Student injured beating by science teacher

ବିଜ୍ଞାନ ଶିକ୍ଷକଙ୍କ ମାଡରେ ଛାତ୍ର ଆହତ

by Manini Pattanayak

Student injured beating by science teacher

ଭଦ୍ରକ: ବିଜ୍ଞାନ ଶିକ୍ଷକଙ୍କ ମାଡ଼ରେ ଜଣେ ଅଷ୍ଟମ ଶ୍ରେଣୀର ଛାତ୍ର ଆହତ । ଏଭଳି ଘଟଣା ଘଟିଛି ବାସୁଦେବପୁର ବ୍ଲକ ର ଆରୁହା ପଂଚାୟତ ତୁଲମତୁଳା ବାବାମଣି ଉଚ୍ଚ ବିଦ୍ୟାଳୟରେ । ଆହତ ଛାତ୍ର ସେହି ବିଦ୍ୟାଳୟରେ ଅଷ୍ଟମ ଶ୍ରେଣୀର ଛାତ୍ର କମଳାକାନ୍ତ ସାହୁ ବୋଲି ଜଣାପଡିଛି । ସରକାର ବିଦ୍ୟାଳୟ ଗୁଡିକ ଦଣ୍ଡମୁକ୍ତ ଅଂଚଳ ଘୋଷଣା କରିଛନ୍ତି । ହେଲେ ବିଦ୍ୟାଳୟ ଗୁଡିକରେ ଶିକ୍ଷକ ମାନେ ଛାତ୍ର ଛାତ୍ରୀଙ୍କ ଅମାନୁଷିକ ଭାବେ ମାଡ଼ ମାରୁଛନ୍ତି ।

ଯାହାର ଆଉ ଏକ ଉଦାହରଣ ଦେଖିବାକୁ ମିଳିଛି ବାବାମଣି ତୁଳମତୁଲା ଉଚ୍ଚ ବିଦ୍ୟାଳୟରେ । ବିଦ୍ୟାଳୟରେ ମଧ୍ୟାହ୍ନ ଭୋଜନ ପରେ କମଳାକାନ୍ତ ପାଣି ପାଇଁ ଯାଉଥିବାବେଳେ ବିଜ୍ଞାନ ଶିକ୍ଷକ ମାଡ଼ ମାରିଥିଲେ । ଫଳରେ ମାଡ଼ରେ ଛାତ୍ରଟିର ପିଠି ଫାଟି ଯାଇ ରକ୍ତ ବାହାରିଥିଲା । ଫଳରେ ତାକୁ ପରିବାର ଲୋକ ମେଡିକାଲ ରେ ଭର୍ତି କରିଥିଲେ। ଚିକିତ୍ସା ପରେ ପିଲାଟି ସୁସ୍ଥ ଥିବା ଜଣାପଡିଛି । ମାଡ଼ ମାରିଥିବା ଶିକ୍ଷକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ପରିବାର ଲୋକ ।
ଅଧିକ ପଢନ୍ତୁ ଓଡ଼ିଶା ଖବର

କୋଟପାଡ଼ର ବିଭିନ୍ନ ପୂଜା ମଣ୍ଡପରେ ପୂଜା ପାଉଛନ୍ତି ମା' ଦୁର୍ଗା

by Banajyotshna Ray

maa Durga is being worshiped in various puja mandaps of Kotpad

ଅର୍ଗସ ବ୍ୟୁରୋ: କୋଟପାଡ଼ରେ ବେଶ ଧୁମଧାମରେ ଓ ନିଆରା ଢଙ୍ଗରେ ପାଳିତ ହେଉଛି ଶାରଦୀୟ ଦୁର୍ଗାପୂଜା । ସପ୍ତମୀଠାରୁ କୋଟପାଡ଼ର ବିଭିନ୍ନ ପୂଜା ମଣ୍ଡପରେ ପୂଜା ପାଉଛନ୍ତି ମା' ଦୁର୍ଗା । କୋଟପାଡ଼ ବାହାରଗଡ଼ ସାହି, ମହାନ୍ତି ସାହି, ଦୁଲପୁରସାହି, କେନ୍ଦୁଗୁଡା ଭଳି ବିଭିନ୍ନ ସ୍ଥାନରେ ପୂଜା ପାଉଛନ୍ତି ମା ଦୁର୍ଗା । ସୁସଜ୍ଜିତ ଆଲୋକ ଓ ତୋରଣରେ ଶୋଭା ପାଉଛି ମଣ୍ଡପଗୁଡିକ । ରାଜା ରାଜୁତି ସମୟରୁ ପାରମ୍ପରିକ ଵିଧି ଅନୁସାରେ ଆଡମ୍ବରରେ ପାଳିତ ହୋଇଆସୁଛି କୋଟପାଡ଼ର ଅଧିଷ୍ଠାତ୍ରୀ ଦେଵୀ ମା' ମାଉଲିଙ୍କ ଦଶହରା ପର୍ବ । ଚଳିତ ବର୍ଷ ମା'ଙ୍କ ଅଜ୍ଞାମାଳ ମିଳିବା ପରଠାରୁ ପ୍ରାରମ୍ଭ ହୋଇଛି ମା'ଙ୍କ ଶାରଦୀୟ ଦଶହରା ପାର୍ବଣ ।

ନଅ ଦିନ ଧରି ପାରମ୍ପରିକ ବାଦ୍ୟ ଏବଂ ପଟୁଆର ନାଚ ସହ ଭକ୍ତଙ୍କୁ ସାଥିରେ ନେଇ ମା' ନିଜ ପୀଠ ଛାଡି ନିଜ ଭଉଣୀ ମାଶୀତଳା ଠାକୁରାଣୀଙ୍କ ପୀଠକୁ ଯାଇଥାନ୍ତି । ସେଠାରୁ ମଧ୍ୟରାତ୍ରିରେ ନିଜ ପୀଠକୁ ଅବତରଣ କରିବା ପରେ ପ୍ରାରମ୍ଭ ହୋଇଥାଏ ପୂଜାର୍ଚନା । ମାଉଲି ମା'ଙ୍କ ପିଠ ନବରାତ୍ରିଠାରୁ ଭକ୍ତଙ୍କ ସମାଗମରେ ଚଳଚଞ୍ଚଳ ହୋଇ ଉଠିଥାଏ । ସାରା କୋଟପାଡ଼ ଦିବ୍ୟ ଆଲୋକରେ ଆଲୋକିତ ଓ ମୁଖରିତ ହୋଇ ଉଠିଥାଏ l ବିଭିନ୍ନ ସଂlସ୍କୃତିକ ନୃତ୍ୟ, ଭଜନ, ସଂଗୀତର ଆସର ଜମିଥାଏ ମନ୍ଦିର ବେଢା ନିକଟରେ l

ମା' ମାଉଲି ଛତିଶଗଡ଼ ସହରରେ ଆବିର୍ଭୁତ ହୋଇଥିଲେ କିନ୍ତୁ ମା' ମାଉଲି ବର୍ତ୍ତମାନ ଉଭୟ ଓଡ଼ିଶା ଏବଂ ଛତିଶଗଡ଼ ରାଜ୍ୟରେ ପୂଜା ପାଇଆସୁଛନ୍ତି । ଏଠାରେ ଦୂର ଦୁରାନ୍ତରରୁ ଆସୁଥିବା ଭକ୍ତଙ୍କ ସମାଗମ ହୋଇଥାଏ । ଭକ୍ତଙ୍କ ମନବାଞ୍ଛା ମଧ୍ୟ ପୂରଣ କରିଥାନ୍ତି କରୁଣାମୟୀ ମାଉଲି ମା' l ଭକ୍ତଙ୍କ ମଧ୍ୟରେ ବିଶ୍ବାସ ରହିଛି ମା'ଙ୍କ ପାଖକୁ ଆସି ଯିଏ ବି ଯାହା ବି କୃପା ଭିକ୍ଷା କରିଛି ତାହାର ମନସ୍କାମନା ନିଶ୍ଚୟ ପୂରଣ ହୋଇଛି ।

ଅଧିକ ପଢ଼ନ୍ତୁ ଓଡିଶା ଖବର:

ଚକୋଲେଟ୍ ଖାଉଥିଲେ ସାବଧାନ, ହୋଇପାରେ ଏହି ସବୁ ରୋଗ

by Rashmita Mishra

Be careful if you eat chocolate, it can cause all these diseases

ଅର୍ଗସ ବ୍ୟୁରୋ: ଚକୋଲେଟ ଖାଇବାକୁ କାହାକୁ ବା ଭଲ ନ ଲାଗେ? ଏଭଳି ଖୁବ୍ କମ୍ ଲୋକ ଥିବେ ଯାହାଙ୍କୁ ଚକୋଲେଟ୍ ଭଲ ଲାଗୁନଥିବା । ପିଲାଙ୍କଠାରୁ ଆରମ୍ଭ କରି ବୟସ୍କ ସମସ୍ତେ ଚକୋଲେଟ୍ ଖାଇବାକୁ ଭଲ ପାଇଥାନ୍ତି । ଚାହିଦାକୁ ଦେଖି ବଜାରକୁ ଏବେ ବଭିନ୍ନ ଭେରାଇଟିର ଚକୋଲେଟ୍ ବି ଆସିଲାଣି । କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଚକୋଲେଟ୍ ଖାଇଲେ ସାଂଘାତିକ ରୋଗ ହେଉଛି ।ଚକୋଲେଟ୍ ଖାଇଲେ ଡାଇବେଟିସ୍ ହେବାର ସବୁଠାରୁ ଅଧିକ ସମ୍ଭାବନା ରହିଛି । ଚକୋଲେଟ୍ ଓଜନ ବଢାଇବା ସହିତ ଶରୀରକୁ ବିକଶିତ କରିବାରେ ବାଧକ ସୃଷ୍ଟି କରିଥାଏ । ଗୁରୁତର କଥା ହେଉଛି ଚକୋଲେଟ୍ ଖାଇଲେ ହୃଦଘାତ ଓ ଷ୍ଟ୍ରୋକ ହେବାର ସମ୍ବାବନା ଥାଏ । କିଡନୀ, ପେଟ ଯନ୍ତ୍ରଣା ଓ ହାଡ ଗୁଡିକ ଦୁର୍ବଳ କରି ଦେଇଥାଏ ।

ଅଧିକ ପଢନ୍ତୁ ଜୀବନ ଶୈଳୀ ଖବର...

ଭାଲୁ ଆକ୍ରମଣରେ କଲେଜ ଛାତ୍ରୀ ଗୁରୁତର

by Smruti Parija

college-student-injured-in-bear-attack-at-sambalpur-rerakhol

ସମ୍ବଲପୁର: ରେଢ଼ାଖୋଲ ଥାନା ବିରଚନ୍ଦ୍ରପୁର ଗ୍ରାମରେ ଅଭାବନୀୟ ଘଟଣା । ଆଜି ସକାଳେ ଭାଲୁ ଆକ୍ରମଣରେ ଜଣେ +3 କଲେଜ ଛାତ୍ରୀ ଗୁରୁତର ହୋଇଥିବା ଜଣାପଡିଛି । କଲେଜ ଛାତ୍ରୀ ସୁନିତା ମୁଣ୍ଡା ସକାଳେ ଶୌଚ ହେବା ପାଇଁ ଘର ପଛ ପଡିଆକୁ ଯାଇଥିବା ବେଳେ ଅତର୍କିତ ଭାବେ ଭାଲୁ ଆକ୍ରମଣ କରିଥିଲା । ସୁନିତା ମୁଣ୍ଡାଙ୍କ ଚିତ୍କାର ଶୁଣି ପାଖରେ ଥିବା ପରିବାର ଲୋକେ ଦୌଡିଥିଲେ ।

ପରିବାର ଲୋକଙ୍କୁ ଦେଖି ଘଟଣା ସ୍ଥଳରୁ ଭାଲୁ ପଳାଇଥିବାବେଳେ ଝିଅକୁ ଉଦ୍ଧାର କରି ରେଢ଼ାଖୋଲ ମେଡିକାଲରେ ଭର୍ତ୍ତି କଲେ ପରିବାର ଲୋକେ । ସୁନିତା ମୁଣ୍ଡାଙ୍କ ବାମ ଆଖିରେ ଆଘାତ ଲାଗିବା ସହ ତାଙ୍କ ନାକଟି ଛିଣ୍ଡି ଯାଇଥିବା ଜଣାପଡିଛି । ଅତି ଗୁରୁତର ହେବାରୁ ବୁର୍ଲା ମେଡିକାଲକୁ ସ୍ଥାନାନ୍ତରିତ କରାଯାଇଛି । ଘଟଣାସ୍ଥଳରେ ବନବିଭାଗ ପହଂଚି ଘଟଣାର ତଦନ୍ତ କରୁଥିବା ବନ ବିଭାଗ ପକ୍ଷରୁ ସୂଚନା ମିଳିଛି ।

Download Argus News App

Student injured beating by science teacher

Download Mobile App