suresh-dev-singh-took-charge-as-new-cp-of-twin-city

ପୋଲିସ କମିଶନର ସଞ୍ଜୀବ ପଣ୍ଡାଙ୍କୁ ଏଡିଜି ଟ୍ରେନିଂ ସହ BPSPA ନିର୍ଦ୍ଦେଶକ ଦାୟିତ୍ଵ । ତାଙ୍କ ସ୍ଥାନରେ ସୁରେଶ ଦେବଦତ୍ତ ସିଂ ହେଲେ କଟକ-ଭୁବନେଶ୍ୱରର ନୂଆ କମିଶନର । ଅରୁଣ କୁମାର ରାୟଙ୍କୁ ମିଳିଛି ଜେଲ୍ ବିଭାଗ ଡିଜି । ସେହିପରି ଗୁଇନ୍ଦା ନିର୍ଦ୍ଦେଶକ ସୌମେନ୍ଦ୍ର ପ୍ରିୟଦର୍ଶୀଙ୍କୁ ADGP ଆଧୁନିକୀକରଣ ଦାୟିତ୍ୱ ଦିଆଯାଇଥିବା ବେଳେ ଆର୍.ପି କୋଚେ ନୂଆ ଗୁଇନ୍ଦା ନିର୍ଦ୍ଦେଶକ ଦାୟିତ୍ଵ ପାଇଛନ୍ତି ।  କ୍ରାଇମବ୍ରାଂଚ୍ ଏଡିଜି ଅରୁଣ ବୋଥ୍ରାଙ୍କୁ ରେଲୱେ ଏବଂ କୋଷ୍ଟାଲ ସିକ୍ୟୁରିଟି ଏଡିଜିପି ଦାୟିତ୍ଵ ମିଳିଛି । ବୋଥ୍ରାଙ୍କ ସ୍ଥାନରେ ବିନୟ ତୋଷ ମିଶ୍ର ହେଲେ କ୍ରାଇମବ୍ରାଞ୍ଚ ଏଡିଜି ।

ଗୃହ ବିଭାଗର ସ୍ୱତନ୍ତ୍ର ସଚିବ ସନ୍ତୋଷ ବାଲାଙ୍କର ବି ବଦଳି ହୋଇଛି । SCRB ଓ SFSL ନିର୍ଦ୍ଦେଶକର ଦାୟିତ୍ୱ ମିଳିଛି । ଗୃହ ବିଭାଗ OSD ଏସ୍.ଏମ୍ ନରୱାଣେ ପ୍ରିଣ୍ଟିଂ, ଷ୍ଟେସନାରୀ ଓ ପବ୍ଲିକେସନ ନିର୍ଦ୍ଦେଶକ ଦାୟିତ୍ୱ ମିଳିଛି । ସେହିପରି ରାଧାକିଷନ୍ ଶର୍ମାଙ୍କୁ ଗୃହ ବିଭାଗ ସ୍ୱତନ୍ତ୍ର ସଚିବ ଦାୟିତ୍ୱ ମିଳିଛି । 
କେଉଁ ଏସ୍‌ପି ଗଲେ କୁଆଡ଼େ ?

ଆଇପିଏସ ସ୍ତରରେ ବଡ଼ଧରଣର ଅଦଳବଦଳ ହୋଇଛି । ୨୨ ଏସ୍ପିଙ୍କ ବଦଳି ହୋଇଛି । ବାଲେଶ୍ଵର ଏସପିଙ୍କୁ ଖୋର୍ଦ୍ଧା ବଦଳି କରାଯାଇଛି । ନୟାଗଡ଼ର ଏସ୍‌ପି ହୋଇଛନ୍ତି  ଏସ୍‌ .ସୁଶ୍ରୀ । ଶ୍ରବଣ ବିବେକ ଏମ୍. ହୋଇଛନ୍ତି ବ୍ରହ୍ମପୁର ଏସ୍.ପି । ସେହିପରି ଭିନୀତ ଅଗ୍ରୱାଲ ପୁରୀ, ଅନୁପମା ଜେମ୍ସ ଭିଜିଲାନ୍ସ SP। ରାହୁଲ ପିଆର ଭିଜିଲାନ୍ସ SP।  ଏଲ୍ ଦିବ୍ୟା ଭିଜିଲାନ୍ସ SP , ରାହୁଲ ଜୈନ ଅନୁଗୁଳ ଏସ୍. ପି । ବରୁଣ ଗୁଣ୍ଟୁପାଲ୍ଲୀ ମୟୂରଭଞ୍ଜ ଏସ୍.ପି। ସ୍ଵାତୀ ଏସ୍  କୁମାର ରାୟଗଡ଼ା ଏସ୍.ପିର ଦାୟିତ୍ଵ ତୁଲାଇବେ । ସେହିପରି ନିତେଶ ୱାଦ୍ଧୱାନୀ ରାଉରକେଲା ଏସ୍.ପି, ଅନୀଲ କୁମାର ମିଶ୍ର ଦେବଗଡ଼ ଏସ୍.ପି, ମଡକର ସନ୍ଦୀପ ସମ୍ପଦ ଭଦ୍ରକ ଏସ୍.ପି, ଯତୀନ୍ଦ୍ର ପଣ୍ଡା ଗଜପତି ଏସ୍, ପି, ମିହିର ପଣ୍ଡା ନବରଙ୍ଗପୁର ଏସ୍.ପି ଓ ଭବାନୀ ଶଙ୍କର ଉଦଗାତା ଜଗତସିଂହପୁର ଏସ୍.ପି । ରାମପ୍ରସାଦ ସାହୁ ସୋନପୁର ଏସ୍.ପି । ହରିଶ ବି.ସି. କନ୍ଧମାଳ ଏସ୍.ପି । ଯଶପ୍ରତାପ ଶ୍ରୀମଲ ଯାଜପୁର ଏସ୍.ପି। ରୋହିତ ବର୍ମା କୋରାପୁଟ ଏସ୍.ପି, ଅଭିନବ ସୋନକାର ଢେଙ୍କାନାଳ ଏସ୍.ପି । ଶୁଭେନ୍ଦୁ ପାତ୍ର ଗଞ୍ଜାମ ଏସ୍.ପି , ନାଗରାଜ ଦେବରକୋଣ୍ଡା ବୌଦ୍ଧ ଏସ୍, ପି ଓ ରାଜ ପ୍ରସାଦ ବାଲେଶ୍ଵର ଏସ୍.ପି ହୋଇଛନ୍ତି ।

ମୋଟ୍‌ ଉପରେ ଦୁଇଦିନ ତଳେ ରାଜ୍ୟସ୍ତରୀୟ କଲେକ୍ଟର ଓ ଏସପିଙ୍କୁ ନେଇ ଗୁରୁତ୍ଵପୂର୍ଣ୍ଣ ବୈଠକ କରିଥିଲେ ମୁଖ୍ୟମନ୍ତ୍ରୀ ମୋହନ ମାଝୀ । ବୈଠକରେ ମୋହନ କହିଥିଲେ, ରାତି ଅଧରେ ବି ଯେଉଁମାନେ ମାମଲା ରୁଜୁ କରୁଛନ୍ତି ସେମାନଙ୍କୁ ଗୁରୁତର ସହ ନେବାକୁ । ଏହାସହ ଚୋର ଯଦି ଡାଳେ ଡାଳେ ଯାଉଛି ତାହାଲେ ପୋଲିସ ପତରେ ପତରେ ଯାଉ ବୋଲି କହିଥିଲେ ମୋହନ । ଆଉ ଗତକାଲି ପାର୍ବଣ ପୂର୍ବରୁ ଆଇପିଏସ ସ୍ତରରେ ବଡ଼ ଧରଣର ଅଦଳବଦଳ ହୋଇଥିବାରୁ ଚର୍ଚ୍ଚା ଜୋର ।
 

କାଶ୍ମୀରରୁ ଧାରା ୩୭୦ ହଟିବା ପରେ ଏବେ ବିଧାନସଭା ନିର୍ବାଚନ ହେଉଛି । ନିର୍ବାଚନରେ କେମିତି ବିଜୟ ହେବେ ସେନେଇ ପ୍ରତି ଦଳ ପକ୍ଷରୁ ରଣନୀତି କରାଯାଇଛି, ପ୍ରଚାର ବି କରାଯାଉଛି । ଏହାରି ଭିତରେ ସବୁ ଦଳର ନେତା ନିଜର ନିର୍ବାଚନି ହିସ୍ତାହର ବି ଦେଇଛନ୍ତି ।  ଏହି ଭିତିରେ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ କାଶ୍ମୀର ଗସ୍ତ କରିଥିଲେ ଏବଂ ଦଳୀୟ ନେତାଙ୍କ ପାଇଁ ପ୍ରଚାର ବି କରିଥିଲେ । ହେଲେ ପ୍ରଚାର କରିବା ସମୟରେ ହିଁ ସେ ଅସୁସ୍ଥ ହୋଇ ପଡିଲେ ।  ସୂଚନା ଅନୁସାରେ, ଜମ୍ମୁ-କଶ୍ମୀରର କଠୁଆ ଜିଲ୍ଲାର ଜସ୍ରୋତା ଅଞ୍ଚଳରେ ଏକ ରାଲିକୁ ସମ୍ବୋଧିତ କରିବା ବେଳେ ଖଡ଼ଗେ ଅସୁସ୍ଥ ହୋଇପଡ଼ିଥିଲେ । ଡାକ୍ତରୀ ସହାୟତା ପାଇ ସୁସ୍ଥ ହେବା ପରେ ଉକ୍ତ ରାଲିକୁ ସମ୍ବୋଧିତ କରି ଖଡଗେ କହିଥିଲେ, କେମିତି କଂଗ୍ରେସ କ୍ଷମତାକୁ ଫେରିବ ତାହାକୁ ଅପେକ୍ଷା ରହିଛି । ଚିକିତ୍ସା ପରେ ଖଡଗେଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି ବୋଲି କଂଗ୍ରେସ ପକ୍ଷରୁ ସୂଚନା ଦିଆଯାଇଛି । କଥା ହେଲା ଆସନ୍ତାକାଲି ଜମ୍ମୁରେ ଅନ୍ତିମ ପର୍ଯ୍ୟାୟ ନିର୍ବାଚନ ହେବାକୁ ଥିବା ବେଳେ ଗତକାଲି ବହୁ ହେଭିୱେଟ୍‌ ପ୍ରଚାର ମଇଦାନକୁ ଓହ୍ଲାଇଥିଲେ ।

କାଶ୍ମୀରକୁ ନେଇ ପୁରା ଦେଶରେ ଚର୍ଚ୍ଚା ଜୋର ଧରିଛି । ଖାସ କରି ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଯେଉଁ ବୟାନ ଦେଇଛନ୍ତି ତାହାକୁ ନେଇ ଏବେ ଭାରି ଚର୍ଚ୍ଚା । ଜମ୍ମୁ ବିଧାନସଭାରେ ବିଜେପି ଜିତିଲେ ପିଓକେ ଭାରତରେ ହିଁ ମିଶିବ । ଯେହେତୁ ପିଓକେକୁ ନେଇ ବର୍ଷବର୍ଷ ଧରି ବିବାଦ ରହିଛି ତେଣୁ ନିର୍ବାଚନ ରାଲିରେ ଯୋଗୀ ଦେଇଥିବା ବୟାନକୁ ନେଇ ଏବେ ସବୁଠି ଚର୍ଚ୍ଚା । ଜମ୍ମୁକାଶ୍ମୀରର ରାମଗଡରେ ବିଜେପି ପ୍ରାର୍ଥୀଙ୍କ ପାଇଁ ରାଲି କରୁଥିବା ବେଳେ ଯୋଗୀ କହିଥିଲେ, ବିଜେପି କ୍ଷମତାକୁ ଫେରିଲେ ପାକିସ୍ତାନ ଅଧିକୃତ କାଶ୍ମୀର (ପିଓକେ) ଜମ୍ମୁକଶ୍ମୀରର ଏକ ଅଂଶ ହେବ ବୋଲି ଯୋଗୀ କହିଥିଲେ । ଆଉ ଏପଟେ ଗତକାଲି ଖଡଗେଙ୍କ ବୟାନ ବି ବେଶ ଚର୍ଚ୍ଚାରେ ।