UPI Transaction

UPI ଲାଇଟ୍ ପ୍ଲାଟଫର୍ମରେ ବଡ଼ ପରିବର୍ତ୍ତନ, ଜାଣନ୍ତୁ କଣ ହେଲା ନୂଆ ନିୟମ

by Sarbeswar Mohapatra

ଅର୍ଗସ ବ୍ୟୁରୋ: ଆଜିଠାରୁ ଭାରତୀୟ ରେଳର ଆଡଭାନ୍ସ ରିଭରଭେସନ୍ ପିରିୟଡରେ ପରିବର୍ତ୍ତନ । ୬୦ ଦିନ ପୂର୍ବରୁ କରିହେବ ଆଡଭାନ୍ସ ବୁକିଂ । ନୂତନ ଆଇଆରସିଟିସି ଟ୍ରେନ ଟିକେଟ୍ ରିଭରଭେସନ୍ ନିୟମ ଅନ୍ତର୍ଗତ ଏହି ପରିବର୍ତ୍ତନ କରାଯାଇଛି । ପୂର୍ବରୁ ଏହା ୧୨୦ ଦିନ ଥିଲା । ଟିକେଟ କ୍ରୟର ବ୍ୟବସ୍ଥାକୁ ଆହୁରି ସହଜ ଓ ସରଳ କରି ଯାତ୍ରୀଙ୍କୁ ସୁବିଧା ଯୋଗାଇବା ଉଦ୍ଦେଶ୍ୟରେ ଏହି ସଂଶୋଧନ କରାଯାଇଛି । ତେବେ ବିଦେଶୀ ପର୍ଯ୍ୟଟକଙ୍କ ପାଇଁ ନିୟମରେ କୌଣସି ପରିବର୍ତ୍ତନ ହୋଇ ନାହିଁ । ବିଦେଶୀ ପର୍ଯ୍ୟଟକମାନେ ୩୬୫ ଦିନ ପୂର୍ବରୁ ଆଡଭାନ୍ସ ବୁକିଂ କରିପାରିବେ ।

ସେପଟେ, ଆଜିଠାରୁ UPI ଲାଇଟ୍ ପ୍ଲାଟଫର୍ମରେ ବଡ଼ ପରିବର୍ତ୍ତନ ହେବାକୁ ଯାଉଛି । UPI ଲାଇଟ୍ ବ୍ୟବହାରକାରୀମାନେ କରିପାରିବେ ଅଧିକ ଅର୍ଥ ନେଣଦେଣ । UPI ଲାଇଟ୍ ହେଉଛି ଏକ ୱାଲେଟ୍ ଯାହା ଉପଭୋକ୍ତାମାନଙ୍କୁ UPI PIN ବ୍ୟବହାର ନକରି ୫୦୦ ଟଙ୍କା ପର୍ଯ୍ୟନ୍ତ ଛୋଟ କାରବାର କରିବାକୁ ଅନୁମତି ଦେଇଥାଏ । ୱାଲେଟ୍‌ରୁ ଏହି ଅର୍ଥ ଶେଷ ହେବା ପରେ ବ୍ୟବହାରକାରୀଙ୍କୁ ପେମେଣ୍ଟ୍ ଜାରି ରଖିବା ପାଇଁ ସେମାନଙ୍କ ବ୍ୟାଙ୍କ ଆକାଉଣ୍ଟରୁ ୱାଲେଟ୍ ବାଲାନ୍ସକୁ ମାନୁଆଲ ରିଚାର୍ଜ କରିବାକୁ ପଡିଥାଏ । ତେବେ ନୂତନ ଅଟୋ-ଟପ୍ ଅପ୍ ମାଧ୍ୟମରେ ଏହା ଆପେ ଆପେ ରିଚାର୍ଜ ହୋଇପାରିବ । ଏହା ସହ ୫୦୦ ବଦଳରେ ୨ ହଜାର ଟଙ୍କା ପର୍ଯ୍ୟନ୍ତ ଅଧିକ ଅର୍ଥ ନେଣଦେଣ କରିହେବ । UPI ଲାଇଟ୍ ୱାଲେଟ୍‌ରେ ଗୋଟିଏ ଦିନରେ ପାଞ୍ଚଟି ଟପ୍ ଅପ୍ ଅନୁମତି ରହିଛି ।

ବାରରେ ଗୀତ ଗାଇବା ଛଡା ନାଚ ସମ୍ପୂର୍ଣ୍ଣ ବ୍ୟାନ କରିଛି ଅବକାରୀ ବିଭାଗ

by Rashmita Mishra

Apart from singing, dancing has been completely banned by the unemployment department

ଅର୍ଗସ ବ୍ୟୁରୋ: ବାରରେ ଗୀତ ଗାଇବା ଛଡା ନାଚ ସମ୍ପୂର୍ଣ୍ଣ ବ୍ୟାନ କରିଛି ଅବକାରୀ ବିଭାଗ । ବିଭାଗ ପକ୍ଷରୁ ଆଣାଯାଇଥିବା ଏହି ଗାଇଡ଼ଲାଇନ କୁ ଉଲଂଘନ କଲେ ନିଆଯିବ କୋଠର କାର୍ଯ୍ୟାନୁଷ୍ଠାନ । ଯେଉଁମାନେ ଗାଇଡ ଲାଇନ ଉଲଂଘନ କରିବେ ସେଥିପାଇଁ ସେହି ଲାଇସେନ୍ସି ତାର ଦାୟୀ ରହିବ । ସେହି ଲାଇସେନ୍ସିର ଲାଇସେନ୍ସକୁ ସରକାର ରଦ୍ଦ କରିବେ । ଏପରିକି ମ୍ୟୁଜିକ କେତେ ଡେସିବିଲ ଭିତରେ କରିବେ ତାର ମଧ୍ୟ ଆମେ ଗାଇଡ଼ ଲାଇନ ରେ ଉଲ୍ଲେଖ କରିଛୁ ତାକୁ ଉଲଂଘନ କଲେ ବି ଆକ୍ସନ ନିଆଯିବ । ଓଡ଼ିଆ ଅସ୍ମିତା ଓ ସଂସ୍କୃତି ବିରୋଧୀ କାର୍ଯ୍ୟ କେବେ ଓଡିଶାରେ କରିବାକୁ ଦିଆଯିବନି ।

ଦୀପାବଳିରେ ଘର ଉପରକୁ ବୋମା ମାଡ଼

by Rashmita Mishra

ଅର୍ଗସ ବ୍ୟୁରୋ: ପୁଣି ଗଞ୍ଜାମ ଦିଗପହଣ୍ଡିରେ ଫୁଟିଲା ବୋମା । ଦୀପାବଳିରେ ଘର ଉପରକୁ ବୋମା ମାଡ଼। ଲଗାତାର ପୋଲିସକୁ ଚାଲେଞ୍ଜ କରି ଫୁଟୁଛି ହାତ ତିଆରି ବୋମା । ଦିଗପହଣ୍ଡି କେନାଲ ସାହିରେ ବିଳମ୍ବିତ ରାତିରେ ଦୃର୍ବୁତ୍ତ ମାନେ ରାଜେନ୍ଦ୍ର ସେଠୀଙ୍କ ଘର ଉପରକୁ ବୋମା ମାଡ଼ କରିଥିବା ଅଭିଯୋଗ ଆଣିଛନ୍ତି ପରିବାର। କାରଣ ଅସ୍ପଷ୍ଟ ହୋଇଥିବା ବେଳେ ପୋଲିସର ମୁଣ୍ଡ ବିନ୍ଧା ପାଲଟିଛି ହାତ ତିଆରି ବୋମା । ଗତ ୫ ଦିନ ତଳେ ଦିଗପହଣ୍ଡିର ୩ଟି ସ୍ଥାନରେ ୫ଟି ବୋମା ଫୁଟିଥିଲା ବେଳେ ଆଜି ପୁଣି ବୋମା ଫୁଟିବା ପରେ ଅଞ୍ଚଳବାସୀଙ୍କ ମନରେ ଭୟର ବାତାବରଣ ସୃଷ୍ଟି ହୋଇଛି।

ରତ୍ନଭଣ୍ଡାରକୁ ନେଇ ଆଇନମନ୍ତ୍ରୀଙ୍କ ବଡ ବୟାନ

by Swayangprajna Mishra

The law minister's big statement about ratnabhandar puri

ଅର୍ଗସ ବ୍ୟୁରୋ : ନୂଆ ବର୍ଷରୁ ରତ୍ନ ଭଣ୍ଡାରର ଗଣତି ମଣତି। ଜିପିଆର ସର୍ଭେର ଚୁଡାନ୍ତ ରିପୋର୍ଟ ଖୁବ୍ ଶୀଘ୍ର ଆସିବ। ପ୍ରାଥମିକ ଆଲୋଚନାରୁ କୌଣସି ଗୁପ୍ତ କୋଠାରୀ ବା ସୁଡଙ୍ଗ ନଥିବା ପ୍ରାୟତଃ ଜଣା ପଡିଛି। ଚୁଡାନ୍ତ ରିପୋର୍ଟକୁ ଆମେ ଅପେକ୍ଷା କରିଥିବା କହିଛନ୍ତି ଆଇନ ମନ୍ତ୍ରୀ ପୃଥୀରାଜ ହରିଚନ୍ଦନ ।

ଅଧିକ ପଢନ୍ତୁ : ଶେଷ ହେଲା ଶ୍ରୀମନ୍ଦିର ରତ୍ନଭଣ୍ଡାର ସର୍ଭେ

ସେ କହିଛନ୍ତି ,କାର୍ତ୍ତିକ ମାସ ଚାଲିଥିବାରୁ ଶ୍ରୀ ମନ୍ଦିର ଭିଡ ରହିଚି। କାର୍ତ୍ତିକ ପରେ ରତ୍ନ ଭଣ୍ଡାର ମରାମତି ହେବ। ରତ୍ନ ଭଣ୍ଡାରରେ ଫାଟ ରହିଥିବା ସ୍ପଷ୍ଟ ହୋଇଛି। କାର୍ତ୍ତିକ ମାସ ପରେ ଏକ ମାସ ଧରି ମରାମତି କାମ କରିବ ଏଏସଆଇ। ମରାମତି ହେବା ପରେ ରତ୍ନ ଅଳଙ୍କାର ଗଣତି କରାଯିବ। ପୁରୁଣା ତାଲିକା ସହ ମ୍ୟାଚ କରଯାଇ ୭ ଦିନ ଭିତରେ ରିପୋର୍ଟ ପ୍ରକାଶ କରାଯିବ।

Download Argus News App

UPI Transaction

Download Mobile App