ତବ୍ୟର ପ୍ରତିବାଦରେ ଆଜି ଗଗନ ପବନ ଏକାକାର । ହାଇଦ୍ରାବାଦରେ ଦେଖିବାକୁ ମିଳିଥିଲା କିଛି ଏଭଳି ଦୃଶ୍ୟ । ଯେଉଁଠି ବିଜେପି ଯୁବମୋର୍ଚ୍ଚା ପକ୍ଷରୁ ଜୋରଦାର ବିକ୍ଷୋଭ ପ୍ରଦର୍ଶନ କରାଯାଇଛି । ଚକଅଖ ଜାମ୍ କରି ରାହୁଲଙ୍କ ବିରୋଧରେ ବର୍ଷିଛନ୍ତି ଯୁବମୋର୍ଚ୍ଚାର ସଦସ୍ୟ । ମାୟାନଗରୀ ମୁମ୍ବାଇର ଦୃଶ୍ୟ ମଧ୍ୟ ଭୟାନକ । ଏଠି ରାହୁଲଙ୍କ ବୟାନକୁ ପ୍ରବଳ ବିରୋଧ କରଯାଇଛି । ହିନ୍ଦୁ ସମାଜ ପ୍ରତି ରାହୁଲ ଯେଉଁ ମନ୍ତବ୍ୟ ରଖିଥିଲେ ତାର ଦୃଢ଼ ନିନ୍ଦା କରାଯାଇଛି । ଭୋପାଳରେ ବି ସମାନ ଦୃଶ୍ୟ । ଗତକାଲି ଲୋକସଭାରେ ରାହୁଲ ଯେଉଁ ମନ୍ତବ୍ୟ ଦେଇଥିଲେ ତା ବିରୋଧରେ ବିଜେପି ଯୁବମୋର୍ଚ୍ଚା ପ୍ରବଳ ପ୍ରତିବାଦ କରିଛି । ପ୍ରୟାଗରାଜରେ ଗତକାଲି ଠାରୁ ହିଁ ବିରୋଧ ଆରମ୍ଭ ହୋଇଛି । ରାହୁଲ ଗାନ୍ଧିଙ୍କ କୁଶପୁତ୍ତଳିକା ଏଠାରେ ବି ଦାହ କରାଯାଇଛି । ଜମ୍ମୁରେ ବି ରାହୁଲଙ୍କ ବିରୋଧରେ ଦେଖିବାକୁ ମିଳିଛି ତମ୍ବିତୋଫାନ । ଡୋଗ୍ରା ଫ୍ରଣ୍ଟ ପକ୍ଷରୁ ଏଠାରେ ଶୋଭାଯାତ୍ରା ବାହାର କରାଯିବା ସହ ରାହୁଲଙ୍କ ବୟାନକୁ ନିନ୍ଦା କରାଯାଇଛି ।
ଗତକାଲି ସଂସଦରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଆଲୋଚନା ଚାଲିଥିବା ବେଳେ ବକ୍ତବ୍ୟ ରଖୁଥିଲେ ବିରୋଧୀ ଦଳ ନେତା ରାହୁଲ ଗାନ୍ଧି । ହେଲେ ହଠାତ୍ କହୁକହୁ କହି ଦେଇଥିଲେ ଯେଉଁମାନେ ନିଜକୁ ହିନ୍ଦୁ କହନ୍ତି ସେମାନେ 24 ଘଣ୍ଟା ହିଂସା ଓ ଘୃଣା କରୁଛନ୍ତି। ଯେଉଁଥିପାଇଁ ଆମ ରାଜ୍ୟରେ ଦେଖିବାକୁ ମିଳିଛି ପ୍ରତିବାଦ । ଭୁବନେଶ୍ବର ମାଷ୍ଟର କ୍ୟାଣ୍ଟିନ ଛକରେ ରାହୁଲ ଗାନ୍ଧୀଙ୍କ କୁଶ ପୁତ୍ତଳିକା ଦାହ କରିବା ସହ ପ୍ରତିବାଦ କରିଛି ରାଜ୍ୟ ବିଜେପି ଯୁବ ମୋର୍ଚ୍ଚା । ସାମ୍ବାଦିକ ସମ୍ମିଳନୀ କରି ରାହୁଲଙ୍କ ଏଭଳି ମନ୍ତବ୍ୟକୁ ନିନ୍ଦା କରିଛନ୍ତି ରାଜ୍ୟ ସଭାପତି ମନମୋହନ ସାମଲ । କଂଗ୍ରେସ 56 ବର୍ଷ ଦେଶକୁ ଶାସନ କରିଛି । ତେଣୁ ସେମାନଙ୍କର ବିରୋଧୀ ଦଳରେ ବସିବାର ଅଭ୍ୟାସ ନାହିଁ । ସେଥିପାଇଁ ସେମାନେ ଅଣ ନିଶ୍ବାସୀ ହୋଇଛନ୍ତି । ଲୋକସଭାରେ କାହିଁକି 425ରୁ ଆଜି କଂଗ୍ରେସ ଏଭଳି ଅବସ୍ଥାରେ ପହଞ୍ଚିଛି ବୋଲି କହିଛନ୍ତି ମନମୋହନ ।
ହିନ୍ଦୁ ବିରୋଧୀ ଆଭିମୁଖ୍ୟ ପାଇଁ ପୂର୍ବରୁ କଂଗ୍ରେସକୁ ଦେବାକୁ ପଡ଼ିଛି ରାଜନୈତିକ ମୂଲ୍ୟ । 2014 ଓ 2019ରେ ବିରୋଧୀ ଦଳ ନେତା ପଦ ବି ହରାଇ ବସିଥିଲା କଂଗ୍ରେସ। ଏଥର ବି ଲୋକସଭାରେ ତିନି ଅଙ୍କ ଛୁଇଁ ପାରିନାହିଁ ଦେଶକୁ ସର୍ବାଧିକ କାଳ ଶାସନ କରିଥିବା ଦଳ। ୟା ଭିତରେ ଦେଶରେ ସଂଖ୍ୟାଲଘୁ ଧ୍ରୁବୀକରଣ ପାଇଁ ରାହୁଲ ଗାନ୍ଧିଙ୍କ ଷ୍ଟ୍ରାଟେଜି ତାଙ୍କ ଦଳ ପାଇଁ ବୁମେରାଂ ପାଲଟିବ କି ?
ଅଧିକ ପଢ଼ନ୍ତୁ ଦେଶ ଖବର:
ଅର୍ଗସ ବ୍ୟୁରୋ: ରାଜୁମୁଣ୍ଡାବାସୀଙ୍କୁ ବିକାଶ ଧୋକା। ଗାଁରେ ଅପହଞ୍ଚ ସରକାରୀ ଯୋଜନା। ରାସ୍ତା ପାଣି ବିନା ଅଭିଶପ୍ତ ଜୀବନ ବଞ୍ଚୁଛନ୍ତି ଦୁର୍ଗମବାସୀ। ପଟ୍ଟାଙ୍ଗି ନିର୍ବାଚନ ମଣ୍ଡଳୀର ରାଜୁମୁଣ୍ଡା। ଗାଁକୁ ଦେଖିଲେ ସ୍ପଷ୍ଟ ହେଉଛି ବିକାଶର ବାସ୍ତବତା। ରାସ୍ତା ଏଠି ମରଣଯନ୍ତା। ଖାଲଖମା ଭରା ପଥୁରିଆ ରାସ୍ତାରେ ଚାଲିକି ଯିବା ବି ମୁସ୍କିଲ। ମାତ୍ର ରାସ୍ତା ନଥିବାରୁ ବର୍ଷ ବର୍ଷ ଧରି ଏହି ରାସ୍ତାରେ ଯିବା ଆସିବା କରୁଛନ୍ତି ଅଞ୍ଚଳବାସୀ। ରାଜୁମୁଣ୍ଡାର ଏହି ରାସ୍ତା ଦେଇ ପ୍ରାୟ 5 ଟି ଗାଁ ଲୋକେ ଯିବା ଆସିବା କରନ୍ତି। ମାତ୍ର ଏମାନଙ୍କ ସମସ୍ୟା ବିସୟ ଜାଣି ମଧ୍ୟ ପ୍ରାଶାସନ ଚୁପ । ବର୍ଷ ବର୍ଷ ଧରି ଏଠାରେ ଲୋକଙ୍କୁ ପ୍ରତିଶୃତି ନାଁରେ ମିଳିଛି ଖାଲି ପ୍ରତାରଣା। 25 ବର୍ଷର ସ୍ଥାୟୀ ସରକାରରେ ଦୁର୍ଗମବାସୀଙ୍କୁ ବିକାଶ ଧୋକା। ପକ୍କା ରାସ୍ତା ଯୋଜନା ନାଁରେ ଲୋକଙ୍କୁ ଧୋକା ଏପଟେ ଅଧିକାରୀ ଓ ଠିକାଦାର ମାଲେମାଲ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ରାସ୍ତା ପାଇଁ ମାଟି ବିଛା ଯାଇଛି,ପାଣି ପାଇଁ ପାଇପ ବିଛା ଯାଇଛି, ହେଲେ ନାଁ ସରୁଛି ରାସ୍ତା କାମ ନା ଲୋକଙ୍କୁ ମିଳୁଛି ବିଶୁଦ୍ଧ ପାଣଇ। ଜଙ୍ଗଲ ଭେଦି ପାରୁନି ପକ୍କାରାସ୍ତା। ନାଲି ମାଟିର ରାସ୍ତା ସାଜିଛି ସାହା ଭରସା। ଦୀର୍ଘ ୨୪ବର୍ଷ ବିଜେଡି ଶାସନ କାଳରେ ମିଳି ପାରିଲାନି ପକ୍କା ରାସ୍ତା । ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ଆଦିବାସୀ ଅଧୁଷିତ ମୟୂରଭଞ୍ଜ ଜାମଦା ବ୍ଲକ ଅନ୍ତର୍ଗତ ହେଁସଡା ଗ୍ରାମପଞ୍ଚାୟତ ଚାନ୍ଦିଖମଣ ଗାଁର ଡୁଙ୍ଗୁରିସାହିରେ। ଏହି ରାସ୍ତା ହେଉଛି ଗାଁର ମୁଖ୍ୟ ରାସ୍ତା । ଗାଁକୁ ଯିବାକୁ ରାସ୍ତା ନିର୍ମାଣ ମାଟି ପକା ଯାଇଛି ସତ ମାତ୍ର କାମ ସାରିବାକୁ ଭୁଲିଯାଇଛି ପ୍ରଶାସନ। ଫଳରେ ରାସ୍ତାର ବିଭିନ୍ନ ସ୍ଥାନରେ ଗାତ ଶୃଷ୍ଟି ହୋଇଛି। ଏହି ରାସ୍ତା ଦେଇ ଆତଯାତ କରିବାକୁ ଗ୍ରାମବାସୀଙ୍କୁ ନାହିଁ ନଥିବା ଅସୁବିଧାର ସମ୍ମୁଖିନ ହେବାକୁ ପଡୁଛି।
ଖାଲି ରାସ୍ତା ସମସ୍ୟାରେ ସରିନି ନିରୀହ ଆଦିବାସୀଙ୍କ ଦୁଃଖ। ବିଶୁଦ୍ଧ ପାନୀୟ ଜଳ ପାଇଁ ଗ୍ରାମବାସୀ ହେଉଛନ୍ତି ଡହଳ ବିକଳ। ଜାମଦା ଜଳ ଯୋଗାଣ ପକ୍ଷରୁ ଗ୍ରାମବାସୀଙ୍କ ଜଳ କଷ୍ଟ ଦୂର କରିବା ପାଇଁ ପ୍ରଧାନମନ୍ତ୍ରୀ ଜଳ ଜୀବନ ମିଶନ ଦ୍ବାରା ଏକ ପ୍ରକଳ୍ପ ନିର୍ମାଣ ହୋଇଛି। ଡିସେମ୍ବର ୨୦୨୧ରେ ପ୍ରକଳ୍ପ କାମ ଆରମ୍ଭ ହୋଇ ମାର୍ଚ୍ଚ ମାସରେ ଶେଷ ହୋଇଛି। ଏହି ଯୋଜନାରେ ପ୍ରତ୍ୟେକ ଘର ସମ୍ମୁଖରେ ପାଇପ ଝୁଲେଇ ଦେଇଛନ୍ତି ଜଳଯୋଗାଣ ବିଭାଗ। କିନ୍ତୁ ବର୍ତ୍ତମାନ ସୁଦ୍ଧା ଗ୍ରାମବାସୀଙ୍କୁ ମିଳି ପାରିନାହିଁ ଟୋପାଏ ବିଶୁଦ୍ଧ ଜଳ। ଫଳରେ ଲୋକେ ବାଧ୍ୟ ହୋଇ ପୋଖରୀ ପାଣି ପିଇ ଶୋଷ ମେଣ୍ଟାଉଛନ୍ତି।
ଦୁର୍ଗମରେ ଅପହଞ୍ଚ ସରକାରୀ ଯୋଜନା। ରାସ୍ତା ପାଣି ବିନା ବହୁ କଷ୍ଟରେ ଜୀବନ ବଞ୍ଚୁଛନ୍ତି ଦୁର୍ଗମବାସୀ। ଏଠି ସରକାରଙ୍କ ବିଭିନ୍ନ ଯୋଜନା ପହଞ୍ଚିଛି ସତ ମାତ୍ର ତାହା ସମ୍ପୁର୍ଣ୍ଣ ହେଉନି। ଅଧପନ୍ତରାରେ ପଡିଥିବା ଯୋଜନା ଦେଖି ଅଧିକ କଷ୍ଟ ପାଉଛନ୍ତି ଦୁର୍ଗମବାସୀ।
ଅଧିକ ପଢ଼ନ୍ତୁ ଓଡିଶା ଖବର:
